كنت مبسوط بس ذحين ف لا والف لا

**allourd** · 21-06-2010, 03:39 PM

رحت قبل يومين بغير اقمشه وقلت لصاحب المحل عطيني اقمشه نيسن قالي ب120ريال طبعا

بلعت ريقي بشويش وجاني دوخه بسيطه والميزانيه اللي معي 60ريال قلت له ليه قبل كم شهر كانت بحدود 60 ريال قال حبيبي زادت الاسعار قلت طيب حق الوكاله بكم قالي 320قلت اكيد تعرفني من زمان وجالس تمزح معي حق الوكاله المعفن 320بعد الخصم قال ايه منت مصدق رح اي محل ثاني بس بصراحه ما رحت لاي محل ثاني لانه ما كان فيه محل قريب وقلت حسبي الله واختها
المهم من جد يا شباب زادت اسعار الاقمشه ولو فعلا زادت زي كذى وش الحل كلها معفنه وما تنفع وتزيد اسعارها

الحل شكله افك فتحتين تحت دعسه البنزين واشتري جزم من حقت المصانع واذا جيت ابغى اوقف بس ادحدر رجلي من الفتحه واوقف السياره وعلى فكره نازله شركات حلوه بضمانات واذا مشت الجزمه 40000الف ينلغى الضمان
الله بس يورينى فيكم يوم

ما كمل الموضوع لانه حاااااااااااااااااااااااااقد

**م ج رد حلم** · 21-06-2010, 04:05 PM

ههههههههههههههههههههههههههههههههه طريقتك الجديده رهيبه

ذكرتني بالدلوخ فريد وفليستون >>غباااااااااااااار:d

عموما انا انصحك تبعد عن النيشن وشووف موضوع اخوي بينك دريم عشاان تعرف جوده النيشن

**accord101** · 21-06-2010, 04:08 PM

الله يعين اخوي
مافي اليد حيله

والله يكون في عون الجميع

**شلهوب سدير** · 21-06-2010, 04:16 PM

هههههههههههههههههه :d
الله يعيينك يالغالي

**اكورد لؤلؤي** · 21-06-2010, 05:15 PM

حياك اخوي ..

بس حبيت اعدل لك معلوماتك ..
نيسن ماعمرها صارت بـ 60 ريال ..هذا هو سعرها من زمان 120
الي بـ 60 ريال هذا نوع هندي ومازال بالسعر هذا

وبالتوفيق ...

**أكورد خليجي** · 22-06-2010, 01:12 AM

جابها لي ميزان العضيب بـــ240 ريال مدري لعبوا علي او هذا سعرهااااا

**D.H.o.O.o.M** · 22-06-2010, 01:24 AM

النيسن الله يسلمكـ كانت اول ب90 ريال وارتفعت تدريجيا الي 120 ريال امامي ((اقل بقليل او اكثر بقليل على حسب المحل اوالموزع ))

الخلفي كان بـ 80 ريال وزاد الي حدود الـ 100 ريال ((اقل بقليل او اكثر بقليل على حسب المحل اوالموزع ))

للعلم الامامي قابل للارتفاع اكثر من الخلفي بحكم كثر الطلب عليه

والله يعين بنصير بين نارين غلاء وعدم جوده فحمات الوكالة وارتفاع اسعار فحمات نيسن

الله يكون بعون الجميع

**أغـار يا هـوندا** · 22-06-2010, 02:53 AM

الله يقلع النيسن ... ليتني ماركبتها
وربي ودي أدفع 600 واشتري أقمشة الوكالة

**برق** · 22-06-2010, 02:58 AM

المشاركة الأصلية كتبت بواسطة أغـار يا هـوندا

الله يقلع النيسن ... ليتني ماركبتها

وربي ودي أدفع 600 واشتري أقمشة الوكالة

تعال تعال شوي وبشريها أول رد أشوفه يسب نيسن ياليت تعطيني السلبيات طبعآ كرمآ لا أمرآ

**slaitr** · 22-06-2010, 10:56 AM

المشاركة الأصلية كتبت بواسطة برق

تعال تعال شوي وبشريها أول رد أشوفه يسب نيسن ياليت تعطيني السلبيات طبعآ كرمآ لا أمرآ

انا اسبّها واسب ابوها

1- صوت طقطقة بالفحمات تحس ان الفحمات تتحرك
2- صوت صفير مستمر
3- توصخ الجنط بشكل غير طبيعي

الميزة الوحيدة فيها واللي تفرق عن فحمات الوكالة
ان فحمات الوكالة اذا ضربت فرامل وانت مسرع ترج
فحمات النيسن ما ترج

**اكورد مودي** · 22-06-2010, 11:45 AM

صراحه مافي مثل فحمات الوكاله والحمدلله كنت راح اشتري طقم امامي وخلفي
مركب فحمات التايلندية في الخلفية سلبياتها اكثر من منفعها
الجنط الخلفي دايما وسخ و تطلع بودرة سوده كل شوي لازم تنفخ عليها بالهوا المضغوط و اصوات الصفير شي على كيف كيفك
انصح بفحمات الوكاله افضل بكثير من النيسن والتايلندي.

**برق** · 23-06-2010, 04:17 AM

المشاركة الأصلية كتبت بواسطة slaitr

انا اسبّها واسب ابوها

1- صوت طقطقة بالفحمات تحس ان الفحمات تتحرك
2- صوت صفير مستمر
3- توصخ الجنط بشكل غير طبيعي

الميزة الوحيدة فيها واللي تفرق عن فحمات الوكالة
ان فحمات الوكالة اذا ضربت فرامل وانت مسرع ترج
فحمات النيسن ما ترج

مدام كذا مالك إلا خشمك لو هو اعوج الله يعين على هشومي بخير من تالي ضرب الأسعار فوق مدري منه مدري

منين الله لا يجزا العدوا خير زيادة حوالي 75 ريال خلال فتره وجيزة طبعآ أمامي وخلفي على كل حال شكرآ لك

والله ينور عليك

المشاركة الأصلية كتبت بواسطة اكورد مودي

صراحه مافي مثل فحمات الوكاله والحمدلله كنت راح اشتري طقم امامي وخلفي
مركب فحمات التايلندية في الخلفية سلبياتها اكثر من منفعها
الجنط الخلفي دايما وسخ و تطلع بودرة سوده كل شوي لازم تنفخ عليها بالهوا المضغوط و اصوات الصفير شي على كيف كيفك
انصح بفحمات الوكاله افضل بكثير من النيسن والتايلندي.

الف شكر أخوي باقي شوي وأشتري نيسن صراحة و مثل ماقلت مامثل الوكالة وخاصة بشي خطر مثل الفحمات