الموضوع: متى نستخدم نمرات القير

يا عمي من يوم عرفت نفسي والـd هو اللي موجود واستخدمه واريح للمكينه كمان اما الـ 1 و 2 ما عمري قربتها

تستخدمه متى ماحبيت !!

يعني مثلا ودك تتطارح وتتسابق :d

او مثلا كنت في طلعت الهدا :d

يعني عشان تحشر القير في نمره ثقيله لاستجابه افضل ..

لو تعدي ع الكاتلوج او دليل المستخدم راح تحصلهم كاتبين كلام حلوو

وكم حد كل نمره وكل شي بتحصله في الدليل ...

وتقبل مروري

اذا كنت تقود على شارع سريع(خط)

وقت السباق يفيد:d اذا كنت بتقاوم دحدره عطه واحد ومع البوري الثالث شوف الفزه كيف
وكل ما وصل الضغط على الأحمر عشق 2 وكذا الين 3

عاشق سيفيك .. حرام عليك .. حرقت ام امها

اخوي بارك الله فيك .. هذي نمرات ثقيله .. يعني الثالث اللي هو اقرب واحد لل d .. هذا مشيه عاديه وقومه عاديه ولكن يحد المكينة على سرعة 80 ... يعني ما يزود اكثر من كذا بالدعسه العاديه مو مثل الشباب اللي هنا وفقهم الله

التو والون مو متاكد منها بالضبط ولكن اتوقع واحد 60 وواحد 40 ..

هذي سلمك الله لامن صار عليك شي مفاجئ وتبي توقف .. استخدم الفرامل الين تصير حول الثمانين .. ثم عطها 3 مع الفرامل
اذا كنت بحاجه الا تهدية اكثر استخدم 2 .. وانا اتوقع ما راح تحتاج اكثر من كذا ..

اذا كنت في نزلة طويله او طريق نازل مثل العقاب (اذا تعرف العقاب) .. لمن تستخدم الفرامل في العقاب والله يهوي عليك التماتيك
ضروري جدا جدا تستخدم القيور في العقاب ..


ولمعلومية الجميع .. من الدي الى الدي 3 .. مايحتاج تضغط الزر
ولكن من 3 الى 2 ... لازم
ومن 2 الى 1 ... لازم
وكلها بدون فرامل (اهم شي تكون في حدود سرعة كل قير) وبدون توقف اكيد ..

لكم التحية

عند المرتفعات والمنحدرات

لمنع القير من التغيير الى نمرة أعلى تطرح عزم السيارة في الصعود

ولتهدئة السيارة ومنعها من التغيير لنمرة أعلى في النزول حتى لا تضطر إلى استهلاك الأقمشة

أتمنى أني أفدتك . .

و الله أنكم سنايد كل اللي شاركني و افادني بالموضوع
صح أنكم حستوني كل واحد و له رأي لكن ما عليه و شكلي بطلع على الكتالوج و استفيد اكثر
و أنا تراني ما نيب راعي مهايط و تحدي و سباق و سرعة أنا يسموني الشباب ( أبو 120 ) لأني ما أتعداها اخخخخخخ
إذا خربتها مرها 140 و لمدة دقيقتين ثم ارجع لــ 120 هههههههه
لكن فقط احتاجه في المرتفعات و المنحدرات زي ما قلتو
شكرا لكم