مووضوع مهم للي يقارن الكامري بالاكورد.

[المحترف]

*ملاحظة: طبعا الموضوع من قول من موقع خلوها تصدي لا كن للمعلوميه اذا الكامري ماتتقارن بالسوناتا اجل من يقارنها بالاكورد.

.................................................. ................................

السلام عليكم ورحمه الله وبركاته

هذي ردود الاعضاء بقسم الكامري نقلتها لكم

.................................................. ...............................................

انا كنت مخدوع بالسياره الي اسمها كامري

لاني انا من النوع الي يهمني الكررف وشيك الجيب

لكن خاب ضني بالكموره السيارة مافيها لامواصفات ولاتقنية والله من فقعة الراس بالخط انواع الاصوات

واتنخلو من صوت القير والطبلون !!!

مع ان موتري توه جديد ماشي 22 الف 2010

واخوي معه سوناتا 2009 فل اوبشن صراحة عند الكامري لكزس ماشاء الله


راح اعطيكم نبذه عن السوناتا 2009 GLS مع كامري 2010 GLX

والمقارنة بتكون كذلك ::سوناتا - كامري

من مواصفات السلامة فيها 8 ايرباقات - والكموره 2 فقط

مانع انزلاق - الكمورة دعاء سفر :d

المسجل 6 سيديات من ماركة انفنتي - الكمورة سيدي واحد ابوكلب من الغرابي

الجنوط 17 انش - 16 انش

تخشيبة مطعمة بألوان مختلفة - تخشيبة واضح انها تلفيق

زينون واطي - انوار عاديه هالوجين

ازياق نيكل على الصدامات ومساكات الباب - لايوجد

مكيف لمس - طقطاق :d

جلد - خشب قصدي فرش

وهذى مواصفات مبدأيه وغيرها الكثير طبعا هذى موديل 2009

و2011 ماتتقارن مع الكامري ابد

وان شاء الله هالخرده الاسترالية مبيوعة مبيوعة حتى لو اقعد على كابرس 76


.................................................. ...............................................


السوناتا اكييد ومافيه اي مقارنه بالكاامري



يااانااس خلو التعصب الله يرحم والديكم لوو ترحوون لشيبانكم وجدانكم قالوا لكم كيف الددسن كان يبااع 17 الف بس عشانه ياباني ولا ه وما كان مركب

كاان النااس تاخذ الامريكي من شفر والخ..

الحيين اشووف الدعووه بتتغير شوي من متى والياباني على العرش بيجي الان وقت الكوري من جوده وسعر وكرف


.................................................. ...............................................


الكامري سيئه مقارنة بالسوناتا********
يا إخوان خلوكم واقعيين شوي ********الكامري من عرفها ومكينتها وقوتها ما تغيرت إلى بشي بسيط بس السوناتا شي خيااالي
لا من ناحية الشكل ولا من ناحية المكيف وتبريده ولا من ناحية المواصفات كل شيئ في السوناتا أفضل من الكامري ************بعدين نقول كوري كوري وش فيه أنا عندي كيا كلاروس م 2000
والله إني مسافر عليها من أبها إلى الرياض ومن الرياض إلى الشرقيه ****ومن الرياض إلى القصيم ثم حائل ************ومن الرياض إلى جده <*****وكم مره رحت فيها للجنوب وما صار إلى كل خير ********وقسماً بالله إن الكيا أرسى من الكامري حقتي وهي مو ديلها 2009********بس خلاص أصبح لدينا فكره عن الكوري ********تعرفون ليه لأن وكيلها مع إحتر امي له نصااااااااااب مثل بعض الوكلاء عندنا...


.................................................. .................................................


والله السوناتا افضل بكثير شكل وديكور وقوة مو زي الكامري امشي 140 كأني بطير صوت هوى يخش مع القزاز ومع البيبان وديكورات ترفع الضغط انا عندي كامري 2004 ورافعة ضغطي شاريها وكاله والمشكله الكبرى المكيف حقها ما يبرد الى في الليل الله لا يبارك في الي صنعها


.................................................. ...............................................


اكيد صوتي يروح للسوناتا بصراحة سيارة فخمة وجودة ومواصفات رائعة وشكل جبار

ولو سمحتوا عندي تعقيب للأخوان الي يقولون كوري ومافية جودة كيف حكمت على انها مافيها جودة والمشكلة اني كل ما ادخل منتدى كامري احصل المشاكل والاستفسارات ماتوقف الي يقول الزيت ينقص والي يقول المكيف ضعيف والي يقول رجة والي يقول ديكورات سيئة ...........الى اخرة طيب قلي الحين فين الجودة والكرف الي تتحدث عنها كل هل المشاكل وتقول جودة والمشكله جديدة 2010 وفيها مشاكل انا الحين دافع مبلغ وقدرة واخرتها كل يوم في الوكالة اصلح حاجة الكامري الجيدة راحت وراح زمنها واما كامري ابو جميل خلها تصدي عندة


.................................................. ...............................................


للاسف انا بعض الناس تفكيرها لا زال شبه محدود مع احترامي لهم
الحين السيارة اذا كانت كورية يعني انها سيئة ,,,, الكلام هذا ابدا مو صحيح
لما نجي نقارن بين سيارتين او اكثر ما يهمنا دولة الصنع يهمنا الجودة في الصنع, و لو لم تطابق مواصفات الجودة لما دخلت الى السعودية.

وبالنسبة للي يقول ان السوناتا ماهي حقت كرف ,,, واحد من اصحابي معه سوناتا 2006 و الى يومنا هذا ما ما قد دخلها الورشة ( ما شاء الله تبارك الله ) .




.................................................. ...............................................





السيارة طاحت من عيني

لو ان شاء الله 2011 يقولون مصنوعه بألمانيا

يعني حرام انا طالب جامعي وراعي سفريات وحال اسرتي على قد الحال وادفع دم قلبي 87 الف على سيارة خرطي × خرطي

لا مواصفات سلامة ولا رفاهية والي فاقع قلبي اذا مسكت خط اشيل هم تعليقة الدعسة

وقد حصلي موقف تعليقة بس الحمد لله كنت مهدي

ولو اقولكم شي والله ان تضحكون علي ..

تصدقون اني شاري كرتون زيت مكينة وحاطها بالشنطة عشان بعد كل سفرة ازود زيت المكينة ...!!!!

وهذا غير الاصوات الي بالخط عندي قزازة السواق والقزازة الامامية تنسم هوا وسبق واني غيرت كامل الربل عند ابوجميل ولا فيه فايده

وكذلك الرساوة صفففففففففر ياشييخ وش اقول بس !!!

ولا مكيفها ذا الي متى مابغى يبرد على كيفه لا وانس الظهر وانا طالع من الجامعة يبرد ..

والا على المطبات انواع القرقعه

وحتى ديكور القير وديكور الطبلون مايخلي الواحد يستانس حتى بعض المرات اطفي المسجل وانطرب على مسمع الديكور !!

وبعدين من الي جاب طاري السوناتا ؟؟

ياشباب مشكلتنا نتكلم وحنا ماجربنا شي الكامري ماتتقارن بالسوناتا ابد !

خلها مع الاكسنت بس

المهم تقبلو وجهة نظري بصدر رحب الصراحة ياعالم هذا الحاصل معي وموتري ماتعدى 22 الف ..

لكن في الاخير الكامري حبيتها بشي واحد بس الي هو انها تمسك سعرها وهذى الي بيخليني ابيعها بدري


واشكر بدر على الموضوع الي يطيب الخاطر واقول لايهمونك العذال بس


......................................
وين روسكم ما فكرتو بالاكورد

لكم خالص تحياتي
رابط الموضوع
http://www.moq3e.com/t10870.html

[Silver Aurion]

مكان الموضوع غلط

+

من كل 1000 سيارة لازم تطلع وحده فيها عيوب الدنيا

والكلام موجه لكل الشركات

[f a w a z]

انا من ناحيتي اخذ الكامري و لا اخذ السوناتا حتى لو 2011

[saud8070]

انا جربت كامري 2010 جربتها شهرين كرهت حياتي رجعتها للوكاله

واخذت هوندا اكورد 2010 ولله الحمد ارتحت

[احبك يالاكورد]

كلهم سيارات جميلات وتختلف الاذواق من شخص لاخر

ملينا من المقارنات خلااااااااص

شاكر لك جهدك بالنقل ماقصرت اخوي

[أغـار يا هـوندا]

الكامري لها قيمتها والأكورد لها جودتها والسوناتا لها مكانتها
ولكل سيارة محبيها وعشاقها ... ولازم من العيوب والخرابات

[برق]

شكرآ لك على النقل

هذا كلام أشخاص متعصبين للسيارات الكورية و لا تكبر بعيونهم إلا إذا سبوا الكامري بشكل خاص .

صحيح السوناتا أفضل مواصفات ولكن صدقني رساوتها صفر أتوقع الكامري أفضل و مسالة الإيرباقات ما عندي خلفية

بس ما أتوقع إللي عندنا فيه 8 إيرباقات وراح أختصر كل الكلام و أنا على إقتناع تام بأن الكامري أفضل من السوناتا بكثير رغم

أن الكامري تفتقر الكثير لكنها أفضل وفيه ناس تقول الالنترا أفضل من الكورولا بس أبي منك 5 دقائق تمر على شركة أجرة

وتسأل اي واحد أو المشرف عن أعطال السوناتا والألنترا مقارنة بالكامري وراح تقتنع أن الكلام كله تعصب × تعصب من متى

السوناتا صار لها أسم صحيح أنها أنتشرت و الناس تشتري 2011 علشان مواصفاتها وليس لأسمها و جودتها أما الجيل السبابق

إللي هو 2010 و نازل صدقني يشترونها لأنها رخيصه و الكامري أغلى ويكفي ان سعر الكامري شيك بجيبك حتى الآن

[المباشر]

تفاديآ لمنازعات غير مرغوبة تم اغلاق الموضوع وشكرآ