السلام عليكم ورحمه الله وبركاته
يجماعه السالفه ومافيه
طلعتلي موتر وكاله 2010هوندا كورد فل كامل
المهم الولد مره محافظ
<<<<<
رحت للرياض وليتني مارحت
رحت علشان صيانه 100 كيلو
سويت الصيانه
لزم على ولد خالتي الى تنام عندي قلت بنام بس بشرط بدخل موتر داخل في بتيكم خايف ينسرق
قال يابن الحلال ماراح ينسرق بس بكيفك دخله
المهم جيت بدخله
على شوي شوي حك الصدام بالاجدار حكه خفيفه هي الحمدالله يعني مشخ طول اصبعك
بس قهر والله
ضاق خلي وقلت الحمدالله يمكن خيره
بس الحين
وش السوات قمت افكر افكر وش اسوي حرام ارش الصدام كامل
رحت للتلميم قلت لهم لك من الريال لم 1000 ريال لو راح المخش قال مايروح
فكرت فكرت قلت مالي الى حل واحد الى هو
اروح لافضل ورشه في الرياض
واقول لهم طبقلي اللون وحطه لي بعلبه صغير واخذ اللعلبه
والقطها تلقيط خفيف وش رايكم انتم
ويشباب تكفون ابي افضل واحد يسوي بويه في الرياض مايهم الفلوس يهم البويه تكون نفسها بالضبط لاني راح القط مكان المخش بريشه خفيفه
ونسمع ارايكم:(
اوف عشان المخش البسيط ضيقت صدرك :d
احمد ربك يارجال
لونسيارتك وش .؟؟
اللي فهمته من كلامك البوية تقشرت ..
عموما عندك حل التنقيط من محلات البوية متخصص ..
بالعقل صعبه ترش صدام كامل ويفرق معك الصدام كامل عن السيارة عشان مخش :d
عندك بالعليان قلم اذا باقي يبيعون ..
افتح الباب السواق تحصل ستكر عطه رقم اللي فيه .
يعطيك قلم بنفس اللون .. وانت تلون المنطقه
بكل بساطة اذا للخدش بسيط روح اقرب ورشة ينقطها لك و بس
او انتظر الصيانة الجاية و قول للشركة تنقطها
و انتبة يلعبوا عليك و يقولوا لك رش ( رش الصدام بالوكالة يكلف ٨٠٠ ريال + اللون مايطبق لانه عمالهم مو كفو يمسكوا مسدس الرش )
اللوم لؤلؤي
يجماعه
لا تلوموني قهر الموتر جديد
لعله خيره
والحمدالله
بس العليان هذى وين مكانه اليوم بروح لمه ياليت تكفى رقمه او وصف لاهنتو
ام عااااااااااااااااد تدخلها ورشة وهي 2010
ودها الوكالة راح تكلفك تقريبا400ريال بس
العليان على طريق خوريص
بعد وكاله هوندا على اليمين ..
لا صارت الوكاله على يمينك وانت واقف عند الشارة روح سيدة بتجاهـ الشرق على طول يجيك يمين ..
بعدين ممكن دفعه شر ودفعه عين ..
لوتخليها يكون اصرف ..
انا عندي بالصدام على قد الاصبع بزاوية الصدام .. وساحب عليها ..
ونصيحه موضوع رش الصدام شيله من راسك.. يإثر على سعر السيارة مستقبلا ..
طيب اتركه للصيانه الجايه وخل الوكاله تنقطه لك مايبين
..
....
على خدش
فما بالك باللي صدمبها قبل يومين 2010 ما كملت 3 شهور ماشي 14 الف
الله يعينك و يصبرك
الوكاله تنقطه لك مجانا ...
روح عندهم على صيانة الـ 5000 كيلو ..
وكلمهم وراح يسوها لك في 5 دقايق ..
احمد ربك يآرجآل
خلها بس :o
ولاتسوي مثل مآسويت انا
كنت صآدم صدمه خفيفه وخليتها 3 شهور على صدمتها وجلست ادور عليها ومآجآها شي
وبعد 3 شهور صلحتها وصدمت من بكرا :d
يا جماعة اشوف الردود كلها والله تضيق الخاطر،
انتوا تحافظون على الاذكار.
احمد ربك جات خدش ..
انا واحد صدمني من ورا .. والغريب ماصار لها شي الحمدلله :| ..
بس هو تعور صدامه ..
دامك ما تعرف في الأماكن الضيقه لاتوهق عمرك:d .. ولا تفكر واحد ان حد راح يسرق الموتر
وربي يعطيك خيرها ويكفيك شرها ..
آخر الحكآت إن شآء الله يارب ..
رأيي مثل الأخوان , نقطهآ وتضبط معاك ..
لا تشيل همها :/
موفق حبيبي
اشوف الشعب فزع للرجال طيب افزعولي سيارتي في واحد يمخشها
عمدا ولا يمخشها الا بعد ما اغسلها
وفي مخشة ما تروح اللبرش بويه وش السوات؟؟؟؟؟
^^^^^^^^^
اغسلها مره واقعد راقب السياره من بعيد واذا شفته رح امسكه والعن خيره وخذ منه فلوس الرش :d
8888888888888888888
كلاااااااام سليييم
المخش اللي في سيارتك سو مثله بس في وجهه
خله يحس فيها بوجهه مثل ماحسيتها انت بقلبك
:d
اه الله لا يحرمني منكم ياخواني
خلاص تم طلب علبه صغيره من الوكاله بنفس اللون
سوفا يتم الشراء
وسوفا يتم تنقيط المخش وبسسسسسسسس
يعطيك الف الف عافيه يشباب على الردور وماقصرتو في تفاعلكم معي والله لا يحرمني منكم ياخواني
انا اول ماشريت السياره كنت مدخلها في البيت ابوريها امي واهلي سيارة جديده مثل ماانتم عارفين
قمت الصبح ابروح للجامعه لقيتها من ورى في الزاويه ممخوشه والبويه متقشعه
صار الوالد الله يحفظه بيطلع موتره وحك في موتري
جتني كمية قهر غير طبيعيه
بس تعوذت من ابليس
والان اربع سنوات السياره معي ومازالت المخوش موجوده وعااااايش ونسيتها حتى مابينت مره مره الا بتركيز
المشاركة الأصلية كتبت بواسطة k s a
ياليت تسدح لنا صور قبل وبعد
عشان ان صارت حلوه رحت نقطت مخوشي
الف شكر
هههههههههههههههههههههههههههههههههههههههههه
ضوابط المشاركة
رد مع اقتباس
مواقع النشر (المفضلة)