الموضوع: ابي محل مضمون يرشلي الصدام اللي ورا تكفون ( الشرقية او الرياض )

في الدمام أرشح لك ورشة باسمير في صناعية الدمام مشهورة ومعروفة بشغلها النظيف جدا..

والله يا الخوي بالدمام أو بالشرقيه بصفه عامه ما أعرف

لكن بالرياض فيه ورشه ومررررررره معرووووووووفه

بس الله يعينك تراهم غالين شويتين لكن يعطونك ضمان على البويه أنها ماتتغير ولا تتقشر ولا شي

طبعا الورشه هي بالصناعية القديمة أسم الورشه ( ورشة الوفا ) <<


روح لهم وشوف كم بيرشون لك الصدامات الإثنين وأسألهم عن الضمان

وإن شاء الله أمورك طيبه




إحترامي + أريقااااتووووو

طيب في جده ، آحد يخبرٍ ورشه تمآمُ ؟؟ :d

اذا قصدكـ لون الفيراني

طبعاً بتكلمـ عن تجربتي >> نفس الون فيراني 2004

.. دورت كم محل في صناعية العاصمة و صناعية شارع المدينة >> كلها في البديعة

طبعاً كنت ابي رش صدام فرن + صنفره + معجون >> مادري ايش اسمه بالضبط

كل المحلات اسعااارهم من 200 ريال الى 350 ريال >> 350 عند الاتراكـ

مع الضمان اذا رش الصدام ولا ضبط اللون يرشة لكـ مره ثانية

بس كنت متردد لان الون شوية صعب >> مو زي الابيض اي واحد يضبطه

فاااا رحت الى صناعية الشفاء قاااعد ادور ادور اي موتر زي لون موتري

الين حصلت نفس موتري بالضبط بس هو 4 سلندر :d

دخلت ع الورشة >> طبعاً وقفت موتري بعد عن الورشة علشان ما يتريش ويكبر راسة :p

دخلت على الورشة وقاعد اتفرج ع شغلهم وشوي سالته قلت هذي الاكورد وش

فيها قااال بوية جزء طويل

في الشنطة الي فوق الاصطب

قلت له مااتحتاج رش >> شكل راعيها دراهمة واجد :d

ضحكـ قااال هذي تونا راشينها



انا مااصدقت خبر قلت له ابيك ترش موتري

قاااال لا عندي زحمة

> تكفى يابن الاحلال

عندي اربع سيارات موقفها برا الورشة تونا ماشتغلنا فيها

>>

وبعدها رحت عند واحد سوري كل الورشة حقته فيها سفيكات واكوردات

قاااالي 500

قلت له والله لوك وكالة

قااال شوف لالالالالا احنا واحنا>> سوري :d

الزبده انه قااال لي واحد منهم لو ارش صدامكـ اجيب لك نفس لو الوكاله 98%

بس ما اعطيكـ ضمان لو ساعة وحدة

قلت ليه

قااال لانك بتسوي معجووون

فا اي طقه راح تتقشع البوية :p

حبيبنا اذا انت في الرياض لا يلعب عليك احد ترى رقم بوية السيارة موجودة في الباب للسائق
وتنباع عند العمودي عشان الرشة تكون بوية وكالة
انا ادلك على محل في الرياض اذا تبي وتشترط عليه اذا انكشف انه غير درجة لون الوكالة لا تدفع له
لان اذا نويت تبيع السيارة وفحصوها ممكن يكشفون انك صابغ الصدام بويه

الوعلان اللي فالبديعة , مدخل موتري هناك رش الموتر كامل من صدام الى الصدام .. 3800 ريال
بس اللون لؤلؤي ,
مر عليهم إذا ودك تشوف شغلهم .. وعلمني وش أخبار موتري :d ..

بتحصل عندهم BMW 2009 , وسوناتا 2011 (وقسم بغيت أصيح يوم شفتها الله يهوّن على راعيها ) ..

يعطيكم العافية يا شباب وبانتظار باقي الاعضاء
انا لوني رصاصي فاتح مو فيراني .. وعارف انه لون البوية موجود لكن اخاف يرشلي بوية اي كلام ..

بانتظار باقي الشباب

والله اخوي اذا خايف مالك الا الوكاله اذا تبي الشغل الصح ادفع

المشاركة الأصلية كتبت بواسطة المسافر shehab

حبيبنا اذا انت في الرياض لا يلعب عليك احد ترى رقم بوية السيارة موجودة في الباب للسائق
وتنباع عند العمودي عشان الرشة تكون بوية وكالة
انا ادلك على محل في الرياض اذا تبي وتشترط عليه اذا انكشف انه غير درجة لون الوكالة لا تدفع له
لان اذا نويت تبيع السيارة وفحصوها ممكن يكشفون انك صابغ الصدام بويه

كلنا عااارفين ان موجود الرقم ع باب السائق

بس السيااااارة مع الحرارة والشمس والرطوبة و الترمل

يتغير لون السيارة >> مو تغير جذري

يعني بنسبة 7 - 15%
8 8 8
8

15% للي ساكنين في مناطق فيها رطوبة

طيب اخوي ماستفسرت هل الوكاله اتصلح لك الرشه

المشاركة الأصلية كتبت بواسطة القايله

طيب اخوي ماستفسرت هل الوكاله اتصلح لك الرشه

الوكالة يقولون 700 رش الصدام اللي ورا

يعني ارش الصدام اللي ورا واللي قدام بورشة غاليه نفس سعر صدام واحد بالوكالة

اخوي انا جتي ضربة خفيفة بالصدام تقريبا حكوك وطلع شكل السيارة مشوه طبعا ووديته لمركز الكرامة (ورشة الكرامة) وغيرت الصدام الامامي كامل وهم الي يرشون الصدام وصراحه شغلهم تمام التمام تجربتي وماشاء الله تقول مانرشت ولاجاها شى
الورشة كد وصفلتلها لاخوي الشمالي ومادري وش صارعليه
المهم الورشة هي ورشة الكرامة الصناعية القديمة بعد وهذا رقم ابو خالد هو المسؤل عن الورشة وقله من طرف ابو مجاهد راعي الاكورد وهذا رقمة (0503166307) واسف على الاطالة

للأمانة : (ورشة الكرامة) أنا أتعامل معهم من 5 سنوات وأبوي يعرفهم من زمااان , شغلهم إذا كنت تبي تبيع أو السيارة قديمة ولاتفرق معك , أما للإستخدام ماأنصحك فيهم.

يا شباب انا ما ابي اغير الصدام كله .. صدامي ما فيه شي غير خط بسيط متقشعة فيه البوية

ابي ارشة او اسوي اي شي .. يا ريت باقي الشباب يساعدوني

الوكالة شغلهم أقل من عادي و تأكدت بنفس بعض الأعضاء آكل فيهم مقلب فيه ورش بالصناعية أفضل من الوكالة

بألــــ1000ــــف مره طبعآ أفضل ورشة شفتها إسمها الإتقان ببريدة ورشة معروفة أتراك و الرياض الوفا بس غالي

وشايفين أنفسهم شوي و لكن راح أوصف لك ورشة إسمها التقوى بالصناعية مخرج 18 الدائري الشرقي كبيره مره

دليل على قوتهم بانوراما تسمكر عندهم و فيه سيارة لواحد من الشباب رش بابين بسعر معقول و شغل مرضي جدآ

وأشوفه أفضل من الوكالة