استفسار عن تركيب كشافات اكورد 2008

**كوكو2008** · 03-08-2010, 04:07 AM

ياشباب ابي فزعتكم ...
انا اللحين قررت اركب كشافات لسيارتي اكورد 2008 سياحي .. بركب لها عصا الوكاله طبعا
حبيت اسأل عن كذا شغله ..
اللحين انا ابي اشتري العصا حقت الفل + قاعدة للكشافات مستعمله من اخوي العضو جنوون
سؤالي هل الاكورد السياحيه يجي فيها قاعدة من الوكاله ..؟ والا لازم اركب لها قاعده ؟؟
وعندي سؤال ثاني بالنسبة للتركيب كم المدة اللي يآخذها وكيف طريقتها وكم يكلف تقريبا ؟؟
هل تنصحوني بالعلياني ؟؟ والا في محلات ثانية بالرياض > شرق الرياض طبعاً .. والا اي واحد يقدر يركبه خاصه لاصار فاهم ..
اخيراً.. كم قيمة الكشافات التجاريه اللمبات وهل تبيعها الوكاله لحالها والا لازم اشتري طقم كامل؟؟
واللي عنده شئ وده يضيفه لا يتردد ... ترى اول مره اركب كشافات وابيكم تفزعون لي بالمشوره

**RjH** · 03-08-2010, 11:37 AM

السلام عليكم
اخوي الكشافات تجي معه قاعدة والاسلاك ممددة من الوكالة
التركيب ياخذ من ساعة لساعتين لن فيه شغلة فك صدام
انا انصحك تكربة عن العليان خصوصن ان شغلة عالي العال
التكلفة اذا الكشافات من عندك 150 الى 200 اما اذا الكشافات من عندهم سخذون 500 بالكثير

قيمة الشمعه الوحدة 10 ريال من نوع فلبس

**ABO-LAFI** · 03-08-2010, 12:54 PM

اخوي وين محل العليان بالضبط انا ساكن بالروضه

ومعي اكورد 2010 اسبشل ..

ويعطيك العافيه لاهنت

**مجوووودي** · 03-08-2010, 12:58 PM

^^^^^^

العليان بعد وكاله هوندا على اليمين ع طول وانت متجه شرق

**B 5ob3aH** · 03-08-2010, 01:04 PM

^

قبل 3m و درايف 7 والصفه هذيك ..

[بعد مخرج 13 بااتجاه الشرق]
,

اشتر عصا الكشافات من الوكاله بـ 300 ريال.
والكشافات خذها من النعمامني بـ 200 بدون خصم المنتدى ..
وواذا شبكت ابو يمن بيعطيك خصم محتررررررررم ..
,
وركبها عند اي واحد ,
لانها مافيها تمديد اسلاك ..
كل شي جاهز بمكانه ..
بس مشكلتها فك الصدام ضروري ..

بالتوفيق

**مجوووودي** · 03-08-2010, 01:13 PM

^^^

بعد وكاله هوندا

على اليمن

وانت واقف عند الاشارة والوكاله على يمينك تروح سيدة العليان يجي يمين :d

مضيع خوبعه :p

**B 5ob3aH** · 03-08-2010, 01:37 PM

^
قبل . بعد ..

كله واحد :d

**مجوووودي** · 03-08-2010, 01:45 PM

^^^

اجل نظام تعديل بالرد :d

ايه شاطر لا تسوي فاهم وين الموقع وانت ماتعرف :p

**كوكو2008** · 03-08-2010, 05:45 PM

العصا عندي وجديده .... والقاعده موجوده ... والاسلاك موجوده ...باقي لي فقط الكشافات لان وحده منهن مكسوره .. شمعات الكشافات وكاله موجوده .. وسليمه إن شاء الله ...
المتبقي فقط الكشافات القزاز + التركيب ...
وإن شاء الله على الراتب وانا عند العليان ليتم التركيب