الموضوع: طالب بيتخرج ويستشيركم /

ممكن تنزل برمضان وممكن ما تنزل احتمال كبير بعد العيد تكون موجوده خخخخخ

الاكورد العاده تطول تنزل بشهر 11 او 12

ممكن ماتنزل في رمضان على حسب ابو هاشم اذا خلصت 2010 الي عنده نزلها .

اووه .. بس شهر 11 / 12 بدأت الدراسه طيب !!


الظاهر مالنا الا الكآآمري .. يعني


مشكووورين

شوف 2009 نزلها في رمضان << شاريها في رمضان

2010 نزلها قريب الحج لان كان باقي عنده 2009
2011 اذا صرف 2010 بينزلها

ومبروووك التخرج والموتر مقدما

طيب اشتر 2010 كانك مستعجل >>لاتندم وتشتري الكامري>>اشتر اكورد10 او انتظر الى شهر 11 او12 ثم اشتر 2011كانك تبي شكل اجدد

مبروك التخرج
وعقبال التخصص السنع بالجامعهـ
وزي ماقالو لك الشباب
وبالتوفيق

تحياتي

أنا من رأيي ما تاخذ لك كامري لو ماتنزل 2011 موليه ...

يا راجل 2010 وفل كا مل وريح مزاجك وأكشخ في العيد مع الربع وتونس بالملكه ولا تورط وتطيح بكامري وأنا أخوك ..


ومبرووووووووووك التخرج والموتر وربي يوفقك ...

اول شي احس اني اعرفك !!!!

ثانيا
ماادري هل الكامري بتتغير لشكل جديد ب2011
كانها بتتغير خذ الكامري وتو كل على الله
وكانها مهيب متغيره خذ اكورد احسن بمليون مره

بس مشكلة الاكورد بتتغير في 2012 او الشبه مؤكد ومليون بالميه بتتغير في 2013

اذا كان ماعندك مشكله تقعد سنه معك وتتغير لشكل ثاني توكل على الله


والشباب راح يفيدونك
وارجو تصحيح معلوماتي كان فيها غلط ياشباب

الله يوفقكـ ويسر اموركـ

وعقبال الشهادة واعلى الدرجات يارب

بالنسبه للموديل الجديد 2011 من ناحيه موعد نزوله بتطول لن مخزون 2010 ما انباع منه كثير لاسباب كثيره بالدرجه الاولي الاسعار وبالدرجه الثانيه المنافسين مثل الجيل الجديد للمكسيما والسوناتا

بمعنى مستبعد كثير اذا مو مستحيل انها تنزل برمضان :d

اذا انت ناوي ومعزم ع الاكورد خذ 2010 مع العلم ان احتمال كبير بيكون فيه تعديل على موديل 2011 حسب ماتعودنا على سياسة هوندا

نصيحة لاتفكر مجرد تفكير بالكامري

بالتوفيق

والله هذا اللي فكرت فيه البارح قبل لا انام

ودخلت احين قلت بـ استشيركم

بس انتو الله ماقصرتوا كفيتوا و وفيتوا

انا ماعندي مشكله اذا كانت بـ تتغير في 2013

لكن اهم شي يكون التغير في 2012 تغيير خفيف مايكون الشكل كامل

طيب .. كم سعر الاكورد الفل 2010 ( 4 سرندل ) ؟؟

<<ابقى سعر المعارض و الوكالة .. الله لايهينكم

وهل تتوقعون في شهر رمضان بيكون في عروض على الاكورد !!

وعن اذنكم بروح الدوام .. اليوم : كيمياء

الله يعييينا و يعينكم على هالدنيا

اليوم, 06:54 AM

<<اما انك كاتب الرد ., قبل الاختباار .,
أمدااك تروح للمدرسه ., !! :p

ــــــــــ.,.,ـــــــــــ
وشسمه ., انا لو بمكانك .,اشوف هل الاكورد 2011 بتنزل بدري ولالا .,
<<انا شاري 2009 في بداية رمضاان.,

بعدين لا يكون همك انك تكشخ بالعيد .,
ناس كشخوا وجاتهم صقعه وهي توها وكاله .,<< أبد موب أنا ., :o

^^^

يمكن ساكن جنب المدرسة :d

ياصاحب الموضوع ..

اخذ اكورد افضلك .. اذا ماتقدر تصبر الين شهر 11 او 12 ..

اخذ 2010..

^^^^

:d

وممكن داخل عن طريق البلاك بيري

:d

اخوي خدلك اكورد ترا التغير بسيط ومداك تغيرها انت بنفسك

والله لو اجلس سنه بدون سياره ماخذ كامري
خذ 2010 ازيين من الكامري بكثير
وبعدين الكامري لو اخذت حتى 2011 والا 2012 ماراح تجعص فيها الا وابو هنود تاكسي واقف جمبك باشاره وش ذي الجعصه الحمدلله
والله يوفقكم باختباراتكم

هلا والله بالشباب ..

اي والله المدرسه قريبه << اصلا حنى نروحها مشي مو بسيياره بعد

طيب

هل تتوقعون بتكون في تخفضيات على الاكورد 2010 في رمضان ؟

وكم سعر الاكورد الفل 4 سرندل حاليا ( وكلة و معارض ) ؟

الفل جلد ممكن 99000 في الوكالة
الفل مخمل تقريا 95 الف في الوكالة>>اتكلم اذا بغيت تشتري مستقبلا اكيد بيخفضون السعر عشان تخلص السيارة

في المعرض عل حسب ممكن تنقص 3 الى 4 الاف

التخفيضات اكيد راح تكون في تخفيضات ممكن 3000 الى 4

بالنسبه الى الاسعار الي بالوكاله

102.900 للفل جلد

98.900 للفل مخمل


طبعاً 4 سلندر




بالمعارض ممكن تقل 3 الاف

اخوي بالنسبة لسعر الفل 4سلندر جلد ب99900واذا عزمت ينقصوا لك الف ريال يعني ب98900 بالاظافة للتامين ب350ريال وهو اقل شي وبالتوفيق يارب ولا تنسى تستخير وان شاء الله اني افدتك ولو بشي بسيط

بصراحه ياجماعه اول مره اشوف منتدى مثل هذ المنتدى

كل الاعضاء يجاوبونك .. وكلهم راعيين نخوه ..

مشكوووورين وماقصرتوا ..

وان شاء الله اي شي جديد يصير معي بأخبركم ...

عشان تفيدوني ..


مشكوورين

مبرووك التخرج

واسمع كلام الشباب ترى الكامري صارت موضه قديمه

ومن سئل ماضاع
تحيآآآتي بو عـكـن..~

انا ماخذ فل 4سلندر جلد 99500 بدون الوحات حسبوا علي 1800 ريال

لا تاخذ كامري لا تاخذ كامري لا تاخذ كامري

على الاقل الكامري 2006 -2003 كانت استراليه هاذي الجديده تايلنديه خذ لك اكورد ياباني 100% وتوكل على الله واذا ما تبي تصبر اشتري 2010

*ومضه:انت متأكد انك ثالث ثانوي انا اخبر ان اليوم عليهم اختبار فيزياء