وعليكم السلام ورحمة الله وبركاته
كيف تجي هذييكون شغله نظيف بدون تقطيع أسلاك وبدون محولات
إخواني الكرام أعضاء منتدى محبي هوندا..
السلام عليكم ورحمة الله وبركاته
أنا عضو جديد في المنتدى، وعندي استفسار لو تكرمتوا عن تركيب الزينون، إذا بالإمكان أحد يدلني على محل تركيب زينون للأكورد في الرياض يكون شغله نظيف بدون تقطيع أسلاك وبدون محولات "علماً إن الزينون اللي عندي 4300 كلفن، وسيارتي أكورد 2010"
وأشكركم مقدماً على تعاونكم..
وعليكم السلام ورحمة الله وبركاته
كيف تجي هذييكون شغله نظيف بدون تقطيع أسلاك وبدون محولات
أخوي أدميرال.. أقصد بالمحولات "الكتاوت" العذر أخوي تراني شايب وما أعرف وخبري قديم بالاشياء هاذي..
أخوي انا ركبت الزينون وفكيته أكثر من مره عند أكثر من محل والمحل إللي أعجبني تركيبه و شد المحولات و تحس أنه فاهم
هو محل واحد ومتخصص بالزينون فقط ما عنده شي ثاني غير زينون و اسم المحل زينون بالغرابي .
وصف المحل إذا كنت تعرف بوابة دوريات الأمن بالغرابي خلها خلفك و جهك للغرب كأنك داخل شارع الغرابي بعد ماتتعدى
بوابة الدوريات بحوالي 200 متر يجيك على اليمين و إذا ما فهمت أوصف لك من مخرخ 16 أو أي مكان تبيه .
فيه عاملين من الجنسية اليمنية ولكن قل ابي نبيل بصراحة قمة تركيبه سريع و فاهم الشغلة مع العلم إني أكره شي إسمه يماني
بس ذاك شكل خوالة فلبينيين :d
فائد المحولات ياعزيزي تخفف الضغط على الكهرباء او البطارية ..
عندك محل اسمه الامبراطور .. شغل تمام وضمان سنة ..
مركب زنون عندهم والحمدالله تمام معي
أشكركم أخواني برق ومجوودي على تجاوبكم،،
بس لو تتحملوني بعد بسؤال: هل الكتاوت ضروري لتركيب الزينون ولا لا؟!
وهل فيه تجريح للأسلاك حقت الوكالة؟
أكرر شكري وتقديري لكم..
لا كتاوت ولا تجريح بس فك و تركيب و ماتاخذ أكثر من 15 دقيقة مع شخص فاهم وبأي وقت تفكها ومركبها
لي حوالي سنه والحمد لله و فيه بعض الأعضاء من سنوات و ما اشتكى من شي بالعكس تعطي شكلي و النور
خاصة للواطي يعطي وضوح أكثر و مدى أكثر ونصيحتي فقط ركب للواطي بس ولا تخربها واطي وعالي
وكشافات تروح هيبتها من وجهة نظري والعالي حق الوكالة
روح محل تمران بالغرابي وراح تدعيلي
أشكرك أخوي برق،، والله يوفقك ماقصرت يالغالي..
طيب يخوي خليتك تسمع آراء الأخوان والحين خذ مني العلم <<< أخس يحركات هههه
الزنون طبعا فكرة عمله بغاز Xe وهذا عشان يشع يحتجله فولتيه عاليه تصل ألى 20 ألف فولت أو 30 ألف على حسب طبعاً
<<< يعني كهربت بيتكم 220 فولت , أتخيل زنونيك كهربته فوق الـ 20 ألف فولت :d
فأرى أن المهم في الموضوع السعي وراء شركة محولات ممتازه وأيضاً لمبات من الدرجه الأولى ولا مانع أن تكون صينيه ولاكن درجه أولى
أما موضوع التركيب ما يبغالها واحد ماخذله شهادة دكتوراه من الفلبين :d
كل الي في الموضوع أن فيش بدل ماحينشبك في اللمبه القديمه حينشبك في المحول , والمحول يخرج سلكين لمصباح الزنون
والمحول طبعاً وظيفته يحول الفولتيه من 12 فولت تقريبا ألى 20 ألف فولت أو حولها
أنا أقلك أهتم بنوعية المحول لأن في أنواع بعد فتره يبغالك تطفي اللمبات وتشغلها كذا مره عشان يشتغلو الأثنين ( أو بالأصح أنت وحظك )
وأنا ركبت الزنون بنفسي مع صديقي الصدوق الثاني* محمد بن عبد العزيز طيب الله ثراه
وشي طلع أحد المحولات يومتها خربان فأستخدمنا محولات ثانيه غير متناسقه مع لمبة الأكورد
وعملنا توليفه خارجيه عشان لانقطع أي سلك (^_^) , وكان الجدل كله عن سعر أيجار محولات حمودي بكم الثانيه حقته تطلعلي
ولله الحمد بعد شهر أو أكثر طلع الأيجار مدفوع التكاليف
الخلاصه في التركيب :
أهم شي تثبت المحولات في مكان جيد (^_^)
* لاتسألوني عن الأول شكله زعلان مني هاليومين :(
مواقع النشر (المفضلة)