الموضوع: آشتريتـ.. آ كُــ,ــورد 2006 ولـــــــــكِن!!

بسم الله الرحمن الرحيم ...

مساء الخير/صباح الخير ....كلن بوقته..........

كيف حالكم ... أنشاء الله بخير ..

عندي في هذا الموضوع كم نقطه أتمنى تساعدوني مثل عادتكم ماتقصرون ....

أول شي هذي أول مشاركه لي اتمنى ترحبون فيني

ثاني شي باركولي على السياره أمس طلعت هوندا أكورد 2006 (سبشل)ماشيه 80 ألف نظيفه ماشاء الله

بس قالي راعيها قبل ماشتريها أن فيها كراسي مكينه ودودة دركسون فيهم خلل وأنها ماتكلف واجد

بس ودي أعرف اللي قد صارت له وين صلحها وكم كلفت وشو كرسي مكينه وشو دوده >>ما أعرف شي أبد

ما شاء الله السياره مع انها 4 سلندر ألا أن قومتها حلوه وقويه وأزين ما فيها (الطبلوووون)

وودي أسوي لها تخشيبه أذا تعرفون محل زين في الرياض .....

أذا ماعليكم أمر ... أتمنى أني ماكلفت عليكم ..... او طولت
ولكم مني جزيل الشكر والعرفان .......
................
..........
....
.

مبروك الف مبروك السيارة ويعطيك خيرها ويكفيك شرها

بالنسبه للكراسي المكينه روح للوكاله وسويها على الضمان لان سيارتك ماشيه 80 الف

واذا قالولك لا ومادري وشو انشب بحلوقهم وقولهم ان اخر شي في الضمان 120 الف كلم

وان شالله يسوها لك

بالنسبه للدودة يبغالك تسوي لها طقم اصلاح 500 ريال بس الورشه الزينه وين باقي الشباب بيفيدونك

واذا تبي تسوي تخشيبه الغرابي على الذمه

وان شالله اني افدتك

المشاركة الأصلية كتبت بواسطة نحيب الاماكن

مبروك الف مبروك السيارة ويعطيك خيرها ويكفيك شرها

بالنسبه للكراسي المكينه روح للوكاله وسويها على الضمان لان سيارتك ماشيه 80 الف

واذا قالولك لا ومادري وشو انشب بحلوقهم وقولهم ان اخر شي في الضمان 120 الف كلم

وان شالله يسوها لك

بالنسبه للدودة يبغالك تسوي لها طقم اصلاح 500 ريال بس الورشه الزينه وين باقي الشباب بيفيدونك

واذا تبي تسوي تخشيبه الغرابي على الذمه

وان شالله اني افدتك

مشـكـور أخـوي عـلـى إفـادتـكـ وألـصـراحـه أنـك كـفـو
ماشاء الله بعد 5دقايق من وضع الموضوع رديت
يدل هذا أن شباب المنتدى فيهم خير
ويعطيك ألف عافيه
وماقصـرت
يالغالي

بالنسبة لكراسي المكينة فهناك كرسي امامي تحت الراديتر وكرسي خلفي
وقيمتهم اصلي بعد الخصم حوالي 800 - 850 ريال
واجور التركيب حوالي 150 - 200 ريال طبعا خارج الوكالة المستغلة
اما بالنسبة للتخشيب فهناك اكثر من لون ( أطقم جاهزة ) تلصق على الطبلون
والابواب وهي جميلة جدا وسعرها في جدة 180 - 220 ريال مع التركيب
حسب المحل
وبالتوفيق

المشاركة الأصلية كتبت بواسطة ashraf rashid

بالنسبة لكراسي المكينة فهناك كرسي امامي تحت الراديتر وكرسي خلفي

وقيمتهم اصلي بعد الخصم حوالي 800 - 850 ريال
واجور التركيب حوالي 150 - 200 ريال طبعا خارج الوكالة المستغلة
اما بالنسبة للتخشيب فهناك اكثر من لون ( أطقم جاهزة ) تلصق على الطبلون
والابواب وهي جميلة جدا وسعرها في جدة 180 - 220 ريال مع التركيب
حسب المحل

وبالتوفيق

حياك الله أخوي أشرف


أشكركـ من أعماق قلبي على سرعة الرد



و على الإفاده ويعطيك ألف عافيه

يا الغالي وما قصرت

بالنسبة كراسي المكينة مثل ماقالوا الأخوان
رح للوكالة ونشب لهم لأن الكراسي خطأ مصنعي وعلشان كذا صلحها عندهم على الضمان
أما التخشيبة عندك في الغرابي محل إسمه الابداع تخشيبهم روعة أتوقع تكلف داخليها كامله مع الطارة 1300 ريال

المشاركة الأصلية كتبت بواسطة المهاجر333

بالنسبة كراسي المكينة مثل ماقالوا الأخوان
رح للوكالة ونشب لهم لأن الكراسي خطأ مصنعي وعلشان كذا صلحها عندهم على الضمان
أما التخشيبة عندك في الغرابي محل إسمه الابداع تخشيبهم روعة أتوقع تكلف داخليها كامله مع الطارة 1300 ريال

يعطيك العافيه أخوي وماقصرت..

بس ما أدري هو عليها ضمان ولا
وكيف نظام ضمان الوكاله
يعني كم سنه وكم كيلو ...
علماً ان سيارتي موديلها 2006

الضمان يشمل ممشى السيارة 100 الف ..

او 3 سنوات ..

على حد علمي ..

لك جرب مو خسران حاجة ..

كلمتين حلوة منك مع استقعاد يغيرونها لك ان شاءالله :d

بالنسبة للتخشيب

انا مخشب اكورد 2007 تخشيب كامل

كلفني 1300 ريال

مع ضمان 5 سنوات اي تغير او حاجة ارجع لهم ..

عند محل اسمه الابداع ..

أهلين مجودي


يعطبك العافيه وما قصرت


وأشكر كل الاعضاء اللي مرو على الموضوع وردو أو ما ردو

وبالنسبه لمحل الإبداع هذا محل معروف بالغرابي ..

وأعرف واحد من أخوياي مخشب عندهـ ويمدحه ....

أخوي أمر كرسي المكينة هين ومشكلة في الهوندا عموما وفي الأكورد والسيفيك خصوصا وأما الدودة فهي عيب مصنعي وتصلحه لك الوكالة وبخصوص ضمان سيارتك فأعتقد إنه انتهى لأن السيارات من موديل 2007 وتحت ضمانها الى 60 الف كيلو أو 3 سنوات وليس 100 الف كيلو وأعتقد حتى الـ 3 سنوات خلصت ولكن حاول معاهم وإن شاء الله يصلحونها لك وبالبركة السيارة يا غالي..
وبخصوص التخشيب فالكل يمدح محل الإبداع مر عليهم وشوف شغلهم واذا اعجبك فتوكل على الله وخشب سيارتك..