سبيشل 2010 < استفسارات ؟ !

[عودي 2010]

السلام عليكم ورحمة الله وبركاته

محبي هوندا : أسعد الله صباحكم \ مساكم :d

انا محب جديد للهوندا و هذي اول مشاركه لي و هي عبارة عن استفسارات
ان شاءالله انكم بتفيدوني

قريبا باذن الله ناوي على اكورد سبيشل 2010 < وكالة طبعا :o


1 - بالنسبة للجنط : انا عاجبني جنط الـ 6 سلندر
هل اقدر اطلبها بجنط الـ 6 واذا كان الجواب بنعم كم بيكون الفرق ؟

2 - نسمع عن اصوات الديكور و الشنطه و ... الخ < و مثل هذه المشاكل البسيطه
هل ما زالت موجوده في موديل 2010 ؟؟

3 - طبعا السبيشل بدون زينون :
كم اسعار الزينون بالوكاله (( يعني ابي استلمها بالزينون ))

4 - بالنسبة للجناح (( الذيل )) كم سعره بالوكالة و هل الافضل اخذه من الوكاله و لا من برا ؟

5 - و بالنسبة للعازل الحراري : هل سوف احصل على خصم عند شرائي السيارة ؟
اذا كان الجواب بنعم ( ايش العازل اللي بيعطوني عليه خصم ؟ )*


و المعذرة على الاطاله

بانتظاركم ,,

[المخلب]

سوف أجيبك عن رقمين هما :

2 / السيارة لها معي يومين ولا فيها ولا صوت . . . الحمد لله

5 / نعم عليها خصم 20% من جونسون ( الفلم الشفاف) وبيعطيك 3 كوبونات خصم واحدة لك و2 تعطيهم لمن يعز عليك

والبقية عند الشباب ما يقصرووون

.

[Ëńġ․ℱάίśάℒ]

السلام عليكم ورحمة الله وبركاته
محبي هوندا : أسعد الله صباحكم \ مساكم :d
انا محب جديد للهوندا و هذي اول مشاركه لي و هي عبارة عن استفسارات
ان شاءالله انكم بتفيدوني
قريبا باذن الله ناوي على اكورد سبيشل 2010 < وكالة طبعا :o
1 - بالنسبة للجنط : انا عاجبني جنط الـ 6 سلندر
هل اقدر اطلبها بجنط الـ 6 واذا كان الجواب بنعم كم بيكون الفرق ؟
ماتقدر جنط السته سلندر نفس جنوط الفل تقدر تشتري الجنوط من الوكاله درجه ثانيه وتركبها سعرها 1500
2 - نسمع عن اصوات الديكور و الشنطه و ... الخ < و مثل هذه المشاكل البسيطه
هل ما زالت موجوده في موديل 2010 ؟؟
طبعا في اصوات بس مو كل الاكوردات طلعت فيها الاصوات و مدري اذا في اصوات في 2010
3 - طبعا السبيشل بدون زينون :
كم اسعار الزينون بالوكاله (( يعني ابي استلمها بالزينون ))
الزنون فقط في السته سلندر و اذا تبغى زنون من الوكاله بيكلفك كثير فوق السته الاف هذا الي سمعته تقدر تشتري زنون مشابه للوكاله صيني في واحد من الاعضاء هنا يبعيه
4 - بالنسبة للجناح (( الذيل )) كم سعره بالوكالة و هل الافضل اخذه من الوكاله و لا من برا ؟
الافضل من الوكاله بس السعر غالي وتقدر تاخذه من برا بس خذ نوعيه جيده في الوكاله سعره بحدود 1500
5 - و بالنسبة للعازل الحراري : هل سوف احصل على خصم عند شرائي السيارة ؟
اذا كان الجواب بنعم ( ايش العازل اللي بيعطوني عليه خصم ؟ )*
نعم يعطونك كوبونات خصم يعطونك زيبارت وغيرهاا
و المعذرة على الاطاله
بانتظاركم ,,

الاجابة باللون الاحمر

[عودي 2010]

المخلب

الله يعطيك خيرها و يكفيك شرها
وان شاءالله كلها كم يوم و الحقك



italian boy

مشكور اخوي كفيت و وفيت

بس بالنسبة للجنوط : وش قصدك بدرجه ثانيه ؟؟

[أوتـار الـحـزن]

أهلين فيك أخوي .. منور يالغالي ..

1 - بالنسبة للجنط : انا عاجبني جنط الـ 6 سلندر
هل اقدر اطلبها بجنط الـ 6 واذا كان الجواب بنعم كم بيكون الفرق ؟

يآ حبيبي جنط الستة سلندر نفس جنط الاربعة سلندر , مقاس17 ..// والسبيشل ( نصف فل ) يختلف , مقاس 16 ..
وإذا كنت تبغى جنط الفل كامل بتطلع عليك الجنوط مبلغ وقدرة ( أكيد غالية ) <-- يفيدونك الاخوان بالسعر ..

.

2 - نسمع عن اصوات الديكور و الشنطه و ... الخ < و مثل هذه المشاكل البسيطه
هل ما زالت موجوده في موديل 2010 ؟؟

شف ممكن تسمع أصوات وممكن لا ( أصوات خفيفة مو ذاك الازعاج ) , بس في موضوع حل للأصوات مثبت بالقسم ..

.

3 - طبعا السبيشل بدون زينون :
كم اسعار الزينون بالوكاله (( يعني ابي استلمها بالزينون ))

: ) أخوي الزنون تبع الوكالة غالي , وأنصحك تركب زينون 4300 كالفن رخيص وكويس ..
فإذا كنت ملزم على زنون الوكالة وجنوط الفل كامل فأنصحك تاخد أكورد 6 سلندر ..

.

4 - بالنسبة للجناح (( الذيل )) كم سعره بالوكالة و هل الافضل اخذه من الوكاله و لا من برا ؟

بالنسبة للجناح ما أعرف سعره ,, لكن تبغى رايي وذوقي لا تركب جناح , أنا أشوف الموتر أحلى من دون جناح , والراي الأول والأخير لك يالغالي ..

.

5 - و بالنسبة للعازل الحراري : هل سوف احصل على خصم عند شرائي السيارة ؟
اذا كان الجواب بنعم ( ايش العازل اللي بيعطوني عليه خصم ؟ )*

سبق وتم الجواب عليه من قبل الإخوان : )

.

ملاحظة // ماشاء الله عليك تبغى جنوط الفل وزنون و إلخ ..... , ليه ما تشري فل كامل وتريح نفسك سواءً 4 سلندر<-- [ تركب فيها زينون ] , أو 6 سلندر يجي معاها زينون .. لأنك دافع دافع .. فياليت تبررلي ..!!

الله يوفقك يالغالي , ويكتب لك اللي فيه الخير .. وحياك الله :/

[عودي 2010]

" أوتار الحزن "

يعطيك العافيه اخوي
بالنسبة للسته سلندر مستبعدها لانها غاليه صراحه
بس شكلي باخذ الـ 4 سلندر فل كامل
والله يكتب اللي فيه الخير


ما شاءالله ردودكم سريعه
يعطيكم الف الف الف عافيه