أولا لاتنسى اللهم اجرني في مصيبتي واخلف لي خيرا منها ,,
ثانيا ,, أنا لي تجربه مريره مع سرقة السياره وايضا بالشرقيه ,, فممكن أفيدك ببعض النصايح واتمنى تقبلها مني ,,
اول نصيحه انك خلك دايم متواجد في مكان السرقه لأن المجرم لازم يرجع للمكان الي سرق منه السياره ,’ وهذي اول خطوه توصلت فيها انا للحرامي الي سرق سيارتي ,,’
ثانيا .. ابحث في نفس الحاره وبشكل اوسع في الثقبه عموما عن أشخاص لهم معرفه بسرابيت الحي واعذروني على الكلمه وخلهم يزودونك بأسماء الحراميه الي معروفين في الحي,, لأن هذي خطوه مهمه انك تعرف المشاهير من الحراميه الي في نفس الحي لأنه في الغالب بيكون واحد منهم .. لكن انتبه تتهم شخص بدون دليل يثبت ..
ثالثا .. حاول تتعرف على اماكن التفحيط والهجوله .. واتوقع والله اعلم انها راح تستخدم للتفحيط في العزيزيه أو المهجور في اخر الليل وعلى بداية الصبح لأن هذي ضريبة الاجازه للأسف ,,
رابعا ,, لاتعتمد الا على الله ثم على المعارف والاصدقاء .. أما انك توكل المهمه للدوريات فهذا اكبر غلط لأن عندهم مئات البلاغات غيرك وصعبه يجمع هنا وهنا ..
خامسا ,, حاول تسوي صجه بالثقبه بحيث تنشر خبر السرقه في الحي كامل لأن هذا يمثل ضغط نفسي على الحرامي لما يعرف ان كل الحي يدور على السياره ’’ ومثل ماقلت لك ,, الحرامي 99% من أهل الحي ,
سادسا .. لاتتوقع انه راح يخلي سيارتك على اللوحات نفسها ,, وهذا شي مستحيل لأنه راح يستخدم اكثر من لوحه للتمويه واحتمال اذا يظلل السياره بما أنها ماهي مظلله ,, واحتمال كبير انه يفك الجنوط ويركب لها جنوط حديد مثل ماصار مع سيارتي
سابعا .. لاتشيل هم .. بس ارفع يدك اخر الليل وادع ربك (( اللهم ياجامع الناس في يوم لاريب فيه اجمع بيني وبين سيارتي )) ..
مواقع النشر (المفضلة)