عن نفسي ابأخذ الجلد ومبرووك مقدما
والله قهر قــهـــر الله يقلعهم وكالة
انا مريتهم الاربعاء و دفعت عربون على اكورد فل كامل لؤلؤي مخمل 2010 وقالوا تجي يوم الاحد ومريتهم يوم الاحد قالوا الاثنين ......... ومرت الساعات والدقائق والثواني الى ان جاء يوم الاثنين 1431/07/30هـ قلت خليني ادق على الوكالة واسئل المهم ...
انا : سلام
الموظف : وعليكم السلام
انا : ياخوي انا طلبت اكورد يوم الاربعاء وقلتولي توصل الاحد وجيتكم الاحد قلتولي الاثنين
الموظف : اهاا انت اسمك ايش بالزبط
انا : معك ماهر الشهري .
الموظف : اها انت الي دفعت عربون على اكورد فل كامل لؤلؤي مخمل 2010
أنا : ايه هوا انا
الموظف : حياك اخوي ماهر والله السيارة امكن تتأخر اسبوع او اسبوعين بالكثير
أنا : ليه !! طيب انتوا وعدتوني واحنا اتفقنا صح ولا
الموظف : صح بس والله المخمل عليها طلب
انا : طيب والحل
الموظف : والله مابيدي شي لكن اشوف لواقدر احوالك في الاسبوع الجاي بس ما اقدر اوعدك
انا : والله يالغالي انا وراي سفر وابي السيارة عاد انت دبر عمرك
الموظف : طيب ليه ماتاخذ جلد عندنا جلد
انا : ياحبيبي انا لو ابغى جلد كان طلبتها من اول
الموظف : خلاص انا اشوف واردلك خبر ....
انا : طوط طوط طوط طو ...<< قطع الخط
ــــــــــــــــــــــــــــــــــــــــــــــــــ ــــــــــ
بالله ايش رايكم ياشباب ..!
وش الحل ... اسحب العربون ولا كيف والله متردد والجلد ما ابغاه بريال ...
وش تشوروووون علي !!!
عن نفسي ابأخذ الجلد ومبرووك مقدما
يالغالي أنا اقول طول بالك....كل تاخيرة وفيها خيرة إن شاء الله....انا بالنسبة
لي يؤخروني ويعطوني شي زين أحسن من انهم يكذبون علي ويقولولي والله
ما عندنا الا جلد أو ما عندنا الا هاللون!!
انتظر وتنال مرادك والعجلة من الشيطان...ومبروك مقدما
أنت بتشتري السيارة وكالة ,, على يدك
يعني لاتاخذ الجلد إلا إذا أنت مقتنع فيه 100%
مع أني معك الجلد ماينفع في ذا الجو
أنا معي فل مخمل والحمد لله مرتاح ماأشيل هم برد ولا حر
وحاول تنشب لهم
الله يعينك على الوكالة ,, وييسر أمرك
أخوي اذا ما ودك في الجلد فلا تاخذ السيارة وشوف شيك مع الفروع الثانية ممكن تحصل اللي تبي..
ياهلا بماهر الشهري <<< كأني اعرفك مو انت متخرج من الريان ؟
وكالة هوندا عندنا في المدينة من أخيس الوكالات الحقيقة
على حسب علمي حتى ماعندهم حوش تخزين سيارات عشان كذا كل طلبية لازم يجيبها لك من جده
لو أنك اخذتها من الموزعين كان ارخص لك من الوكالة و تستلمها بسرعة
على العموم أنا أفضل انك تروح لهم الفرع وتتفاهم معهم لأن هذول ماينفع معاهم التفاهم بالتلفون .
ومبروك عليك السيارة مقدماً والله يوفقك .
ياحبيبي رح للمعارض وخذها منه ارخص بالف او الفين
ونفس الوكاله بالضبط ضمان وكل شي وعلى طول تاخذها او بكرا
اكثر الي اعرفهم من الرياض طلبوها من الوكاله بالخرج ادفع كاش اليوم تستلم السياره اليوم الثاني بلوحاتها جاهزه انا كذالك اخذتها من وكالة الخرج
لا والشهاده لله كلمة حق اول ماجيت فرع الخرج وربي اعطاني مدير الفرع هوندا 2010 اجرب قيادتها وقمه في الاخلاق الى درجه ماتتوقع
وراح معي للبنك واستلم فلوسه واليوم الثاني مريته بعد صلاة المغرب واستلمت سيارتي .... من الاخر فرع الخرج ماعليه زحمه انصح فيه
وعلى فكره الفرع كله مافيه غير المدير سعودي ومساعده مصري بس
واذا تبي سياحي تعال الصباح ادفع كاش تستلمها بعد العصر
انا لفيت المعارض ماعندهم فل لؤلؤي مخمل اكثر الي عندهم اسبيشل
طيب انا لورحت جدة القى فل كامل مخمل 2010
لأني شكلي باسحب العربون واطلع جدة اخذها من هناك بس والله اني خايف اطلع
ويقولولي مثل ماسبق
والا اني اكمل المبلغ في جدة واخذها من من هناك
الصبر جميل
والله ياخوي الجلد مرة ماينفع مع ذا الجو الحلو ... اصبر اسبوع عادي والا اذا انك ملسون رح لمهم في الفرع واغسلهم غسل ... هههههههه
في جدة منطقة المعارض معرض البقمي
عنده طلبك تستلمها ثاني يوم
روح واسحب عربونك من الوكالة
كل تأخيره فيها خيره
اصبر اسبوع وش يضرك؟؟
احلى عشان تشتاق للموتر وتفرح به اكثر
واذا كنت مستعجل رح لجده وخذها اضمن
لا تسكت اروح الوكالة الصباح والعصر وابلشهم اغسلهم غسل ولا عليك فيهم انت رااااح تشتري بفلوسك ما راح يتصدقوا عليك .
مواقع النشر (المفضلة)