صلحت علبة زيت الدركسون والدوده ( طبعا اصلاح وليس تغيير )
للفائدة فقط
طبعا ذكرت في موضوع سابق على الرابط التالي
مشكلة علبة زيت الدركسون وترشيح الزيت
وذكرت ايضا على الرابط التالي موضوع اخر عن الدوده وكان على الرابط التالي
وهنا سأذكر وسأتابع كل مايحصل معي بإذن الله عن الدوده وعلبة زيت الدركسون بعد ما قمت بعمل اصلاح للدوده وكذلك تغيير جلده للي ايصال الزيت للدوده العلوي وتوقف الترشيح بعدها
طبعا بالنسبه للدوده سويت لها اصلاح عند ورشة الطائر في الصناعيه القديمه وشغلهم الى الان انشاء الله تمام
هذا الكلام كان في صباح يوم الخميس
الاصلاح كلف 340 ريال تقريبا
وكم ربله للترشيح اللي في علبة زيت الدركسون
وزيت دركسون اصلي من الوكاله بـ 42 ريال تقريبا
شغل يد في ورشة الطائر 250 ريال
ضمان لمدة اربعة أشهر
الملاحظه الوحيده على الشغل الى الان هو الدركسون اصبح فيه ثقل اكثر من السابق طبعا سألت الفني اللي في الورشه قال لي انه طبيعي وأنا صراحه ماكنت مقتنع رحت لكذى ورشه وسألتهم , كلهم ذكرو لي انه طبيعي جدا ولكن مادري الى الان هل هو طبيعي ولا لا .
بالنسبه لعبة زيت الدركسون مثل ماذكرت سابقا كان فيها ترشيح ولما فحصها المهندس قالي في البدايه عندك صوت في علبة زيت الدركسون وغير لي فقط جلده تحت اللي العلوي لمنع ترشيح الزيت وفعلا الى الان مارأيت زيت على لعبة زيت الدركسون والامور زينه الى الان ولله الحمد .
سأتابع بإذن الله معكم أي تغير يحصل معي في علبة زيت الدركسون أو الدوده خلال الفترة القادمة
طرحت هذا الموضوع ليستفيد الجميع بحكم انتشار هذه المشكله بين مستخدمي سيارات هوندا وانشاء الله يستفيد الجميه
.
.
.
.
معليش ما أدرجت الروابط واليكم الروابط التي طرحناها حول موضوعنا
هذا رابط موضوع علبة زيت الدركسون
http://www.hondaarabia.com/club/showthread.php?t=37139
http://www.hondaarabia.com/club/showthread.php?t=36873
هذا رابط دودة الدركسون
http://www.hondaarabia.com/club/showthread.php?t=36730
ابغى اسالك يالغالي
كان عندك رجه في الدركسون قبل الاصلاح زكنت تحس ان الدركسون عندك ما تقدر تتحكم فيه
وشكرا على موضوعك المفيد جدا.
حياك الله اخوي
ماكنت احس بأي رجه في الدركسون لانها مالها فتره طويله معي
سبق ودخلت سيارتي للوكاله في بداية العام وذكر لي المهندس بأن فيه بداية ترشيح زيت في الدوده والان له قرابة ثلاثة اسابيع والزيت تحت السياره اذا وقفتها لفتره
اعتقد والله اعلم مشكلة الرجه من احد المشاكل التاليه
اولا : ترصيص كفرات ...... وتأكد منها قبل ان تقوم بعمل اي شي ( انصحك بالترصيص الارضي )
ثانيا : الكفر ممكن يكون محبل ( يحتوي تورم في جزء من الكفر ) . شيك على جميع الكفرات عند اي محل كفرات راح يعلمك اذا فيها شي ولا لا
ثالثا : الجنط يكون مطعوج عندك من جهه في الجنط ( كانت معي مشكلة رجه في السياره وصار جنط مضروب وهو حق الوكاله)
هذا اذا كانت الرجه عندك وانت ماشي . اما اذا كانت الرجه تظهر عند سرعه معينه او عند انعطاف او غيرها فعليك مراجعة كذا ورشه للتاكد من المشكله
اتمنى لك التوفيق وانشاء الله اكون افدتك اخوي .
.
.
.
يعطيك العافيه على الموضوع المفيد
انا عندي نفس المشكله حقتك بس غير دينمواو علبه الدركسون(والله ناسي وش اسمها)(الي يطلع منها الصوت)من صناعيه القديمه عند الطائر وكلفني (1000)وغيرت قبلها لي الدركسون كلفني (250+التركيب 50)
وكان الوضع اوكيه يوم غيرته وبعد فتره صار اول ما اشغل السياره وانا رايح الدوام يطلع صوت في الدركسون ويصير ثقيل بعيد يضبط
واحاول اروح الورشه مره ثانيه ما لقيت فرصه اروح له الصراحه بس ان شاء الله رااح اروح له
بس اذا انت عندك الدركسون ثقيل في البدايه ولا وانت واقف ثقيل مره مره رووح غير دينمو حق الدركسون
بس حاول تروح لهم عشان يصلح لك على الضمان وما عليك منهم اذا معطينك ضمان 4شهور رووح لهم عشان يصلحونه
ولا هنت على الموضوع
انا عملت صيانة طرمبة الدركسون لدى وكالة الدمام بقيمة 450 ريال
تم تغيير صوف داخلية وتم تغيير لي الدركسون على الضمان لاول مرة
لاحظت ثقل بسيط في الدركسون ولاحظت الثقل في الدركسون يتدرج الى الخفة ومع الوقت يختفى
ضوابط المشاركة
رد مع اقتباس
مواقع النشر (المفضلة)