^^^
في اي مدينة طيب؟؟
اذا كنت من جده انصحك بمؤسسة محمد حمود البقمي معروفين بجدة بالهوندا اكورد .. والهوندا بشكل عام
^
طيب وش فرقه عن اذا اخذتها مباشرة من الوكالة؟
كم كان سعره وكم كان سعر الوكالة؟
طيب وش الاشياء اللي لازم انتبه لها عند الشراء؟ الملحقات اللي تجي معها؟ اي شيء تحس انه مهم او ذكرته بعد ما طلعت من الموزع وحسيت انه فاتك ما سالته او طلبت منه؟
ترى اول مرة اشتري سيارة وغشيم بهالامور شوي :d
ههههههههه :d وسع صدرك
اول شيء الملحقات اللي تجي مع السيارة بتلقاها في الشنطة
شنطة اسعافات وفيها الشماسه وميداليه عليها شعار عبدالله هاشم
وبتلقى الدعاسات الأصلية مغلفة في كيس من الوكالة برضوه في شطنة السيارة
وشيك على الأستبنه والعفريته وباقي العدة بتلقاها مرتبه في الفلين اللي جنب الأستبنه وتأكد من كتالوج السيارة في الدرج اللي قدام الراكب وبيعطونك كتيب الضمان والصيانة
واهم شيء انتبه وقت استلام السيارة ترى الواحد من الفرحه ذاك اليوم كنه عميان :d ماينتبه لبعض الدقشات اللي تجي أحيانا في السيارة بسبب الشحن عشان كذا حاول يوم استلام السيارة تروح في النهار وخذ لفه على السيارة وتأكد ان مافيها شيء ومايمنع تاخذ احد معك يمكن يشوف شيء انت ماتنتبه له :d
انا يوم استلمت سيارتي كان فيها حكه بسيطه في طرف الصدام ما انتبهت لها إلا يوم وصلت للبيت وطبعا كنت رايح استلمها لحالي :o
ومبروك مقدما .. الله يعطيك خيرها ويكفيك شرها
الله يبارك فيك عزيزي عزيز :d
والله يتمم على خير
كاني كتبت رد بس مدري وين راح :(
ياصاحب الموضوع عندي سيارة اكورد 2010فل كامل مقاعد جلد طلعتها على الزيرو قبل شهر ونصف مشيت عليها 8000 ابيض لولي انايلون مازال فيها لم يتقطع الى كرسي الراكب لا اقول اخت الجديدة بل هي جديدة فعلا
ومارح تخسر اذا اشتريتها بدل ماتشتري جديد. راح تفرق لصالحك فل كامل بدل ما تاخذ اسبيشل
اذا انك حاب تتواصل معي ارسل لي ايملك ارسلك رقمي
اولا السيارة ما تنعاب معروفة الاكورد واني لحد الان متردد ابيعها وشارط سعر طيب عشان يروح التردد بصراحة سيارة قوية وتخدم في الخط وفيها مميزات جدا رائعة لا احد يقول اوريون او غيرة
ولاكن السيارة صغيرة على عائلتي قبل ماشتريها كنت اقول انا وزوجتي واطفلتي تكفينى الاكورد ولاكن راح عن بالي ان امي واخواتي دائما اخذهم معي في رحلاتي وقررت اشتري بدالها اكسبلورر عشان تتسع لنا السيارة ولاكن لوكنت انا وزوجتي فقط ما افكر ابيعها بعد ماجربتها
اذا حاب تعرف السعر افضل ان يكون بـاتصال مباشر افضل وحتى كمان تشوف السيارة
وهذا ايميلي ارسلي ايميل ارسلك رقمي hani1398@live.com برجا الاسراع لاني امكن راح ابيعها قبل يوم الجمعة
يا جماعة ولله الحمد
استلمت السيارة و الصوت اللي كان بالكفر خلاص راح
قالو الشركة انهم غيرو الهيدروليك شفت و ركبو نوعية افضل لانو النوع اللي كان قبل كان في مشكلة في بعضهم
و بصراحة الشركة بدلوه على الضمان يعني ما دفعت ولا شي
و ثاني يوم استلمت السيارة
والمعاملة رائعة جدا
الحمد لله
لانك صراحة خوفتني بس الحين رجعت طمنتني
وش رايكم ياجماعة اتوكل على الله واشتري اكورد ؟
ارسلت لك حدي في السيارة وكمان رقم جوالي
وانت ماشي في الدائري الشرقي ووجهك شمال كأنك تبي المطار بيجيك مخرج 13 اللي هو خريص تعداه وبعده يجيك مخرج 12 ادخل الخدمة بيجيك العمودي على اليمين قبل الإشارة واذا ماني غلطان جنبه شقق مفروشة
هذا الوصف اللي اذكره لأني شاري منهم سيارتي قبل 6 شهور تقريبا ومن زمان مامريت من هناك :o
ولا تنسى الفرره بالسيارة هههههه :d
تسلملي يالغالي والله امزح معك الله يعطيك خيرها ويكفيك شرها
وبالنسبة للوصف انا قلت ان العمودي في مخرج 12
لا صار في مخرج 11 بس انا كنت مضيع شوي :o اليوم دقيت على واحد في الوكالة وعطاني الوصف معليش كاني ضيعتك معي هههههه
وبالنسبة لتجربة الست شهور مقارنة بتجربتي للـ 2007
انا اشوف ان الـ 2007 من ناحية جودة الصناعة افضل بكثير من الـ2008 وطالع بس عاد وش نسوي شرينا 2009 واللي كان كان :d
واكثر شيء مبهذلني فيها الحين صوت الفرامل
تخيل من مشت السيارة 5000 وبداء يطلع صوت الفرامل :(اذا هديت طبعآ و وديت السيارة لتشييك العشر آلاف وقلت لهم عن المشكلة وللأسف ماتغير شيء لين الحين نفس الصوت
مع اني مابديت اسمع صوت الفحمات في الـ 2007 إلا يوم مشت 30,000
كلامك ما شاء الله يبشر بخير :d
مر علي في المنتدى مشكلة صوت الديكور (اكره صوت عندي يوز براسي وز ) والحين طلعت بصوت ثاني احبه بعد صوت الفرامل اذا هديت :(
انا ركبت 2006 واعرفها بس ما لاحظت مشكلة الديكور!
بالمناسبة انا سمعت ان قطغ غيار 2008 وفوق ارخص من 2007 وتحت صحيح هالكلام؟ اذا كان صحيح وش السبب؟ هل هو بداية خنبقة بالجودة؟
صحيح قطع الغيار حقت الـ 2008 وطالع ارخص من الـ 2007 ونازل
سمعت ان الـ 2008 وطالع قطع غيارها فيها تخفيض من المصنع تقريبا 40%
وبيني وبينك كان معي 2007 ذبحتني بالصيانة وقطع الغيار اسعارها نار
بس بعتها والحين معي الملكة 2009 الله يعطينا خيرها ويكفينا شرها
^
أتمنى أن التخفيض هذا عادي وليس على حساب الجودة! :(
والله يعطيك خير سيارتك الجديدة ويكفيك شرها
بالتوفيق
مواقع النشر (المفضلة)