150 كم :( !!
أسرع خط عندنا في السعودية مسموح به 130 كم .. يعني ماله داعي الزيادة وأضمن لك تروح الرجة
بالنسبة للرجة والسيارة بـ d شيك على كراسي الماكينة
ياليت توصف لنا الصوت ومتى يطلع معك وهل يزيد وأو يقل مع المشي
السلام عليكم ورحمة الله وبركاته
كيف الحال؟؟
والله انا عندي اكثر من مشكله في السيارة وتعبت منها والله خلاص
واتمنا انكم تساعدوني في حلها
اول مشكله لما امشي في الخط واسرع يعني حدود 150 احس السياره تبدا ترج وكلما سرعت زياده تزيد الرجه
ثاني مشكله لما اكون واقف ومعشق السياره على d احس فيها رجه خفيفه
ثالث مشكله عندي صوت الغريب جهة الكفر الخلفي اليمين رحت اكثر من ورشه
قالو يمكن الرومان بلي شيكو عليه قالو ما فيه شي
قالو اكيد كفرااات مافي غيرها
غيرت كفرات جديدة وبرضو نفس المشكله
ياليت القا احد يعطيني حل لمشاكلي
وانا عارف اني طولت عليكم واعذروني
والله يعطييييييكم الف عاااااافيه
150 كم :( !!
أسرع خط عندنا في السعودية مسموح به 130 كم .. يعني ماله داعي الزيادة وأضمن لك تروح الرجة
بالنسبة للرجة والسيارة بـ d شيك على كراسي الماكينة
ياليت توصف لنا الصوت ومتى يطلع معك وهل يزيد وأو يقل مع المشي
واالله انا بعد عندي نفس المشكلة وتعبت الرجة والصوت في الكفر اليمين ومادري ويش الحل
طول بالك أخوي وماله داعي تتعب على أشياء ما تستاهل يعني الرجه سهله وقد صارت لي من شهر سو لها ترصيص أرضي وأنشاء الله تروح الرجه والرجه وانت واقف اتوقع كراسي المكينه والصوت افادوك فيه الأخوان..وبتوفيق اخووي
بنسبه لرجه أما أن الجنوط تجاريه أو أنها حصل لها ظربه قويه
يعني سوي ترصيص ارضي وإنشاء الله ينضبط الوضع
بنسبه لهذا الصوت من الكفرات أكيد عريضه شوي أنصحك تركب نفس مقاس الوكاله
ورح يخف الصوت , وانتبه من النقشه الرياضيه ترها تسوي صوت , اما الرجه
فهي أحد الحاجتين أما كراسي المكينه وهو احتمال ضعيف وعلشان تتأكد إذا هي سليمه ولا تالفه
عشق السياره بي d ودوس بنزين وانت ما سك بريك خلي واحد يناظر للمكينه إذا تنشد لفوق أعرف
أن الكراسي تالفه وجرب بالريوس بعد إذا صار المكينه ما تتحرك اعرف الكراسي سليمه
الأحتمال الكبير حساس الأكسجين المعروف( بحساس الشكمان) فهن أثنين في الشكما واحد بي 400
ريال والثاني ب1000ريال تقريباً , وديها لأي واحد يفحص لك بالكمبيوتر ويقوالك أيهم الخربان
وعلى فكره إذا كان الحساس الي خربان رح تلقى صورت مكينه مولعه عندك في الطبلون
وما عليش على الأطاله لكن أنا حسيت ان حل مشكلتك عندي وبغيت أفيدك , الله يوفقك
اخووي ايه الجنوط مو جنوط بلدها انا مركب الجنوط تجااااريه طبعا
طيب كم مقاس الكفر حق الوكاله انا سيارتي اكورد 2006 v4 مو فل اللي تجيك فتحه واتوماتيك
وبالنسبه للرجه ما تطلع عندي لمبه الماكينه في الطبلون
يعني غالب الظن انها كراسي ماكينه صح؟؟
بس حبيت اسالك كراسي الماكينه تتصلح ولا لازم جديده؟؟؟
معليش اخوي اعذرني كثرت اسئله
ويعطييييك الله الف مليوووون عااافيه على الرد الكافي و الوافي
مواقع النشر (المفضلة)