شكرا
ويعطيك العافيه
السلام عليكم ورحمة الله وبركاته
اليوم ذهبت الى وكالة برجيستون ولقيت عندهم نوع جديد اسمه ( Turanza GR- 90 ) ويقول انه هادي وزين :
حبيت اضيف البرشور الي اخذته منهم /
وهذي بعض الصور له :
وهذي صورة اخرى
طبعا كل الشكر لاخونا ابو نايف وهذا بعد طلب منه لتنزيل البرشور في المنتدى للاستفاده ....
يا عسى يدرون عني الوكاله ويعطوني كفرات مجانا مسويلهم دعايه وش يبون اكثر .. ههههه
تمنياتي للجميع بالتوفيق وانا قد قررت قبل كذا اني اركب ميشلان والظاهر اني ابفكر في موضوع البرجيستون
عطوني راييكم يا اخوان
اخوكم / ابو شهد
شكرا
ويعطيك العافيه
والله شكله قوي
لكن بكم سعر جنط 17
نفس حجم الوكاله بالضبط
والله الكلام هذا مايفيد وغير التجربه مانريد
:d
سلام عليكم
بالنسبة للسعر سئلت عن مقاس / 215 / 60 / 16 ,,, طلع الاربع بــ 1700 وعليها بس ما ادري بالضبط ....
انا سمعت الشباب يمدحون gr - 80 طبعا هذا القديم كيف بعد ما طوروه يمكن يكون افضل ...
صرنا في حيره
صدقوا يا اخوان ما تركت نوع ما سئلت عنه وانتبهوا تصيرون مثلي لاني وسوست
حط عينك على شي واشتري وصلى الله وبارك
والحافظ الله
عندي ماركيز 2009 فل اشرايكم ابيعة واشتري اكورد 2008
برجستون احسن كفرات هاديه ولينة ابعد عن مشلان تعيش بس ناشفة وتشعر باقل مطب
حسب ما بحثت عنه بالقوقل
فيه مجرب له من منتدى تويوتا العربية
ويقول :
التركيب كان لدى الوكيل بالرياض شركة بقشان
التاريخ 2010
المقاس 225/50/17
السرعة W
طبعاً الحرارة A والتراكشن A
جينا للمهم التقييم
الصوت
10/7
الرساوة
10/9
الليونة
10/4
وهذا مربط الفرس الكفر قاسي متحجر
للاسف الشديد يخليك تحس بمعنى التعليق الرياضي
حتى عند انزال الهواء الى 25 مع انه خطر ولكن للجربة فقط
http://www.toyota4arab.com/forum/t132334.html
الله أعلم
------------------------------------------
انا قبل فترة سقت "جربت " أكورد 2007 فل كامل مخمل ولونها لؤلؤي ولوحتها مميزة
كتجربة على أني بشتريها << لكن قهر فيها مشاكل وحصلت زيت الدركسون ( ناقص جدا ) " قلت لنفسي ابعد عن الشر وغني له "
المهم عليها كفرات تويو TOYO 215
بصراحة لينة و مريحة ونقشتها لكن ما ادري وش نوعها
قهر فاتني اخذ أسمها بالكامل :d
لأن التويو أنواع مختلفة
لكن ما عليه ..
ان شاء الله نحصل أفضل منها
& يمكن مسوي شي بسيارته ما ادري &
التعديل الأخير تم بواسطة THE SILVER ACCORD ; 29-06-2010 الساعة 12:00 AM
شكلة طيب وممتاز وخاصة بعد تعديل الاخاديد ومثل ماهو معروف الفتحات والفراغات الكبيرة هي سبب الاصوات مثل ماهو حاصل في الكفرات الرياضية
اتوقع انك ماراح تندم اذا ركبته
ولو علي انا غامرت وركبت وشفت وش عندهم ياهو يطلع تاير سنع وقد الكلام ولا مثله مثل غيره
وأشوف الناس تمدج بكفرات تويو في النادي وخارج النادي حتى فكرت التركيب الجاي لسيارتي تويو ومادري يمكن انه افضل من بريجستون لأني غيرت رأيي في تورنزا جي آر 80
################
ادخل هنا - يوسف سعد الدريويش (kakashi-san) إنقطع عمله وانتم أمله !!
################
انا يا طويل العمر جربت فئة اقل من تورينزا gr80 وبصراحة مبسوط منها لابعد درجة
لها الان معي اكثر من 4 شهور و مشت معي الى الان 15000 كيلوا
بعد تجربتي لها انصح الجميع انه ما يفوتها
نوعها تورينزا er300
دعستها مقاربه للصور اللي بالبروشور
سعر الشراء 385 للكفر الواحد
من وكيل بريجستون (الطلائع)
تجربتي للتويو كفر مستواه ممتاز ولكن مسحت الكفرات معي قبل ما تكمل 10 شهور
مشت معي 70000 كيلو
يوووووووووووووووووووووووووووووووه للحين انت ما غيّرت كفراتك:d
شوف يا راعي الموضوع انتظر احد مجربه مالها داعي تكون انت الضحية:d
اذا كنت بتفكر تركب دنلوب فــشله من راسك
صحيح انه ماله صوت و شديد الليونة والمطبات ماتحس فيها بس ما يكمل 30 الف الا والكفر متمسّح وانواع التزلج <<< والكلام ذا عن تجربتي الشخصية على موتري (اكورد مقاس الجنط 16) وعلى موتر صاحبي (التيما مقاس الجنط 17)
والله أني نفس حآلتكم محتآر وش أختار من الكفرات وملحس مخي
لأني مآعمري غيرت كفرات موتري من يوم ماطلعته من الوكاله 2007:d
وأنواع الأزعاج والقلق , فقع مخي كفرات الوكاله
الحين انا محتار بين كفرين : البرجيستون و التويو
طلول تعال التجمع يوم الخميس
وجرب سيارتي
صدقني راح تنبسط من البرجستون
ولله احترنا مع هالكفرات شكلى بجرب كفرين لانه ازعجنى صوت الكفرات الى وراء ووووو
من تجربتي للبرجستون تورنزا gr-80 طلعت بالتالي
لينه حتى فتره بسيطه بعدين تصير عاديه
الرساوه سيئه جدا مقارنه بكفرات الميشلان بايلوت فرنسي اصلي << حق الـ 2007 فل
نقشته تبطي ماتمسح يعني عمرها طويل كملت الحين 50 الف ولازالت نقشتها جديده بس الصوت الحين تغير عن اول كانت هاديه الحين لا
ببساطه ماراح ارجع للبرجستون لانه غااااالي على غير سنع
..
....
انا خلاص قررت اخذ التويو واتوكل على الله
بعد ما كثيييير نصحوني فيه وانه يدوووم وسعره رخيص 215 55 16 قيمته 322 مع التركيب والترصيص.
الحين زآدت لحسة المخ وبقوة:d
أقول , الظاهر مالنا إلا كفرات تويو , الله يعين بس
accord790
اذا التجمع بالرياض إن شاء الله جاي < ماعمره حضر تجمع
هل فيه كفرات تويو حجم
17/50/225
وبكم
انا ماجربت لا تويو ولا تورنزا 80 ولكن أصوت لليوكوهاما تمت التجربة وبكل أمانة كفر لا يعلى عليه
لين - الأصوات شبه إختفت - إمتصاص المطب أكثر من ممتاز وراح أركبه بأذن الله قريب وكلامي عن تجربة
بسيارة واحد من شباب طبعآ التجربة كانت على طرق سريعة وادخل المدينة ومناورات على سرعات 160 تقريبآ
النتيجة كفرات لا يعلى عليها ... طبعآ الفئة المجربة أكورد سبشل .. سعر الكفرات 400 ريال للكفر الواحد أو أقل
تقبلوا مروري
والله أنا مجرب كفرات قود يير
w98
ماشاء الله تبارك الله وربي أنووواع الراحه
يعني فيه مشكله بسييييييطه جدا الا وهي الصوت لأن الأخدود حقها شويتين عريض وغزير << يعني على داخل
لكن من ناحية رساوه ماشاء الله تبارك الله
يعني بعطيكم تقييماتي أنا
الرساوه ( 8.5/10 )
الصوت ( 6/10 ) أو ( 7/10 )
الليونه ( 8/10 ) أو ( 9/10 )
هذي عن تجربه
وفيه واحد من الشباب مو مسجل معانا بالمنتدى
مجرب كفرات ( دنلوب ) يقول ماشاء الله تبارك الله يقوووول والله رووووووعه
والله يكتب مافيه الخير
إحترامي
toyo proxes ct01
وبلا منافس صراحتن
المواصفات traction aa
temp. A
speed w
دبليو = 270 كم
هدوووووء ومواصفات وليونه بطله وسعر معقول.
وين وكيل تويو بالرياض ؟
الصراحه كفراتي ما فيها مشكله يعني تمشيني سنه قدام بس وراي خط طويل و ابي كفرات هاديه :(
وما ادري وش اخذ وما ابي الطقم 4 يتعدى سعره 2500
وابيه لين و مريح و ماله صوت وراسي
مواقع النشر (المفضلة)