الموضوع: اهل الخبره بالاكورد من ناحية الحنوط والنظافه والتلميع يدخل ويجاوب على اسئلتي

افضل ملمع للجنوط : في ملمع مثل الرغوة ترشها على الجنوط وتنتظر حوالي 30 ثانية لين تروح الرغوة وتغسلهم والله تشوفهم كانهم مراية

وافضل ملمع للكفرات : مجوايرز وفي انواع حسب استخدامك في رغوة و في رش و في مثل علبة الشامبو بنفسجية بس طبعا كلهم شركة مجوايرز

وافضل ملمع للطبلون : مجواير علبة حمراء , او العلبة الي فيها قطع مثل الكلينكس


افضل تلميع بودي : Bmw او مجوايرز لكن المشكلة في المجوايرز متعب

بالنسبة للغسيل أكيد الشي لا زاد عن حده انقلب ضده يعني لا تعدمها بالغسيل ولا تتركها تغبر وتنعدم عليك البويه تروح لمعتها هذا شي الشي الثاني الغسيل الكامل احسن بدون شك من الخارجي فقط
وغسيل المكينه والله اذا هي مغبره غسلها يكون احسن بس مو دايم كل ما تغسل السياره تغسل المكينه ....

وإذا تبي مغسله تمام وممتازوه مغسله الأوزون مقابل بوابه اسكان الخبر العام العسكري نهايه شارع الرياض وأنت متجه للاسكان ...

ما هو الفرق بين الاصلي والتجاري وهل يؤثر على اداء السياره..وهل التأثير كبير ام صغير...

هذا أصلي الجنط بأكثر من 1500 ريال ، وذاك تجاري الطقم إن كثر بألف وخمس مية ..
يا أخي سمعت تهويل لموضوع الجنط التجاري وإنه ينكسر ويروح وطي ويعدم ويرج ويخرب .... الخ
قالوا عنه بلاوي ..
أنا ركبته ولي سنتين .. السيارة داهكها أكثر من 85 ألف كلها سفريات وبسرعات لا تقل عن الـ 160 كم ، لا حسيت برجه ولا بحذفه ولا انكسر رغم إني قالب أكوردي ونيت ..
بعدين وأنا أخوك الأصلي ينكسر إذا أكلت فيه مطب جامد لو إنه حديد مو كروم ، ويرج إذا طبيت لك بترصيص أبو يمن تعبان ، ويتغير لونه إن غسلته بكلوركس :d
---------------------

تغسيل السياره والاهتام فيها..يعني ابي نصائح بسيطه كم مره اغسل السياره..وهل غسيل المغسله افضل والا احط لي عامل عند البيت....ومتى اغسلها لاني سمعة ان التغسيل مع حرارة الشمس يمكن يطير البويه....؟؟ واذا وديت السياره المغسله....ويش اسوي غسيل كامل والا خارجي..وهل اغسل المكينه والا لا (لاني اول ما فتحت الكبوت شفت غبار في كل مكان حتى على المكينه)...؟؟؟

سنتين أغسلها يوميا على يد عامل بنغلاديشي أعطيه بالشهر 50 ريال وكارفه كرف ، كل يوم يغسل من برا وجوه ، لكن شرطي عليه لا يجي يزعجني ( فكوا باب بابا ) الا بعد العشاء ، لأن البوية تتأثر من الغسيل بالنهار لكن مو خلال كم يوم ، تقدر تقول بعد اربع خمس سنين ، أما الغسيل اليومي فما أذكر إن عندنا سيارة تأثرت منه على مدى عمري الذي يمتد لـ 27 عاما ( كتب الرقم غلط وقلبها وبعدين عدلها )
وبالنسبة لغسيل المكينة ، لما أخذت الأكورد جديدة من الوكالة سألتهم لأني عانيت من كابريس اس اس كانت معي ، كان محرم علي تغسيل المكينة ، لكن في الاكورد قالوا غسل ولا يهمك ، لكن عن نفسي ، اخليه ينفض اللي تحت الكبوت بالهواء ، لأنه بصراحة ضغط الموية وهي تندفع من البستم يطير العامل ، يعني بيأثر على القطع البلاستيكية والجلد اللي عند المكينة مع مرور الوقت ، لكن خله بالهواء ينفض الغبار ، بعدين تغسل المكينة يعني كل يوم ، اليوم لو غسلتها بكره توسخت ، بالذات في أجوائنا المغبرة ..
أتمنى إني أفدتك أخوي ..
وبالنسبة للملمعات ما قد استعملتها بالأكورد لكن استعملتها بغير الاكورد وما انصح فيها لأني ألاحظ إن الطبلون لو تعلم على التلميع تدلع :d ويصير يقول هل من مزيد .. وتلقاه بعد فترة بدأ ينشف مثل جلد العجوز ، وبعدين تتفطر اطرافه :( وتصير علوم