احلى تلميع

**وافي** · 28-07-2010, 02:44 PM

اخواني الكرام

اسعد الله ايامكم بكل خير ،،،

ارجو من الاخوان الى في الدمام او الخبر ولا يهونون الباقين يوصفون لي افضل محل للتلميع .

عندي اكورد فل جلد ، وابي تلميع ممتاز خارجي وداخلي .

يعطيكم العافية جميعا ،،،،

**salamify** · 28-07-2010, 03:30 PM

أخوي فيه محل في الدمام اسمه shiny جدا بطل وأعتبره الأفضل بلا منازع ولكن سعره شوي غالي..

المحل وانت متجه لكورنيش الدمام يجيك سنتر بوينت على يسارك تتعداه وبعدها تجيك اشارة .. المحل موجود بعد الإشارة عاليمين في محطة بنزين ولازم تحجز قبلها بوقت لأنهم زحمة.. جرب روح لهم وشوف شغلهم في السيارات اللي عندهم وبيعجبك شغلهم إن شاء الله..

**حميد** · 28-07-2010, 07:34 PM

كار كير اكسبرس , بتدعيلى وربي احتراف

**وافي** · 30-07-2010, 11:14 PM

الاخ salamify

مشكور والله يعطيك العافية

المشاركة الأصلية كتبت بواسطة حميد

كار كير اكسبرس , بتدعيلى وربي احتراف

اخوي حميد مشكور على الرد والله يغطيك العافية

ياليت العنوان اذا تكرمت

**المباشر** · 31-07-2010, 05:00 AM

المشاركة الأصلية كتبت بواسطة وافي

الاخ salamify

مشكور والله يعطيك العافية

اخوي حميد مشكور على الرد والله يغطيك العافية

ياليت العنوان اذا تكرمت

اذا ماني غلطان

طريق الكباري تمسك خط الخدمة اذا صار الدي اتش ال على يسارك وانت واقف عند الاشارة الدي اتش ال تشوفه يسارك المهم تكمل طوالي بعد الاشارة بشوي بتشوفه على اليمين

او وانت جاي من الجبيل مثلآ تمسك خط الخدمة وتوصل للأشارة اللي قدامك على اليمين الدي اتش ال تاخذ فوق تحت قبل الاشارة او الافضل مع الاشارة علشان مايحكرونك السيارات اللي جايه وتشوف المركز على يمينك

**وافي** · 05-08-2010, 03:12 PM

المشاركة الأصلية كتبت بواسطة المباشر

او وانت جاي من الجبيل مثلآ تمسك خط الخدمة وتوصل للأشارة اللي قدامك على اليمين الدي اتش ال تاخذ فوق تحت قبل الاشارة او الافضل مع الاشارة علشان مايحكرونك السيارات اللي جايه وتشوف المركز على يمينك

اخوي المباشر جزاك الله خير على الرد
بس العنوان الثاني مافهمته انت تقصد اشارة دله الى عند سوق الغنم .. والدي اتش ال اي واحد تقصد الى في الدمام .

الله يعطيك العافية