ان الي سمعته القير ماينفع معه التوضيب لانه فترة وبيرجع يخرب
لوتاخذ لك قير من التشليح افضل
السلام عليكم ورحمة الله وبركاته ...
طبعا ً سيارتي هوندا اكورد كوبيه 2001 ماشي 150 ألف
الجير الي فيها خلاص انتهى وماعاد يرجع للخلف وللامام يبدل للثاني وبس
قررت توضيبه ولكن
1- شلون اعرف ان الميكانيكي ماغشنى بالشغل ، يعني يكفله شهرين وبعدها الجير يخترب ؟
2- أهو قالي انت روح اشتري القطع من الوكالة لو تحب ؟ شرايكم في هالكلام ؟
3- راح أخذ منه كفالة شهرين ؟ وشرطني لاتدفع إلا لما تتأكد ان الجير ممتاز ؟
4- هل الجير صعب تصليحة من خلال متابعتي الكثير منكم يشتكي من الجير بعد التصليح ؟ شنو الاسباب ؟
5- التكلفة 160 دينار كويتي شامل القطع والاجور مع تنظيف بخاخات المكينة ؟
اي نصائح يا اخواني لاخوكم لانه غشيم بالميكانيك ويخاف من غش الفنيين اخاف ادفع وبعدين يخترب وتروح فلوسي على الفاضي
بارك الله فيكم ولكم وادعوه سبحانه ان يوفقكم لما يحب ويرضى ويجزيكم كل الخير على مساعدتكم
ان الي سمعته القير ماينفع معه التوضيب لانه فترة وبيرجع يخرب
لوتاخذ لك قير من التشليح افضل
أحنا تونا مركبين قير لسيارة موديل ٢٠٠٠ ٤سلندر
قير ياباني مثل الحلاوة ب٢٣٠٠ ريال
في صناعية القطيف الشرقية
اشكركم ياشباب
بس يا اخوان الجيرات المعاد تصنيعها الله العالم باللي داخلها
بس الجير الي راح توضبه راح تكون القطع اصلية لانك انت الي ممكن تشتريها
واحب اهل السعودية وناسها بس انا من سكان الكويت
اذا تبي تتاكد من شغله لازم توقف معاه وتتابع كل شي بنفسك هذا احسن شي
هذه قيري قاعد اوضبه كمان بس توضيب رياضي يختلف شويا عن الي عندك بس الفكره وحد
هذه التروس الي داخل القير امس فكيتها والنحاسات
الاشياءء الي ممكن تحترب داخل القير كثير لاكن بشكل عام وحسب الي عندك
التروس هيا السبب لازم تغير التروس طبعا في الشركه حسب اخر زياره ليا
لازم تشتري طقم كامل مايبيعو ترس لحاله المهم اذا فكلك القير راح يبان اسنان التروس المعدومه
يغيرها ويغير الفحمات ويغير النحاسات ويرجع يركبه زي ما كان
الشغل النظيف الامريكي او الياباني علي قولت الشباب ينظفلك القير من جوا مزبوط ويلمعه وبعدين يزيته او يشحمه
وبعد كذا تكون حريص علي تغير زيته في الوقت المناسب
وضب قيرك ازين لك من الي في التشاليح ممكن معدومه وتخسر فلوسك والا مجدده
أنا الي خليته يركب القير مكانيكي خاص بالهوندا
والقير ياباني
والله يا اخوان رحت للقرار الي يحبذ التوضيف ومن منطلق الي تعرفه احسن من اللي ما تعرفه
واهو الحين فك الجير ويقول الكلشات مكسوره والفلتر مسكر وراح يجيب القطع من الوكالة مع فواتيرهم
يعني الرجال ان شاء الله ماعنده غش
شباب جهاز التحكم في في الطاره اكور4 سلندر 2006 يتاج تغير ضفيره ولا كيف ؟؟؟؟؟؟؟؟ افيدوني وشكرا
وضب القير وامورك طيبه ان شاء الله
قير سيارتك مااتوقع يكون معقد مثل موديلات 2003 وطالع
أشكركم جزيل الشكر لكل الاخوان الي شاركو في هالموضوع والي تصفحوه بدون مشاركة
ان شاء الله السيارة هاليومين تخلص وراح ابلغكم بنتيجة التصليح
منتدى رائع واشخاص اكثر من رائعين حقيقة
مواقع النشر (المفضلة)