ان شاء الله يفيدونك الاعضاء ..
السلام عليكم ورحمتة الله وبركاتة
انا عندي مشكله بسيارة والي هي ان كل ماالف لفه سواء يمين او يسار
يطلع صوت ونه بجهه يمين من عند سيور المكينة بالضبط
بداية الصوت كان يجي لما اديور يسار تطلع صوت ونه وتروح
الحين اي لفه الفها او اديور خاصه يطلع صوت والسيارة تمشي سيده يطلع بس يخف
شيكت عند احدى الورش قالي طرمبة الباور لان وهي واقفه احرك دركسون يمين يسار
يطلع صوت خفيف من طرمبة الباور على كلامه
المهم انا ماعلي من ذا الكلام كله ابي اسأل لأي واحد مرت عليه نفس حالتي
او قريبه منها هل الضمان يتكفل بتغيير القطعه على حساب وكاله
سيارتي الحين على وشك تكمل 85الف
شيكتها عند الوكاله على 10 و20 و30 و 60الف بس
هل تتوقعون يشملها الضمان الوكالة؟
ان شاء الله يفيدونك الاعضاء ..
انا مرت علي هالحاله وغيرت طرمبة الباور والحمد لله الى الان اوكي
غيرتها على حسابي الضمان انتهى
اذا انت ع الضمان روح لهم وانشب فيهم
أولاً / الضمان ما يشملها
والسبب لأنك وقفت عن الفحص وما أستمريت عليه ويلتغي الضمان عليك
؛؛
ثانياً
يمكن من طرمبة البور [ الخاصة بالدركسون ] مع أي لفة تصير
اتوقع انك ما كنت تشيّك على الزيت حق علبة الدركسون ولا تهتم فيه
خصوصا بعد ما توقفت عن الصيانة
انا كانت عندي نفس المشكلة و غيرولي القطعة على الضمان لما وديتها صيانة 50 ألف قبل شهرين تقريباً , مع العلم سيارتي اكورد 2008
حتى انا الصوت هذا عندي رحت عند الوكاله وقلتلهم عليه قالي هذا الصوت طبيعي في كل الهوندات
لاكن ان شاء الله الحين عندي صيانه 30000 الف راح اكلمهم عليها
واذا عرفت ياصاحب الموضوع مصدر المشكله وحلها ياليت تكتب لنا في الردود
ويعطيك العافيه
والله انا عندي نفس المشكله
ودخلت السياره صيآنه الـ 1000 - 5000 - 60000 -80000
وللأسف رفضووآ يصلحونهـآ ع الضمـآن بسبب عدم الأنتظـآم في الصيآنه ( عشره آلآف عشرين ثلاثين ... ستين ألف ) < وجهي قوي :d
وسويت صجه ولجه ورحت لمدير الصيانه و مدير الضمان و ورقه طالعه وورقه نآزله وأآقعد يوم يومين رآيح جآي ع الوكاله .. بس للأسسف
ماتصلحت ع الضمـآن .. قـآلوآ بالعربي ضف وجهـك :d
وإلـى الان لم يتم تصليحــهـآ :(
بس ما يمنع تجـرب حظك ,.
يمكن تطيح في وآحد إبن حـلآل يضبط وضعـك
مـوفق
تراني متاكد من الخراب يابعدي
والصوت كذا امممممممممم اممممممممم <<<كنك سمعته مع لفت الدركسون صح خخخخخخخخخخ
شيك عالزيت والسياره بارده
لازم يكون بين الحد الأدنى والأعلى
اذا كان اقل من الحد الأدنى
اشتري زيت دركسون هوندا الأصلي
وعبيه بشوييييييييش للحد الأعلى
حبايب قلبي ابقولكم على حاجه ولا زم تقتنعون فيها اولا مشكلة الضمان + المبالغ الهائلة بالضمان = نصب واحتيال من طرف الشركة طبعا انتم مستغربين من كلامي ؟
انا اقولكم لو تلاحظون بالتشييكات الوكاله هوندا ان الظمان كل عشر الالف صح طيب انتم ماسألتو انفسكم وش يسوون كل عشرة الالف انا اعلمكم ياحبايبي
اولا الصيانة الدورية كل عشر الالف نصب واحتيال على المواطن عامه ؟
ثانية الصيانة الاساسية للسياره كامله كل عشرين الف كيلو متر
والحين بنبدأ بالمفيد
كل عشر الالف ( اللي هي 10 الالف , 30 الف , 50 الف , 70 الف , 90 الف)
هذي التشييكات مايشيكون على السياره كامله يشيكون على البريكات وينظفونها ويشيكون على الزيوت بس اما السياره كامله مايشيكون فيها ولا يناظرون بوجهها ابد وانتم لاحظوا بفرق الاسعار الصيانه .
ونجي للتشيكات الاساسية وهي المهمه واللي يدققون فيها الضمان واللي هي:
(20 الف , 40 الف ,60 الف , 80 الف , 100 الف )
هذي التشييكات الاساسية ويفحصون السياره كامل بالتمام ولا يخلون شيء والا يفحصونه والدليل الاسعار الصيانه
واي واحد منتظم بالتشيكات كل عشرين الف اذا صارتله مشكله يروح عند الوكاله ويقولهم المشكله اول مايسألونه بتدخل السياره على التشييك بتقول طبعا لا انا عندي مشكله وعلى الظمان ذيك الساعه بيقومون يلتهون فيك ويبهذلونك زي ماصار في اخواننا .
حبيت اعلمكم بالحقيقه كامله وانا صارتلي مشاكل معاهم يعني الضمان جيبك الله لايهينك يعني فلوسك ولو حسبون المبالغ اللي انتم دافعينها على التششيكات كامله بتطلع قيمة الطرمبه وبزياده
واختم كلامي
لااله الا الله محمد رسول الله
متوفره وعلى الضمان .. 1200 ريال ..
اذا لك فيها .. على الخاص
تسلموووووووووووون على ردوكم الحين اعرف اتفاهم معهم زين
اشهد اني بنشب بحلوقهم
الله يستر لايقولون لي يله معا الباب بس
وانا بأذن الله بحجز موعد معهم على الاسبوع الجاي ان شاءالله
وبفيدكم بالاخبار
شكلها عيب مصنعي اشوف اغلبيه الشباب معاهم نفس العطل
مواقع النشر (المفضلة)