مشكلة بالمكيف

**مجوووودي** · 30-07-2010, 10:19 PM

السلام عليكم ..

كيفكوووون شباب ..

نخوش بالموضوع ..

شباب عندي مشكلة

اذا شغلت المكيف يطلع صوت خشن يعور القلب :(

زي كذا خش خش خش

والصوت عند المراوح ..

احد يعرف السبب يفيدني ..

طلعت عندي المشكلة اليوم ..

صرت مااشغل المكيف

اخاف تزيد المشكلة

احدي يفيدني

**احمد 182** · 30-07-2010, 10:51 PM

مجودي لايكون فيه كيس ناشب ولاشي افتح الكبوت شف ورد لنا خبر نستناك.....

**مجوووودي** · 30-07-2010, 11:04 PM

من وين يدخل الكبوت مسكر ومن تحت مسكر

**احمد 182** · 30-07-2010, 11:16 PM

طيب افتح الكبوت شف وش السالفه يمكن قطو

:d

**مجوووودي** · 30-07-2010, 11:20 PM

فتحته مافيه شي احرقت وجهي الحرارهـ

**احمد 182** · 30-07-2010, 11:25 PM

ماتشوف شر يالغالي ...
والله ماودي افتيك لكن الي اقدر اقوله انك تخليها الى بكره وتشوف يمكن يروح الصوت واذا ماراح الصوت روح للكهربائي ممتاز <<<مسوي عطيتك حل:d.
تقبل مروري

**الشمــــالـــي** · 30-07-2010, 11:27 PM

اووما قطوو :d

والله حتى انا طلعلي صوت من المكيف البارح بس لما اكون امشي 140 وفوق

**King** · 31-07-2010, 12:49 AM

لحظه شوي فيه فرق بين صوت من الكمبرسور وفيه فرق بين صوت الفتحات << شلون

انا أعلمك شلون.

قبل فتره واحد نزل موضوع يشتكي من صوت المكيف لكن طلع بالنهاية صوت الرداد حق التهوية الخارجية
وسبب مشكلتها هي : فتحها على سرعات عاليه وهذه مجرد بلاستيك مايتحمل الهواء والضغط كذلك فتحة السقف ماتفتح على سرعات عاليه او منخفضة.

شوف إذا تبي تعرف المشكلة من الكمبرسور شغل المكيف واقعد قدام المحرك وشوف الصوت يطلع لك ولا لا , إذا طلع لك الصوت حاول انك تحدد مكانه عشان تعرف المشكلة من وين يمكن من السير يمكن خلل بالكمبرسور.

^^
حلول مبدئية قبل لا تروح الكهربائي عشان تعرف كيف توصف له المشكلة وتحددها.

**aen alshqa** · 31-07-2010, 12:55 AM

السلام عليكم ..

صارات معي قبل فتره ..

وطلعت .. في قرطاس في مروحة فلتر المكيف ..

افتح الدرج > طلع الفلتر > دخل ايدك تحت > تلقى مروحة يمكن يكون فيها شي ..~

**King** · 31-07-2010, 01:19 AM

^^^

هذه نقطة نسيت اذكرها

لا تنسى تطفي المكيف وقت التشييك على الفلتر , خصوصا ً لما تدخل يدك بالمنطقة حقت المروحة!.

**الشقاوي** · 31-07-2010, 01:36 AM

ممكن يكون الفريون الي تعبي لسياره تجاري تراء أكثر الكهربائيه يغشون الناس ويقول لك فريون

أمريكي وهو تقليد وبعد كم يعدم عليك الكمبرسر ويخليه طلع صوت ( صرير ) وهذا أحتمال

**King** · 31-07-2010, 02:09 AM

حبيت اوضح لك الحاجة إلي راح تتعامل معاها عشان تعرف وين مكان المروحة.

(FR تعني المقدمة)

طبعا ً انت ماراح تفك كل هذه القطع وتشوف المشكلة , هذا في حال ان الصوت موجود بالمروحة او من جهة فلتر المكيف. طبعا ً اول ماتفك فلتر المكيف << وطريقة الفك سهله

اول ماتطلع الفلتر راح تشوف المروحة تجي مثل العصارة حقت العصير :d << مشتهي عصير برتقال لحد يلوم :o

**مجوووودي** · 31-07-2010, 10:21 AM

يعطيكم العافية نفر تلو الاخير ..

انا رحت للورشة اليوم ..

ماشغلت المكيف الين وصلت الورشة ..قرف حر :(

واشغل المكيف ومايطلع صوت

دائما تصير معي لازم اتفشل عند الورشة

وشرحت له الموضوع ..

شوي ضرب الاديتر ويطلع الصوت :d

قلت ايه ايه هذا ..

قال هذا دينمو المروحه ..

قلت كم سعر

قال جديد بـ700

ومستعمل ممكن 200

قال لازم غير ممكن يوم يومين وقف دينمو بعد يطلع حرارهـ

تهقون احصل بالتشليح دينمو

مشكلة تطلع لك مشكلة تروح للورشة وقت الطفرهـ يعععع

**كوكو2008** · 31-07-2010, 11:26 AM

جديد مهوب بـ 700 :o
اذكره بالوكاله تقريبا بـ 900 وعليها وبعد الخصم يصير بحدود 800 وعليها .. :d
لكن ماانصحك بالتشليح ركب جديد وريح راسك سنين ان الله عطانا عمر

وابعد ابعد عن التجاري ... رخصه ماجاء من فراغ .. وراح تتكلف كل فترة مروحه .. لان التجاري على قولة اخواننا السوريين .. شختك بختك .. ان ضبط ضبط والا كل شوي بتبدل ... :(

**مجوووودي** · 31-07-2010, 11:29 AM

كوكو فرقت 100 << ايه تفرق :d

يني انا اقول يمكن احصل شي نظيف واخذ عليه تعهد اذا مانفع او مو نظيف ارجعه

**كوكو2008** · 31-07-2010, 12:08 PM

والله يالغالي آخر الشهر ريال يفرق معك ... :d اول نقول نشتري بالريال بيبسي واللحين البيبسي بريال ونص ؟؟؟ :d

**King** · 31-07-2010, 02:00 PM

شوف ماجد اتوقع لو تغير فحمات الدينمو يضبط معاك وحسب المعلومات الموجوه بالروابط اسفل ان تغيير الفحمات للدينمو الواحد بـ 80 ريال يعني اثنين بـ 160 ريال << اشوف السعر مناسب وحل ممتاز وسبحان الله ممكن تدوم معاك.

http://www.hondaarabia.com/club/showthread.php?p=401520

http://www.hondaarabia.com/club/showthread.php?p=383828

http://www.hondaarabia.com/club/showthread.php?p=384017 << فيه رد لي عن تشييك الدينمو

وهذا موضوع شامل لتغير قلب الدينمو وشرح بالصور صراحه الموضوع متعوب عليه وفيه الفائدة
http://www.hondaarabia.com/club/showthread.php?t=36101

خذ لك فره على هذه المواضيع إن شاء الله تطلع بحل مناسب لك وبشكل دائم "كالحل الذي دكرته لك"

-------------

وهذه طريقة لتنظيف المروحة المكيف داخل السيارة

صورة حية للمروحة << تقدر تجيب منفاخ الهواء المضغوط حق البناشر وتنظف الغبار
بس لا تتهور وتخرب الوضع من بعيد البعيد.

موضوع مفيد و ظريف :d
http://www.hondaarabia.com/club/showthread.php?p=382901

**مجوووودي** · 31-07-2010, 02:24 PM

بعد ماقريت المواضيع ..

والردود ..

كلهم يعانون من ارتفاع الحرارهـ

انا الحرارهـ الحمدالله تمام ..

المشكلة فقط في الصوت الخشن في المراوح خاصتاً اذا شغلت المكيف يزيد الصوت ..

بجرب تغير فحمات الدينمو لعل وعسا يفيد ..

يعطيك العافيه معاذ ماقصرت ..

**أغـار يا هـوندا** · 31-07-2010, 02:54 PM

طيب مجووودي شوف موضوع خوينا اللي يبيع من تشاليح بريدة يمكن يلاقي لك اللي تبيه ,,

**مجوووودي** · 31-07-2010, 02:57 PM

والله مو شينة

ارسله الحين :d

بشوف كم يحسبها لي

**مجوووودي** · 02-08-2010, 11:11 AM

شباب لقيت عند خوينا اللي من بريدة

حصل بس يقول مايبيع التشليح الا دينمو مع المروحه ..

الرجال يقول نظيفه ع الشرط ..

وسعرها 650 ريال ..

وش رايكم .؟

**دغري** · 02-08-2010, 01:06 PM

توكل على الكريم واشترى من الاخ اللي من بريده

**احمد 182** · 02-08-2010, 01:10 PM

طيب كم سعره جديد ....
شوف الرابط هذا يساعدك....

http://www.sfhatk.com/vb/t14255.html

**مجوووودي** · 02-08-2010, 01:21 PM

دغري يعطيك العافية

احمد182 الف شكر .. اتصلت على واحد قال عندي بس يسار والحست :d

قال يسار عندي ب200

شسالفه

طلع الدينمو ثنين يمين ويسار

وراعي الورشة ماقال لي يمين او يسار :(

وش ذي الوهقه

واتصلت على واحد بالحائر اعرف رقمه .. قال عندي نظيف انت بس تعال ولا يهمك ..

قال 250

قال المراوح مالها دخل .. يقول خربانه عندك متكسره قلت لا .. قال اجل بس دينمو ..

**احمد 182** · 02-08-2010, 01:30 PM

طيب اتصل بالورشه وقلهم وش الخربان ...
يارجال انت دينمو مروحه وانا سلف ...
دقيت على واحد امس بالليل سألته عندك سلف اكورد 2005 قالي قلتله بكم قالي 400 ورحتله اليوم ابي السلف
قالي او احسبك تقول سلف كابرس ...