الموضوع: استفسار ...عن تغير زيت القيرررر ..

وعليكم السلام ورحمة الله وبركاته

الحمدلله بخير ونعمه ،،، ماعندي اختبارات خخخخ

بالنسبه للإستفسارات:

اولا: ما اعرف كم علبه ياخذ

ثانيا: ايوه لازم تغيره لأنه الموديلات الجديده على كلام الشركه تتغير اول مره بعد الـ 60 الف وبعد كدا كل 40 الف

ثالثاً : ما انصحك تغيره برا ، كلها 182 ريال في الوكاله على كلام الشباب

رابعاً: <<<< هذا من عندي خخخ (الله يعطيك خيرها ويكفيك شرها)

حياك اخوي ...

1- الموديل السابق ياخذ 3 علب ..فـ اتوقع انه نفس العدد

2- لابد تغيره ..ومتاخر انت بعد ..وبعد كذا غيره كل 40 الف

3 غيره برا الوكاله او في الوكاله كل واحد ..اهم شي خذ زيت هوندا الاصلي من الوكاله
..وعلى فكره هو مايبي له حرفنه ..مجرد فك الصره وتعبية الزيت ..اي واحد يغيره لك ((انا اغيره في البيت))


وبالتوفيق ...

المشاركة الأصلية كتبت بواسطة المباشر

ياخذ 3 علب واحذر احذر احذر احذر تحط زيت غير زيت القير من الوكالة الاصلي

ولو تبدله بالوكالة اصرف واذا حسبتها تطلع نفس السعر عليك

بدله الحين وبعدين اذا مشيت 100 الف وبعدها 140 وهكذا كل 40 الف

يعني اذا كان الزيت مواصلي من برا الوكاله يطيح القير :(

^^^^
غيرة بالوكالة وفك عمرك
لا تنسى تغير الفلتر اذا غيرت الزيت
اضغط هنا

الله يعطيكم العافيه وماقصرتووو على النصائح والرد السرييع
بس انا متزاعل مع الوكاله هع هع

زي ما أفادوك الشباب

وٍأنتبه , تغير زيت مب زيت الهوندآ , لآتسوي زيي وتروح تغيره بزيت ثاني غير عن الزيت الأصلي

أنا الحمدلله ماصار معي شي للآن , وربك ستر

شطحه خآرجه عن الموضوع : (المباشر) وراك ماترد علي يآدب ؟:d

السلام عليكم ...

طيب يا عزيزي المباشر ... انا من فتره غيرت زيت القير عند ورشه محترمه ومعروفه ..." اللي بجنب ورشة الجنووووب" في الرياض...

انا جبت معي 3 علب زيت قير حق هوندا من الوكاله ... ويوم رحت عندهم وعبا القير ..قالي ناقص ربع الى نص علبه ... قلت طيب ما عندي كيييف ؟؟؟ ... قال عندا محل يبيع اصلي ... قلت اوكي ...

الله يجزاه خير زاد الزيت اللي كان ناااقص... لكن المشكله وييييييين ؟؟؟؟ المشكله في سعر العلبه ..انها 35 ريال اذا مو ناسي

وانا شاري الوحده من الوكاله ب 44 ريال ..... طيب ليش الفرق الكبييييير هذا ...؟؟؟؟؟

يعني لو نحسبها

ثلاث علب ونص ...او قووووووووول اربع >>>> 4 * 44 = 176 ريال " وكاله "

و من عند المحل اللي عن طريق الورشه >>>> 4 * 35 = 140 ريال .

يعني الفرق 36 ريال ولو كاسرنااااااه على شغل اليد من 50 ريال الى 30 مثلا ...يطلع الفرق الكلي 56 ريال وهذا ماهو فرق هين !!!! :(

ملاحظه """ ليش انتو 3 علب وانا 3.5 ... مع اني اكورد V6 موديل 2007 """ وماشي 98000 كم والسياره تمااام التماااااام :o

طيب يا شباب واللي ما غيره ابدا
نزحلقه ولا لازم تغيير
خصوصا اني ماشي 83 الف
والله رحت اغيره برا قاللي اذا ماعشقت السياره ماني مسؤول قلت له سلام عليكم ومشيت
يقولون عاد من اللي يقولون مادري بس انهم يقولون اذا تاخرت ماينفع تغيره وامشي عليه اصرفلك
ما مدى صحة اذاعة يقولون
وشكرا لكم على جهودكم المبذوله في سبيل انجاح هذا العمل الفني >> اطلع برآآآآ

^^^^^^^^
تمشي عليه الى متى خخخ

اذا اتأخرت في تغييره الحل الأسلم والأفضل انك تغيره تدريجيا

يعني ماتنزل الزيت كله لالالا

نزل مقدار لتر واحد يعني علبه وحده

وحط مكان اللي نزلته لتر زيت جديد

وامشي عليه

وبعد كم يوم ارجع اعمل نفس الحركه وامشي عليه كم يوم

وهكذا الين يتأقلم القير عالزيت الجديد

يعني الإجمالي يطلع عليك تقريبا 3 مرات

مشكورررررين على المعلومات المفيده وتجارب الشباب ...
ان شاء اغيره اليوم ..يعني اكيد 3 علب بس؟

المشاركة الأصلية كتبت بواسطة كوكو2009

مشكورررررين على المعلومات المفيده وتجارب الشباب ...
ان شاء اغيره اليوم ..يعني اكيد 3 علب بس؟

طيب يا اخي ليش ما تفتح كتالوج سيارتك
وتتأكد مليون بالـ 100% !!

يعني مالها داعي نتعب و نصور لك الكتالوج ونرفعه والخ ... !! ونضعه هنا
على شي بديهي

والكتالوج اعتقد متوفر عندك وبإمكانك بسهولة الإطلاع علية
وفيه معلومات بتفيدك كثير

لأن يمكن موديل سيارتك 2009 يختلف

* تقبل مروري *

بالتوفيق

المشاركة الأصلية كتبت بواسطة memories

^^^^^^^^
تمشي عليه الى متى خخخ

اذا اتأخرت في تغييره الحل الأسلم والأفضل انك تغيره تدريجيا

يعني ماتنزل الزيت كله لالالا

نزل مقدار لتر واحد يعني علبه وحده

وحط مكان اللي نزلته لتر زيت جديد

وامشي عليه

وبعد كم يوم ارجع اعمل نفس الحركه وامشي عليه كم يوم

وهكذا الين يتأقلم القير عالزيت الجديد

يعني الإجمالي يطلع عليك تقريبا 3 مرات

طيب وفي حالتي انا وش السواة
اغيره زي طريقتك ولا مره وحده
انا ماشي 82 الف وشوي

ابشركم ياشباب....امس تم تغير زيت (القير- والمكينه) و(خرط هوبات - واقمشه)
القير اخذت 3 علب ...وبعدين شيكت عليه طلع ناقص نص علبه تقريبا ..
رحت وشريت علبه ب40 ريال...الاجمالى 3علب ونص..<<شغل اليد 10 ريال
الحمد لله احس السياره احسن ..
------------
زيت المكينه منتهي .. مشيت عليه 8000
طلع اسود محرووق
4 علب ونص مع السفون <العلبه 15 ريال *5 +17 سيفون =92
-------------
وبالاخيرخرط الهوبات وغيرت اقمشه نوع تجاري غير النيشن
الهوبات معدومه وفيها عوج ..يقولى هذي من المويه ..لماتكون حرارتها عليه وتدخل بمويه يتاثر
الحمد لله الحين ضبط.(فك وتركيب وخرط =60 ..القماشات ب100ريال)
.......
مشكورين ياشباب على تواجدكم معي
ودعواتكم لى ..لاني مسافر اليوم
(( الله يجمعنا في جنات النعيم))

^^^^^^^
الله يستر عليك وييسر امرك ودربك

المشاركة الأصلية كتبت بواسطة اكوردتي عشق لا ينتهي

طيب وفي حالتي انا وش السواة
اغيره زي طريقتك ولا مره وحده
انا ماشي 82 الف وشوي

في حالتك لازم تغيره تدريجيا

انت مرررررره متاخر في التغيير

ولو غيرت الزيت كله مره وحده ممكن تسير مشاكل للقير ومايتأقلم عالزيت الجديد وتدخل في متاهات انت في غنى عنها