مشكلة في مفتاح السيارة (( معلق ))
السلام عليكم ورحمة الله وبركاته
أخواني محبي هوندا مسائكم وصباحكم ورد وياسمين
لدي مشكلة في المفتاح
وهي
لما ادخل المفتاح لتشغيل السيارة يدخل عادي واشغل السيارة عادي
ولما اوقف السيارة واطفي السيارة المفتاح يعلق في السويتش ولا هو رضي يطلع
الا بعد معانات ومحاولات
وهل المشكلة ما قد صارت معي من شريت السيارة
المهم وش الحل معها ونحتاج نصيحتكم
ومشورتكم
هل المشكلة من السوتش او من المفتاح
وعلى فكرة انا ماخذ موعد للسيارة يوم الاربعاء القادم للصيانه
والسيارة مدخلها داخل البيت ولا امشي عليها بسبب المشكلة هذي
فأتمنى منكم الا تبخلو علي بالحل
شاكر لكم ومقدر تعاونكم
مااتوقع المشكلة من المفتاح , محتمل تكون من الدقمه حقت السلف (جرب مفتاح الثاني الأسبير)
قبل لا تروح الصيانة مر على اقر بمحل قص مفاتيح وبرمجة خله يشوفها لك , ممكن يقص لك مفتاح جديد عشان يجرب إذا ضبط الوضع فأن المشكلة بالمفتاح , إذا مامشى فإنها بالدقمه.
طبعا ً إذا دخلتها للصيانة تقدر تستفسر منهم وتمسك لك مهندس وتنشب فيه عشان يقولك وين المشكلة
(لأن بعضهم يقول دخلها ونكشف عليها << وعليك الحساب)
عشان كذا استفيد منه قدر من المستطاع , ماعطاك الفائدة روح لواحد ثاني.
:(
بارك الله فيك اخوي King
والله ياغالي جربت الاسبير ونفس المشكلة مو راضي يطلع الا بالتنقيز
ورحت لمحل المفاتيح وجرب وقالي انه يشغل بنعومة لأنه اذا كان تقيل فاالمشكلة من السويتش نفسة
المهم قالي يمكن من القير مقفل ماادري وش دخل القير
على فكرة انا مدخل السيارة للتلميع الداخلي بعد ما طلعتها من التلميع وصارت المشكلة هذي
وانا ودي اشوف حل قبل ما ادخلها للوكالة لأنكم تعرفون الوكالة ومشاكلها
مالك الا حل واحد
طس الوكاله وهم بيحلون مشكلتك
^^^
شويه اخلاق يالحبيب
وش الي طس
مدري عندي مشكله مشابه لمشكلتك بس انا سالفتي كلها بعصا القير...
اذا طفيت السياره يلف معاك المفتاح للأخير عادي بعدين يعلق مايطلع؟
او
انه مايلف الا لفه وحده ويوقف ؟ (يعني كأنك مطفيها وهي بـ n)
اذا كان مثل السؤال الاخير الي زي n حرك القير عصا القير ويطلع معك
اما غيره ماعندي علم
أنا حصلت لي نفس المشكلة
شغلت السيارة وبعد ما طفيتها علق المفتاح
لكن الحل : فصلت بطارية السيارة وبيطلع المفتحاح
لكن شغل السيارة مرة ثانية لفترة قصيرة حتي يرجع النظام مثل الأول
وتنتهي المشكلة إن شاء الله والحمد لله المشكة ما رجعت.
انا عندي نفس المشكلة
لما اعشق p واطفي السيارة المفتاح مايطلع
الحل انك لما تعشق p حرك عصى القير بدون ماتضغط على الزر حق القير وبتلقى العصى فيها فضاوة
اول ماتحركها بتحس بالفضاوة بعدين بتثبت العصى ومابتتحرك معك ( حركها بخفة لاتكسرها :d)
وللحين مافكرت اني اصلح المشكلة هاذي لاني تعودت عليها وماصرت اعتبرها مشكلة
سببها طبعا اني مرة وديت السيارة ورشة ونزل القير على شان يغير صوفة القير والمكينة ومن وقتها وانا مطنش
طسيت للوكالة مثل ما قلتالمشاركة الأصلية كتبت بواسطة camry glx
وقالو ان المشسكلة من حاجة نسيت اسمها وتكلف 2600 ريال
مشكور على الافادة
تسلم لمرورك ياغالي والمشكلة انحلت
مشكور على الافادة ياغالي
وفي مهندس مكانيكي سوري عرضتها علية وقالي نفس الحل الي انت ذكرتة
لأن فصل البطارية ترجع السيارة تبرمج نفسها ويضبط المفتاح
بس المشكلة اذا فصلت البطارية راح يقفل المسجل ويطلب الكود ولا عندي كود المسجل
الحمد الله جبت مزيل الصدى ورشيته داخل السويتش وتركتها لحد اليوم الثاني والحمد الله صار المفتاح
يطلع ويدخل باالراحة
بارك الله فيك عزيزي0000
مشكور عزيزي على الافادة والحمد الله حليت المشكلة
والله يكون بالعون
اوماااا 2600 وش عندهااا هالبنورراماااا قسم بالله بديت اكررره الاكورد السبه هالغلاااا بالاسعااار
مردهااا اكورد بدون موصفاااات
ضوابط المشاركة
رد مع اقتباس
مواقع النشر (المفضلة)