الموضوع: نبي خبرتكم في التامين الشامل

انا مأمن عند السعودي الفرنسي ( انسعودي )

شامل بـ 1450 ريال بالسنة الاولى

و جددت السنة الثانية بـ 1150 ريال

مع العلم بالسنة الاولى صار لي حادث وجهية و الغلط علي انا 100%

و تم تعويضي و تعويض السيارة اللي صدمتها في خلال 10 ايام او اقل تقريبا

مع العلم ان عندها تصليح وكاله فقط بالموديلات الجديدة يعني 2010 و 2009

لا هذا ولا هذا مع احترامي لكم

احسن الخايسين هم التعاونية للتامين ..

قيمة التامين تختلف من سيارة لسيارة مثلا : كامري - اكورد - مكسيما - التيما .. قيمة التامين زيادة عليها ، لان هذه سيارات شبابية و حوادثها ، و قيمة التامين تدفعها مره وحده فقط في السنة ( 3000 او اكثر او اقل على حسب سعر السيارة مثلا 95000 ريال يحسبوا لك التامين اذا كان عمرك فوق 25 بـ 5000 و كسور )

بالنسبة للحواذث لا سمح الله :

1 - لا تكون عاكس طريق
2 - لا تكون تحت تاثير مخدرات
3 - لا تعطي السيارة واحد عمره اقل من 21 ( بزر )
4 - لا تكون قاطع اشارة

اذا ما سويت هذه الحاجات الي فوق .. تاكد ان التامين بيشيل سيارتك بالكامل حتي لو تالف لا سمح الله بس اهم شي وقت الحادث :

1 - لا تتهور و تتنازل ( قول لهم انا عندي تأمين و خليهم يتفاهموا معاه ، حتي لو الغلط عليك 100% او عليه 100% )
2 - في حالة هروب الطرف الثاني ( المرور يحتسب عليه الغلط 100% ) و بكل بساطة وقت الحادث قبل لا تنزل من السيارة خذ رقم اللوحة ( او صورها مثل ما عمل صاحبي ) .

في قيمة التحمل :

1 - قيمة التحمل تختلف من سيارة لسيارة ( يعني سيارات تكون قيمة التحمل 500 و سيارات 700 و سيارات 1000 و سيارات اكثر )
2 - قيمة التحمل تدفعها اذا صار عليك حادث و كانت نسبة الغلط عليك ( 25% ، 50 % او 100% عليك ) تروح تحط سيارتك بالوكالة او الورشة و بعد ما تتصلح تنتظر الشيك ينصرف لك من التعاوينة و تاخذ الشيك ناقص قيمة التحمل ( 500 او 700 او 1000 على حسب مو مكتوب بالعقد " بالغالب 500 )
3 - قيمة التحمل ما تدفعها اذا كان الطرف الثاني غلطان عليك بنسبة 100% ( مثلا صادمك وانت واقف او صادمك من الخلف .. الخ )
4 - في حالة الكوارث الطبيعية .. مثل " تسونامي " جدة ، الرياض ، و الجزء الثالث راح يكون بالشرقية ، هذه يكون فيها التعويض على حسب :
أ - اذا السيارة تتصلح ، بيصلحوها لك على حسب العقد او الوثيقة ( يعني اخترت تصليح وكالة وهو الافضل ، او تصليح ورشة و راح تبكي طول عمرك )
ب - اذا بلغت قيمة التصليح نص قيمة السيارة المؤمن عليه يسحبوا منك السيارة و يعطوك قيمتها و يقولوا لك اذلف ( مثلا سيارتك بـ 100 الف و مثل ما صار بسيول جدة طلعت السيارة تالف او بلغت قيمة الاصلاح 50 الف و ريال ، يسحبوا السيارة و يقولوا لك ضف وجهك و انتظر الشيك )

................


هذا توضيح شامل و مبسط للتعاونية ، و افضل شي تسوية انك تاخذ تصليح وكالة لانه ميزة الوكالة انها ما تصلح على طوووول تغييير وهذا في صالحك ( مثلا الكبوت انطعج ، الوكالة تغير ، لكن الورش تصلحة او انه صار عبارة عن كورة )

و هذا الكلام الي فوق انا كاتبة من واقع تجربة مع التعاونية لمدة 4 سنوات و هذه بحمد لله الرابعة .

.........................

في حال الحادث الواحد ينزل معصب ووده يكفخ الطرف الثاني ، بعد التامين ماراح يفرق معاك شي لانه التامين بشيل السيارة بالكامل بس

لا تتنازل لا في المرور او قدام العسكري المباشر للحادث

بكل بساطة خذ الاوراق و اتصل على التعاوينة و شوف وش الاوراق الي يحتاجونها ، و انت ودي سيارتك الوكالة او الورشة المعتمدة من التعاونية ، و خلي التعاونية تكمل الاجراءات بدل منك ( هي تحصل المبلغ من ظهر الطرف الثاني )

المشاركة الأصلية كتبت بواسطة أبو غيوض

حبيبي انصحك بشركتين خلال 17 يوم عمل من الحادث يوفرون المبلغ والتصليح لو تبي

1- اكسا للتأمين

2- ميد غلف للتأمين

طريقة احتساب المبلغ 3.5 % من قيمة السياره يدفع قسط شامل لك وللغير .
مثلا قيمة السياره 100.000الف ريال

100000*3.5يقسم على 100=3500الف ريال
مع تحياتي لك واشواقي

ياخوي 17 يوم كثييييييييييييير جدا ، التعاونية يصلحوا لك السيارة في خلاص اسبوع تلاقي تعميد التصليح عند الوكالة و تلاقيهم شغالين عليها

انا ماكل تراب حاليا ، مدري وش فيهم في خطأ بالموضوع او ان الشركة الي صدمني باصهم مو راضين يدفعوا او ايش الموضوع علشان كذا سيارتي صار لها اسبوع و نص تقريبا بالوكالة .

لكن الشهاده لله ، لي من 2006 مأمن عندهم ماعمرهم تأخروا علي

ياعزيزي انا رايي من رآي آخوي البراك
التعاونية افضل شركة ... انا كنت مآمن عند شركة من اللي كانوا يوقفون عند المرور ويشهد علي الله اني دخلت على العسكري وسألته اللي كانت عند المرور شركة سنتيال الدولية للتآمين > اعتقد كذا اسمها ... قال لي معتمده وهو تسذوب مايدري وش السالفه
المهم .. سويت حادث انا طرف وحيد > لحالي صادم مجموعة شجر ... هع هع هع
والله مرمطوني مرمطه المرور على بال ماخلصت ...
التعاونية مضمونه .. لاتدور غيرها

شوف اخوي انا بأمن عند التعاونيه شامل لــ اكورد 2010(سبشل)

بالنسبه لأسعارها:

طبعا معروف التأمين الشامل يغطي السياره ضد الحوادث والكوارث الطبيعيه والسرقه

لمده عام بـ 4200 ونسبه المشاركه عند وقوع الحادث 500 .

والثاني بـ 3600 ونسبه المشاركه هي 750 .

والثالث بـ 2,982 ونسبه المشاركه هي 1,000
اتمنى اني فدتك بشي:o

طيب اكورد 2004 كم تأمينها الشامل

أتمنى من أخوي اكورد هلالي أنه يوضح كيف المشاركه عند وقوع الحادث

السلام عليكم ورحمة الله وبركاته
انا من حكم تعامل مع التعاونية لـــ أربع سنوات هي من افضل الشركات وتوفر خدمات اضافيه برسوم رمزيه مثل انك تحط سياره بديله اثناء اصلاح سيارتك (لا قدر الله) وهذا قيمته 250 ريال
بس اسعارهم عاليه في التأمين النسبه عند التعاونيه للسيارات الشبابيه تكون تقريبا اربعة من دون تغطية السائق والركاب (طبعا تقدر تضيفها بمبلغ اضافي) وطلعو طلعه جديده من سنه اللي عمره اقل من خمسة وعشرين تكون قيمة التامين اعلى حوالي خمسه بالميه
طبعا انا امنت مع ميد قلف بحكم ان الشركه تعطي اسعار جيدة والشركه سمعتها مو بطاله, طبعا نسبه ميدغلف 3.1 تقريبا
اتمنى انني اكون افدت باللي عندي

مع احترامي للجميع بالنسبة للتعاونية صارت اللحين سمعة

عكس اول :p

الله يكفينا ويكفيكم شر الحوادث يارب