شوف يا صاحبي
دايم اسعار رش السيارة بالكامل بـ 3000 الي 3500 اكثر من كذا انا اعتبرة استهبال ، افضل شي تسوية بعد ما تاخذ الكلام من الاعضاء ، تروح للورش الي قالوا عليها ورشة و تمسك السيارة بيدك علشان تشوف خشونة او نعومة اللون ( قبل كل شي الاسعار على حسب اللون )
اهم شي تكشف على سيارة يكون رشها بالكامل و لمعها بعد الرش ، علشان ما يكون له حجة ان يقول لك ماكانت ملمعة او ماكانت مرشوشة بالكامل
بالنسبة للضمان .. هذا متفاوت ، فيه ورش تعطيك 6 شهور و فيه سنة و فيه 5 سنوات ، و فيه بعض الورش القوية مثل العيتاني بجدة مستعد يعطيك ضمان مدى حياة السيارة على للون بشرط ما يكون اللون خرج بسبب ضربة او مشكلة بالبدي .
اسعار اللالوان تختلف من لون الي لون ، مثلا :
1 - اللون الماجيك 5 او 7 الوان : هذا اغلى اللالوان الموجوده لانه بيكون فيه طريقة معينة للرش و كم طبقة يرش و ايش لون الاساس ، غير ان نفس اللون لما تشترية يكون غالي اصلا .
2 - اللون الماجيك لونين او 3 : هذا يكون ارخص من الي قبلة ( على حسب اللون ) يعني الغوامق تكون ارخص من الالوان الفاتحة و زي كذا
بس الي يعيب هذه الالوان .. ان مو كل ورشة ترشها و تظبطها ، و بعض الورش تاخذ شغل اليد شي جامد لانه يرش لك اكثر من طبقة، و بعدين الاهم : هذا اللون لا سمح الله لو انحك او صار اي شي راح يكون تكلفة الرش للجزء المحكوك غالية جدا .
............
3 - الالوان العادية : هذا يا الحبيب عادي و يختلف من لون للون ، مثلا :
أ - اللون الابيض اللؤلؤي : هذا برضة غالي نوعا ما ، بسبب انه يخلط لون ابيض مع الوان ثانية مع اللمعة علشان يطلع لك اللون اللولي و كمان بداخل الفرن راح يستخدم اساس للبوية ... الخ ، و يعتبر غالي نوعا ما
ب - اللون العادي : مثلا اللوان العادية مثل اللون الاحمر او الاسود او الابيض السادة ( مثل الوان الكامري - الكرولا - الياريس .. الخ ) بيكون لونها عادي جدا مافي اي شي يفرق فيه ، ميزتة انه رخيص بس عيبة لون سقيم يعني مافيه اي حركة او تميز ( و ارخص لون هو لون الفورد لانه لون اسود بس بدون اي اضافات )
ج - اللون المطفي : هذا لون رخيص جدا و مايحتاج تعب في اي شي ، حتي رشة يكون رخيص ( شغل اليد ) لكن عيبة انه يتعبك وقت الغسيل و يتعبك وقت الغبار و غيرة .
...................
و سلامتك
مواقع النشر (المفضلة)