الموضوع: رسينا على الاكورد بس باقي ...

أخي الغالي يعلم الله الجلد منظروروعه ونعومه لكن قاسي جدا
http://www.hondaarabia.com/club/showthread.php?t=36955

شوف هالرابط ممكن يفيد

أخيرركبت جاعد فروه للمقاعد وارتحت من هذه العله التي أتعبتني كثيرا حتى أني فكرت أبيع ملكتي
بالعربي إذا ماراح تركب فروه لاتأخذ جلد ابدا

طيب ليه ماتأخذ فل أوبشن ...

هذا مالدي والله يكتب لك اللي فيه الخير
وإن كنت أرى بأن الاوريون أفضل من الهوندا من مجرب للأكورد

لو ادري انك بالمدينة كنت جبت لك اوريون جراندي 2010 تجربها على راحتك

و اختر المخمل لان الجلد مع الحرارة ما ينفع + على كلام مستخدمي الجلد انه غير مريح

و خذ لك طقم اقمشة معاك

و الف مبروك مقدما

مبروك عليك السياره وان شاء الله موفقك في الاختيار خذ جلد وعيش الحضه

خير ما أختر .,
وانا اذكرك انك ماراح تندم ع الخيار .,

بالنسبه للموضوع ., مخمل ولا جلد .,
هذا شئ راجع لك ., انت اللي بتركب السياره مو حنا .,

لاكن انا معااي جلد .,
لو رجع الزمن لي ورا أخترت مخمل ., (للراحه)

مخمل آفضل

ابعد عن هوندا
ترى سيارات زبالة مع احترامي لكل الي عندهم هوندا وانا من ضمنهم عندي هوندي
خرباتها كثيرة اكثر من لاقديمة وصيانتهم زفت وتعاملهم اخس
وانتي صلي الاستخارة ووالله يكتبلك الي فيه الخير

اخوي حسنة الجلد انه إذا توسخ يتنظف , بعدين ملكي :d

وإذا ع الحراره ظللها عازل يعزل على الاقل لو 85 % من الحراره

انت اركب مع احد معاه اكورد جلد وشوف كيف

جلد وآنت مغمض :o
والله يوفقك

تصدق أنا عندي جلد .. وكالة ومركب عليها مخمل من برا ..

نصيحة لاتغلط غلطتي .. خذ مخمل أريح لك ..

هلا عزيزي

الف مبروك عليك أختيار الملكة و إن شاء الله تتهنا فيها

ومن رأيي المتواضع , أذا كنت من النوع اللى يهوى التنظيف و يعتني بالسيارة خذ جلد

بس اذا كنت بتستخدم " كرف " و معك عائلة و بتوقف السيارة في الشارع ( ما عندك كراج ) لا تغلط و تاخذ الجلد

و الله ما أكذب عليك , الساعة 5 العصر , أفتح باب سيارتي كأني فاتح باب فرن مع العلم أني

- مركب تظليل عازل

- مركب ستاير قماش تفصيل

- عندي ستارة خلفية

- أغطي الزجاج الامامي بشماسه كبيررره

بس ما فيه فايده , و هذا أنا فصلت " طربال " وراح أستخدمه ليما تخف علينا الشمس شوي

و الله الجلد جميل , بس فيه عيبين , حااااار جدا , و المراتب الامامية يبان عليها علامات " التقدم في السن " بسرعة خصوصا على الجوانب

و أستغرب ليه محد ذكر هذي النقطه؟؟ بعد أقل من شهرين راح تشوف بداية " تمزقات " و " تكسرات " على جوانب المراتب

عموما, أعتقد الان ممكن تكون شريت خلاص , الله يبارك لك عزيزي

SAMiR

إختيار صائب بأذن الله الأكورد لا يعلى عليها ياباني أفضلك من تجميع إسترالي

وبالنسبة للجلد فخم و سهل التنظيف

أما المخمل أريح لك وصوتي للجلد لأن سيارتي مخمل و ركبت جلد درجة ثانية و الحمد لله ممتاز

الف مبروك والله يعطيك خيرها ويكفيك شرها

والله ياخوي شف أنا سيارتي جلد بيج صحيح أن شكله ومنظره من برا حلو ويعطيك منظر الفخامه لاكن لما تركب السياره وخصوصا ليا كان عندك شغل الظهر أو معامله الظهر على الشمس تركب بالسياره تقوم ترقص من المرتبه اللي تحرق حرق حتى ماتقدر تثبت وأنت قاعد من حرارة الجلد اللي تلسعك وثاني شي أنه راح يتقطع أنا عندي بعض الأماكن متقطعه وحتى لو تحط عازل أو أي شي يحميك من حرارة الشمس ماراح ينفعك والجلد أصلا مايصلح بأجواء السعودية نهائيا بس في حاله وحده واللي هي نظام التدفأ والتبريد بس أما جلد بس ما أنصحك فيه أبد حتى أنا راح أركب على سيارتي تلبيست فياغره اللي تجي مخمل بيج ,,,

من وجهة نظري

اخطأت الاختيار

وربي راح تندم

انا معي كامري فل كامل

والله لو تقولي ترجعها وتأخذ اكورد فل كامل 4 سلندر اني ما ارجعها فما بالك باوريون جراندي والله لو معي فلوس زايده ما اخذ الا اوريون

ملاحظه

وانت رايح الوكاله خذ معك طقم اقمشة فرامل ولا اقلك خلها طقمين لانك بتقعد تغير فيها كل 15000

عموما الله يعطيك خيرها ويكفيك شرها

المشاركة الأصلية كتبت بواسطة camry glx

من وجهة نظري

اخطأت الاختيار

وربي راح تندم

انا معي كامري فل كامل

والله لو تقولي ترجعها وتأخذ اكورد فل كامل 4 سلندر اني ما ارجعها فما بالك باوريون جراندي والله لو معي فلوس زايده ما اخذ الا اوريون

ملاحظه

وانت رايح الوكاله خذ معك طقم اقمشة فرامل ولا اقلك خلها طقمين لانك بتقعد تغير فيها كل 15000

عموما الله يعطيك خيرها ويكفيك شرها

فحمات طقم افضل من مكينه تنقص وانا اخوك عندنا كامري فل كامل 2009 تنقص زيت لا وازيدك من الشعر بيت ولد عمي معه قير عادي كامري طبعآ والموديل 2010اذا عشق الثالث يطلع صوت بالقير والفحمات تعتبر من الأستهلاكيات

الله يوفقك ياراعي الموضوع , وأحسنت بأختيار الأكورد

بالنسبة لأختيآرك بين الجلد والمخمل , هذا شي رآجع لك , ومآرآح أصوت لأنك أنت الي بتشتري السياره مب أنآ !

ثآني شي الي يتكلم على الأكورد ويقارنهآ بين أوريون أو كآمري , أنآ أقول لك شغله بسيطه

أنآ معي أكورد 2007 v6 , وأخوي معآه أوريون 2010 قرآندي فل كآمل

رحت مشوآر بسيارة أخوي الأوريون وأنآ أسوقهآ , منب مصدق أنهآ هذه الأوريون كذا سوآقتهآ

أقسم بآلله مآفي مقارنه بين الأوريون والأكورد , الأوريون سوآقتهآ تجيب لك الهم والله ومآترتآح أبدآ ولآفيهآ رسآوة

أمآ الأكورد وربي أنهآ كبرت بنظري مع أن موديل سيارتي 2007 ! رسآوة , وسوآقة نآعمة .

فمآ بآلك بالموديل الجديد .

هذآ الي حآب أقولك طبعآ بعد تجربه بين سيارة أخوي وسيآرتي , والله يوفقك .

الأوريون سوآقتهآ تجيب لك الهم والله ومآترتآح أبدآ ولآفيهآ رسآوة

حسستني انها النترا مافيها رساوة

شكلك من البيت للبقاله المشوار

امسك فيها خط و تعال قلنا كيف الرساوة مع اني عارف ردك مسبقا

ما تطيقو شي اسمه اوريون

المشاركة الأصلية كتبت بواسطة silver aurion

حسستني انها النترا مافيها رساوة

شكلك من البيت للبقاله المشوار

امسك فيها خط و تعال قلنا كيف الرساوة مع اني عارف ردك مسبقا

ما تطيقو شي اسمه اوريون

مآقآرنتهآ بالنترآ يآحلو , ثآني شي مجربهآ بطريق طويل , وفوق كذا لآتقول لي عصبيه

يعني أنا قايل كلآم بعد تجربه مب فلسفه من مخي يآبعد حيي , وبالعكس من قآل لك أني مآأطيق الأوريون ؟

الله يستر عليك بس

المشاركة الأصلية كتبت بواسطة kakashi-san

وعليكم السلام ورحمةُ الله وبركاته ..

من وجهة نظري ، خذ لك فل كامل مخمل ، أفضل لك من الجلد ..

مخمل الفل كامل ، اريح ، الجلد منظره كويس ..

لكن مع الوقت يتشقق ، وبتكره يومك انك اخذت جلد !

بالنسبة للأوريون ، انا جربت سواقتها كذا مرة ، والله ونعم السيارة !

لي واحد من ربعي عنده اوريون ماشيه الى الان اكثر من 500 ألف ، كل 4 ايام مشوار الى الامارات بحكم عمله !

وإلى الآن ماشيه معاه زي العسل ، كلا السيارتين أفضل من غيرهم ..

لكن اللي يجرب السيارة وهي في راسه انها مب سيارة ، فـ بيضل تفكيره وتعصبه لسيارته فقط لا غير ،
لو تجيب له مايباخ ، قال لك بانزينها مب 91 ، الاكورد افضل :d

وبعدين تراها الا حديد ، الله يكفينا الشر بس ..

والله يا يوسف اللي يعجبني فيك من يومك حيادي ماشاء الله عليك

ونعم الرجال انت

الا ما ودك بالافالون ولا كنسلتها :d

انا انصحك بالجلد اشوف انه ف الفخامه فخم وما عليه كلام وانظف خاصه اذا بيركبو معك اطفال يتوسخو المقاعد وصعب تنظيفهم اذا كانو مخمل
انا عندي اكورد 2009 جلد وما اشوف فيها الحراره اللي يتكلمون عنها الاخوان بالعكس ترى الجلد اللي ف الهوندا من افخم انواع الجلد وما اشوف فيه حراره
اما اللي يذم ف الاكورد ويمدح ف الاوريون اقول ما عنده سالفه هذا يمدح فيها لانها سريعه بس واظن معروف اللي يمدح ف السرعه وش يكون
بس سرعه من غير امان ولا جوده
والله يوفقك في اختيارك

المشاركة الأصلية كتبت بواسطة Mrs Honda

يمدح فيها لانها سريعه بس واظن معروف اللي يمدح ف السرعه وش يكون
بس سرعه من غير امان ولا جوده

مو ذنبنا ان تويوتا حطت مكينة جبارة على الاوريون عشان تقول ما يسوقها الا اللي يحب السرعه

+


انظمة سلامة :


- 8 ايرباقات متوزعة في المقصورة مع نظام الكبح الاضافي srs
- vsc
-TCR
- ebd
- wil
- مزودة بالتصميم العالمي المتفوق goa لمتصاص الصدمات عند الحوادث للتخفيف من اصابة السائق و الركاب
- بالاضافة الى abs
- AFS لالتفاف الانوار عند المنعطفات

انتم في كل موضوع كذا
هههههههههههههههه :d
مقآرنه بين الاوريون والآكورد
النآس اذوآق وكل وآحد ورآحته :o
انا تعجبني الاكورد غصب احب الاوريون ؟
انا تعجبني الاوريون غصب آحب الاكورد ؟
خلاص يآشبآب كل واحد له وجهة نظر

^^^^^

من جد :d

بس انا مجرد محامي الاوريون لا أكثر :o