السلام عليكم ورحمة الله وبركاته...
طبعاً الصيف اجا والحراره ما شاء الله تبارك الله بتضرب في الاعالي وكمان مشكلة الرطوبه لسكان المدن الساحليه...
بين كل هالظروف! كل واحد بيفكر بالتظليل طبعاً و و و و و ولكن بيرده السعر الخيالي للتظليل الامريكي عندنا...
انا عندي الحل بإذن الواحد الأحد...
طبعاً انا رحت سعرت تظليل الاكورد في جده زيبارت
وعند في كول المدينه
وعند جونسون المدينه ( جونسون بالمدينه مسوي عرض 1850 ريال على التظليل ومادة حاميه لـ Body السياره من الخدوش... وضمان 5 سنين)
والاسعار كالتالي:
Zibart= 3100
VKool=2500
جونسون= 1850
طبعاً في كل الاحوال لازم السياره تكون ملمعه...
المهم نكمل موضوعنا
ايش اللي يميز هالمحلات عن محلات الزينه ام 150 ريال و200 ريال ؟ انه تظليل امريكي.
انا حصلت تظليل امريكي بسعر 300 تقريباً مع التوصيل بيختلف على حسب نوع السياره وكده..
اللي عنده خبره في الإي باي يتفضل الرابط دا او دا
طبعاً هذا بالنسبه للتظليل ولاحظو الاسعار كيف !! وتظليل امريكي وفي حالة الرابط الثاني من طبقتين...
نجي لأهم شيء في الحاله دي.. السعر :d
بالنسبه للرابط الاول والمقياس طبعاً سيارتي accord 2010 sedan 4 doors
56.75 دولار تقريباً وطبعاً طبقه واحده هنا للاسف ولك مطلق الحريه في انك تخليها طبقتين مقابل 10 او 20 دولار
الرابط الثاني : طبقتين ولك كامل الحريه في اختيار مستوى العزل بمبلغ 51 دولار تقريباً لأنه التوصيل من امريكا للسعوديه بـ 16 دولار تقريباً <<<< ارسله على الخاص يسأله عن الارسال للسعوديه.:p

طبعاً هذا بالنسبه للتظليله..
نجي للاهم
المخوش والخدوش ( لسواقين الخط :p )
على الرابط دا
فكرة الفلم دا انه ينحط على المواضع اللي تتعرض للخدش غالباً مثل الكبوت والمرايات الجانبيه والصدام الامامي
فلم شفاف ينحط عليها يصير ما يتخدش الطلاء وانتو بس تدخلو على الرابط بتفهمو.
وطبعاً Ebay
والسعر 47.48 دولار

والاجمالي صار للاثنين ؟؟
98.48 دولار فقط للتظليل( حسب الرابط الثاني طبقتين) ولحماية بودي السياره...
وبالتالي ضرب سعر صرف الدولار في البنوك الالكترونيه مقابل الريال 3.85
يعني ما كلفت علينا 385 ريال سعودي
بس ملاحظه مهمه إنه الرابط الاول للتظليل والرابط الثالث ما يشحنو مباشره للسعوديه.. وبالتالي نجي لفكرة صندوق اراميكس او world Shop and Ship
ويطول الكلام في الشيء دا
طبعاً نجي هلآ للتركيب...
طبعاً التركيبلازم سشوار يعني مو شغل محلات الزينه العاديه إنما محلات التظليل المحترفه او التلميع
انا عن نفسي رحت لواحد من محلات التظليل الي ذكرت اسمها فوق وقلت للرجال ابغاك خارج المحل تظللي السياره قلي اوك بمبلغ 200 ريال
طبعاً لو كاسرت معاه كان كمان زبطت زياده لكن كانت فكره مبدأيه لكن حالياً إن شاء الله إني راح اشتري التظليله وبعطيكم عنها تقرير بس توصل