بسم الله الرحمن الرحيم
قائمة بالمشاكل في سيارتي هوندا اكورد 2007 4 سلندر
ابغى لها حل تكفووون يا وجيه الخير لاني صراحة طفشت من نصب الورش وكل واحد يقوللي شي
اولا: (الحراره)
قبل شهرين تقريبا لرتفعت عليا الحراره لفوق الـ H والسبب كنت شغال ع مروحة واحدة والرديتور كان شبه فاضي فـ ضرب عليا راس المكينة ووديتها لورشة فكلي الراس ووداه مخرطه وخرطلي الراس واشتريت قطع من الوكاله (وجيه الراس وكم قطعه ناسيها) المهم بعد ما خلص من كل شي طبعا اشتريت مراوح من التشليح نظيييفه وركبتها بعدها بـ اسبوع تقريبا الحراره رجعت ترتفع ثاني (ترتفع فالظهر بس واذا شديت عليها شوية ومشغل المكيف واذا كنت واقف ترتفع اما فالليل الحراره 100%)مع انو كل شي تمام المراوح شغاله 100% والراديتور 100% وبدات ابحث فالنت عن هـ المشكله هذي وحصلت الموقع (الاجمل والامثل والاكمل خخخخخ مسوي مصطفى الآغى الاخ) www.hondaarabia.com وسجلت فيه وبحثت فالمنتدى عن مشاكل بعض الشباب مع الحرارة وحصلت حلوول كثيره ورحت الصناعيه القديمه في الرياض وجربتها كلها منها (تسييخ الردايتور+غسيل الراديتور مع الماكينة من الشوائب +تعبئة موية راديتور اصلي+تغيير بلف الحرارة 160 ريال اصلي) طلع البلف شالو اللي خرطلي الراس ولمن ركبت الجديد وبعد ما سويت الاشياء هذي كلها زادت مشكلة الحرارة سارت ترتفع اكثر من اول (اتوقع عشان البلف) الرجال قاللي هذي مشكلة في راس المكينة فـ يا جماعة الخير اللي عنده اي خلفية ايش تكون المشكلة لا يبخل علينا بحلها واذا كانت من راس المكينة هل اخرط(مع انو قاللي ما ينفع تخرط لاني خرطتو قبل كذا)ولا اشتري واحد من التشليح واللي اشتريه من التشليح هل يحتاجلو خرط ولا لا ؟
ثانيا: (المنظم)
عندي عداد الضغط حركتو مو طبيعية ابدا اول ما اشغل السيارة يكون فوق الـ 2 بشوية ولمن تحمى يبدا ينزل للـ 1 ويطلع ثاني للـ 2 وهكذا برضو بدات ابحث فالمنتدى عن حل للمشكلة هذي وفي حلول كثير جربتها كلها رحت لورشة في الصناعية القديمة مختصين بـ HONDA (غيرت الانتيك بـ 130 ريال اصلي+تنظيف الثروتل بدي ببخاخ اسي ديلكو) وما زالت المشكلة زي ما هي قاللي هذا المنظم خربان لازم تغيير وهذي صورة للمنظم ع كلام الرجال
سعره في الوكالة 3600 ريال تقريبا
وحصلت في التشليح واحد نظيف بـ 700 ريال بس اخاف اشتري واغير ويطلع مو منو الخراااب فـ اللي عندو خلفية عن المشكلة هذي يا ريت يساعدني وهل في امكانية اصلاح المنظم بدل ما اشتري واحد ثاني ؟ ؟ ؟ ؟ ؟
ثالثا: (Check Engine) علامة المكينة
علامة المكينة ظاهرة في الطبلون سويت لها فحص كمبيوتر وقاللي حساسين خربانين في المكينة وهذي صورهم
وغيرتهم مرتين ولا في اي فايدة وسويت فحص بعد ما غيرتهم ويطلعلي فالفحص انو نفسهم خربانين
واللي يقوللي حساس الشكمان الامامي خربان واللي يقوللي حساس الشكمان الخلفي خربان واللي واللي
وفي النهاية اقدر لكم دخولكم وقرائتكم موضوعي ومشاكلي اللي عجزت الاقيلها حلول وقلت مالها الا راعينها شباب www.hondaarabia.com اللي راح يساعدوني وآسف على الاطالة واتمنى الرد في اقرب وقت ممكن لمن عندهم ردووووود
والسلام عليكم ورحمة الله وبركاته
رد مع اقتباس
ضوابط المشاركة
مواقع النشر (المفضلة)