انقبلت وبشتري سياره
السلام عليكم ..
اليوم الحمدلله قبلوني الجامعه وقررت على السياره
اكورد فل 4سلندر
بس ابي اعرف
كم السعر حاليا في الوكالة ؟
وكم السعر في المعارض ؟
المشاركة الأصلية كتبت بواسطة متألق
المعرض ارخص من الوكاله بس مايفرق كثير يعني بيكون الفرق 5000 ريال ونصيحه انك تبعد عن المعارض انا ولد عمي ماخذ من معرض بالشفاء حصل السياره مشلحه لمبات اللوحه الخلفيه مافيه ودفتر الضمان مو فيه ومفتاح العجل ... يعني اذا بتاخذ من معرض روح لمعرض الفلاح هوا اضمن شي .. وعلى البركه مقدما ويعطيك خيرها ويكفيك من شرها .
انا شفت العنوان غلط :d
( انقلبت وبشتري سياره ) << اعذرني توي صاحي :d
ان شاء الله الشباب يفيدونك
^^^^^^^^^
مثلك انا بعد على بالي منقلب
بس يوم شفت جامعه صرت زي هذا >> :d
بعض المعارض يقولك روح استلمها من الوكاله وبنفس السعر المعارض يعني فرق 5الاف او 6 ..
موفق
مبررروك دايمن الدوافيـر ما يأخذون إلا اكورد :d<<<<<<طبعن انا حاله شاذه وماينطبق علي هالشي
الزبده مبرروك ياشنـب ولا تتفاولون على الرجال ههههههههههههه انقلبت وما ادري ايش
وترا بيني وبينك السيارات حظوط عشان كذا اقول لك الله يبارك لك في إلي بتأخذه سوا من المعارض او من الوكالـه
اخوي رح لمعارض الشفاء فيه معرض اسمه القحطاني للهوندا وكيل معتمد ويبيع ارخض
سعر السياره فل 4 سرندل 94 الف ريال صافي مع اللوحات والتأمين
واذا جيت تاخذ السياره قلهم يعطونك الاكسسوارت تبعاته اللي هي قلم وشماسه .... الخ
والله يعطيك خيرها ويكفيك شرها يارب
يا شباب .. اليوم سألت كم واحد من عندنا معهم اكورد الجديده وكلهم مانصحوني
قالوا غير مريحه ..
<< وانا حاليا بـ ادرس في الدمام يعني لازم من السياره المرحيه
واحنى عندنا كامري 2007 و و الله عاجبني و مررريح مرّه
الظاهر اني بـ انوي على الكامري
بالنسبة للمدينة غير مريحه ابدا خصوصا في الطرق الي فيها حفر ومطباات
بتتعبك مره مره قاااسيه
بس بالخط الاكورد ماتتقارن بالمنافسين
سيارة جدا مريحه
ومافي مقارنه بينها وبين الكامري
ونصيحتي لك روح استاجر اكورد يومين وجربها
واذا ماعجبتك خذ الكامري رغم انه مافي مقارنه بين الاثنين
لا تخيب ظني فيك خذ اكورد :(
ياشباب من وين تقولون خمس الاف
لا والله الصراحة الفرق الي شفته عند الفلاح وعند سناح عن الوكالة من 1500 لــ 2500
ولاحظت ان سناح ارخص من الفلاح
ياشباب والله مشكلة الوالد للحين موهقني يقول اصبر شوي اجيبلك موتر مدين ولا حصل
يعني المدين كم بيفرق
بكرة اتفاهم معه
هو حصل جلد بس يقولي الجلد مو مرغوب
الوالد عليه طلعات بعض الاحيان
هههه
بس على فكرة حتى انا ما ابي جلد
و ان شاء الله اني متسمر على فكرة الاكورد 90 بالمية
مع اني اقتنعت بالليجاسي بس من بيصلحها لك اذا خربت
جرب كلا السيارتين وبتشوف الفرق
اركب كامري واركب اكورد وبتلاحظ الفروقااااااات
من اكورد لي كامري
راجع حساباتك
اول شي مبروك والله يوفقكـ بالجامعه
وانا عندي اكورد ابيض عاديه احتمال اعرضها للبيع موديلها 2009 ماشيه حول 16الف اذا لك نيه تشوفها كلمني على الخاص افكر اني اعرضها للبيع وانت اول واحد بلغته والله يوفقك على كل حال
ضوابط المشاركة
رد مع اقتباس
مواقع النشر (المفضلة)