الموضوع: صوت غريب والسياره بارده

عندي اكورد 6 سلندر2007 عندما اشغل السياره والسياره بارده في صوت عند السيور زي كذا ( أررررررررر) إلين تسخن السياره يختفي هذا الصوت ما أدري هل هو من سير التيمن ولامن طرمبة الدركسون لأن فيه ايضا تهريب خفيف من لي الدركسون إلي فوق المكينةوسألت عن سعره رخيص مرررره 1050 ريال نرجو من أخواننا إلي عنده خبره أو صار له نفس المشكلة إفادتي مشكورين.

ياهلالالالالالا والله

فديت قلبك يابعدي سيم سيم

وشوف انا حاط الموضوع نفس الخراب الي عندك

http://www.hondaarabia.com/club/showthread.php?t=37590

هذا الموضوع

هذا الصوت الي تقول يابعدي

http://www.4shared.com/file/kPFu9fzA/000.html


حملو واسمعو وعطوني وش الخراب تكفووووووون ومع دقت السلف بووه صووت ياليت حد يفيدني عن الصوتين

المشاركة الأصلية كتبت بواسطة عمري الأكورد

هذا الصوت الي تقول يابعدي

http://www.4shared.com/file/kpfu9fza/000.html

حملو واسمعو وعطوني وش الخراب تكفووووووون ومع دقت السلف بووه صووت ياليت حد يفيدني عن الصوتين

طيب أخوي وش سويت عشان راح الصوت صلحت فيها شي ولا لا

المشاركة الأصلية كتبت بواسطة بلال العلمي

صوت قرقعة في المحرك بالطريقة هذه يستلزم انك تسوي وزن للبلوف

طيب بلال

واذا قلت لك الصوت يرروح بعد التسخين لكن بعد ماامشي اسمع صوت نفسه بس بشكل خفيف ..

تتوقع بروضو حلها وزن للبلوف .؟؟

المشاركة الأصلية كتبت بواسطة بلال العلمي

صوت قرقعة في المحرك بالطريقة هذه يستلزم انك تسوي وزن للبلوف

أخوي بلال اشكر مرورك ولكن والله ما أدري وزن بلوف والبعض يقلي ممكن سير التيمن وهل فيه ورشة جيده توزن البلوف وهل هي طريقة سهلة ولا لازم توزنها في الوكالة وكم تكلف تقريباً ؟

المشاركة الأصلية كتبت بواسطة بلال العلمي

كل 100000 كيلومتر لازم توزن البلوف وتغير سير التايمن

وزن البلوف قيمته 270 ريال في الوكالة ولا تسويها في غير الوكالة لان عندهم المعيار الصحيح من المصنع وماسربوها لاحد وواحد بس هو اللي يسويها في الوكالة

المشاركة الأصلية كتبت بواسطة بلال العلمي

سير التايمن تقدر تسويها برة وسهلة وبسيطة

بيض الله وجهك

تسلم يالغالي ماقصرت وربي كفيت ووفيت

بيض الله وجهك مشكووووووووورين يالغااااااااااالين

جد مالكم حل يامحبين هوندا هههههههههههههههه

ابو هشام هذا الصوت طبيعي تسمعه عند تشغيل السياره في الصباح
انا من سنين اسمع هذا الصوت عند التشغيل بس الامر طبيعي جدآ
لاتقلق و لا توسوس

المشاركة الأصلية كتبت بواسطة عبودي 2009

ابو هشام هذا الصوت طبيعي تسمعه عند تشغيل السياره في الصباح
انا من سنين اسمع هذا الصوت عند التشغيل بس الامر طبيعي جدآ
لاتقلق و لا توسوس

أخوي عبودي مشكووور لمرورك ولكن الصوت مو طبيعي وكان يتزايد هذا الصوت من شهور إلى الآن أصبح الصوت أقوى ما أتحمل وجوده

مثل ماقال بوهشام

هل السير ولا البلوف افيدونا يالربع نبي حد متاكد

شباب للمعلومية وانا امس متأكد منها ان الاربعه سلندر يجيك جنزير حديد والسته سلندر يجيك بلاستك

المشاركة الأصلية كتبت بواسطة ابوعليان

شباب للمعلومية وانا امس متأكد منها ان الاربعه سلندر يجيك جنزير حديد والسته سلندر يجيك بلاستك

ابو عليان انا سمعت ان الاكورد من موديل 2003 وانت طالع كلها جنزير صح الكلام هذا ؟؟

المشاركة الأصلية كتبت بواسطة ابوعليان

شباب للمعلومية وانا امس متأكد منها ان الاربعه سلندر يجيك جنزير حديد والسته سلندر يجيك بلاستك

أخوي أبو عليان الستة سلندر يجي جنزيرها بلاستيك عشان مكينتها أقوى من الأربعة سلندر يعني لو حطو حديد في الستة سلندر ممكن يتكسر جوة المكينة

سبحان الله نفس المشكله
وداخل اكتب الموضووووع
تراني فكر ابيع الموووتر والسبه الصوت
ماني فاضي خساير

صدقني المشكله الي عندك من طرمبة الدركسون وسبق ومرت علي لزم تسكر التهريبات الي عندك , والبلوف ما تحتاج لوزن ولا اي شي إلى إذا انت فاك الراس ومسوي له خرط ولا شي , فلابد من وزن البلوف , وأما بنسبه للجنزير قبل لا يتلف تولع لك لمبة الحساس حقه في الطبلون وهي على شكل صورة مكينه

ننتظر كلام ابوهشام

وإن شاء الله خير

بوهشام يالغالي

مارديت علينا يالغلا

إن شاء الله ضبطت السياره

اعتذر على التأخير لأن السياره كانت في الورشة وذلك بعدمعاناة دامت لمدة اسبوع وقصتي طويلة مع هذي الورشة ولكن الحمدلله العملية نجحت بسلام وباختصار شديد إليكم التقرير التالي عن الخراب إلي معي :
1- تم تغيير لي الدركسون لأنه كان فيه تهريب وقيمته 923 ريال عشان ما تخرب علي العلبة بأكملها وقيمتها 3000 ريال بعد الخصم
2- تم تغيير سير التيمن مع الشدادات الثلاثة وتكلفة القطع 1250
شغل اليد لما سبق 250 ريال
أما بالنسبة للصوت إلي عندي لم يكن من الأشياء السابقة وتم اكتشافه عندما قام المهندس بتركيب سير التيمن الله يجزاه خير
سبب الصوت كان من كرسي المكينة الأيمن إلي عند طرمبة الدركسون كان معدوم بالمره لدرجة كانت الحديدة إلي في وسط الكرسي تحك في حديد محيط الكرسي مما يجعله يسبب هذي الطقطقة ويسبب روائح مثل الكربون عند تغيير النمرمن كثر الاحتكاك فقلت ابأغيره وكالة فقالي المهندس لا تغيره لأنه حتى لو غيرته راح يخرب عليك قلتله ليه قال لأن الكراسي الباقية عندك منتهية وهي الأهم فراح يخرب عليك هذا الكرسي نصحني أشتري واحد صيني نوعية طيبة ومرنه على بال ما أغير طقم الكراسي طبعا عشان ضروفي الآن ما تسمح لتغييرها قمت وركبت التجاري والحمدلله الآن اختفى الصوت تماماً وذهبت الروائح وآسف على الاطالة .

بيض الله وجهك حبيبي

طيب بالنسبه للصوت طلع مو من التيمن

الكراسي بكم اخذتهم يالغالي وكم ركبهم لك فديتك ياليت تفيدنا ؟؟