الموضوع: كيف تتصرف اذا انصلخ عليك الكفر

[ame]http://www.youtube.com/watch?v=DCKriK6-vWo&feature=related[/ame]

1- أهم شي تصرف السائق بعد ضربة الكفر (مهم انه يكون ماسك الطارة باليدين بأقوى ماعنده + مايلمس الفرامل + مايشل رجله عن البنزين فجأة)

2- حالة ووسع الطريق (يعني هل الطريق مبلول أو ناعم أكثر من اللازم...وهل الطريق عرضه يكفي للتحكم في السيارة عند فقد السيطرة...لأن اذا دخل على التراب صعب يتحكم)

3- مقاس الجنط يفرق كثير (يعني السيارات اللي يكون جنطها صغير وكفراتها عالية مثل الجيوب والسيارات العادية تكون الخطورة كبيرة لأن السيارة يختل توازنها وتنزل من جهه الكفر اللي ضرب مسافة كبيرة...ولكن السيارات الرياضية تكون جنوطها أكبر وأعرض وارتفاع الكفر أقل يعني لما يضرب الكفر تنزل السيارة شوي وما يتأثر توازنها بشكل كبير)

4- هل الكفر ضرب وبقى في مكانه أو انه انسلخ وطار عن الجنط. (لأن الكفر لما يبقى في مكانه ممكن يعطي شوي تحكم للسيارة...ولكن اذا انسلخ وطار فالجنط راح يكون قاعد يتزلج على الإسفلت بدون تحكم)

5- سرعة السيارة تعتبر من أهم العوامل (إلى 120 ممكن تسيطر على السيارة بسهولة , إلى 160 ممكن تفقد السيطرة شوي واذا حالفك الحظ ترجع تمسكها, أكثر من 180 يكون مصيرك على الله)

6- في القومات غالباً السرعة توصل 220 أو 240 مثلاً...ولكن لثواني قليلة...ماتسبب حرارة عالية للكفر بحيث انه ينسلخ...ولكن برضو الخطر موجود لأن فيه شباب الله يهديهم آخر همه الكفرات...!!
وغالباً ان المتسابق يكون في كامل تركيزة والأدرينالين عنده واصل مليون...يعني ممكن يتذكر انه مايدعس فرامل وانه يمسك الطاره صح.

الوضع يختلف للي يمسك خط ويمشي على سرعة عالية لفترة طويلة...لأن الكفر يسخن ويصير عليه اجهاد كبير...وهنا يزيد خطر انسلاخ الكفر أو انفجارة بسبب الحرارة...
ولكن النقطه الأهم انه السائق مع الوقت يبدأ يسترخي ويفقد التركيز...
وممكن تلقاه ماشي 220 وقاعد يسولف بالجوال أو يغني أو يمزح مع اللي جنبه...
هنا لو ضرب الكفر راح تلقى الشخص هذا يحتاج وقت لغاية مايستوعب انه ضرب عليه الكفر...ولما يستوعب يكون فات الأوان لأنه أكيد حط رجله على الفرامل وبدت الدنيا تلف فيه...!!
إلا اللي ربنا يستر عليه...

وأخيرا ابعدو عن السرعه أفضل...
يعني 140 لاتتعداها في أي مكان...

والكفرات ترى مهمة ياشباب...
يعني لاتبخل بـ 3000 ريال كل سنة ونصف أو سنتين مقابل حياتك...
أو (اذا كنت محظوظ) مقابل سيارتك اللي قيمتها أكثر من 50 أو 80 أو 100 ألف ريال...!!

لو حسبتها بتطلع أقل من 180 ريال في الشهر....!!!

تحياتل لكم,

منقول للفايدة الله يكفينا وياكم شر الحوادث قول آمــيــن