صباح الخير ياشباب
اهم شي في السيارة قبل السفر تشيك على الكفرات لأنه انا في شهر 2 الي فات كنت مسافر على الاردن
كان معي اكورد 2006 والكفرات ماكملت سنه ونص
وكنت راجع من الاردن بين الجوف وحائل الكفر صار قاسي شوي قلت لين ما اوصل حائل بشيك عليهم طبعا مافي في ذاك الطريق محطة وتعاجزت انزل اشيك عليهم في الطريق وكنت مسافر معي اخوي سيارتين معاه 2008 اكورد
المهم فجأه السيارة صارت ترج واسمع صوت شي انفجر وكنت ماشي حدود 150 وحسيت السيارة كأنها موديل 1970 من كثر الرجه من الجهه الامامية اليسار عرفت انه الكفر ضرب رفعت رجلي على البنزين وشديت على الدركسون لين ما وقفتها وانزل واحصل الكفر انسلخ وعفط علي الرفرف شوي وطلع الصدام شوي
المهم غيرته ومشيت وقبل لا امشي شيكت على الكفرات الثانية حصلت واحد منتفخ شوي كان امامي يمين رجعته خلفي يمين
المهم امشي 100 كيلو والا اسمع شي انفجر نفس المكان لكن الصوت اقوى وحسيت السيارة تقطعت لكن للأمانة الدركسون انا كنت ماسكه بقوه وحسيت مالي داعي اشد عليه السيارة دامني ما ظغط فرامل ماشاء الله راسية
المهم نزلت والقي الكفر على الجنط والسمكة ماهي موجوده والرفرف طالع زياده ومعفوط من تحت والصدام امامي يسار مكسور وووووو
جبت كفر اخوي وركبته ومشيت تقريبا 100 كيلو على سرعة 80 عشان كنت خايف من الي كان منتفخ
واول ماشفت محطة غيرت الاربع كفرات
المشكلة ناوي اسافر بعد اسبوع والله اني متخوف من السفر
واسف على الاطالة