يالحبايب ...ساعدوني

**القادسيه** · 06-08-2010, 05:13 AM

عندي مشكله في وزن النور ايش العمل ؟؟؟ طبعا سيارتي 2005 ,,,لا تقول استعمل زر الوزن بداخل السياره ..مافي فايده ..لان مهما تغير في الارقام يطلع النور واحد قصير والثاني طويل ..يالربع ساعدوني ...والي يدل كهربائي سيارات في الخبر او الدمام يوصفلي تكفون ..ماهو السبب؟؟؟الديمنو شغال ..في واحد قالي يمكن محل مايركب مسمار الدينمو في النور مكسور ؟؟؟ابي اتأكد كيف وين .........؟؟؟

**شريخان21** · 06-08-2010, 05:30 AM

ماعندك أي مشكلة ياصديقي

في الحالة هذي تتجه إلى الكبوت بكل ثقة وترفعه للأعلى ثم تنظر إلى جوار النور ستجد فتحة للسكروب بلاستيكية تكون موجودة من جهة الرفرف
تقوم بإدخال السكروب + فيها ثم تلفه يمين أو يسار وتتطالع بالجدار وترفع وتنزل على كيفك بس يكون بشويش لأنه في الأساس عمله كهربائي
وأنت تحركه يدويا عشان كذا لازم تحذر وتحركه بشووووووووووويش الين ينوزن النور

........................... بالتوفيق خيوو

**القادسيه** · 06-08-2010, 05:38 AM

شكرا شريخان ...بس في فتحتين واحده مكتوب عليها فوق وتحت والثانيه يمين ويسار ....الاولى لما يدخل السكروب مافي شيء يدور ..كيف ؟؟؟

**شريخان21** · 06-08-2010, 05:51 AM

لا حبيب قلبي مو هذا
شوف ركز معاي :d
لما تفتح الكبوت وتكون واقف أمام السيارة ناظر يسار تحصل قربة موية المساحات أوكي؟؟
طالع في أسفل القربة تحصل فيش أسود مربع الشكل وفيه فتحه دائرية بارزة ...صح؟؟ قول صح ياخي :p
هذي هي دخل السكروب فيها وقولي شو صار معاك