السلام عليكم ورحمة الله وبركاته


الحمد لله على كل حال تم الانظمام الى عائلة التصفير والسياره ماشيه 22 الف فقط بس انا مارحمت السياره بكل صراحه


المهم انا كنت بالطائف قبل يومين وامس وانا نازل لمكه طبعا كنت مسرع واشوف الطاره ترج بقوه بالنزول ويوم اني نزلت وقفت بالمحطه الا واشوف دخان يطلع من الكفرين الاماميين وقفت السياره وريحتها ومن ثم مشيت 80 لين وصلت البيت وما حصل شئ

اليوم اسمع صوت يطلع من الخلف اظن الصوت اسمعه وانا ماشي ومع دعست الفرامل يقوى


انا خمنت انه الهوبات والفحمات بس ابي شورتكم لاهنتم

واذا هي هوبات وفحمات وش تنصحوني اصلحها وكاله
(في الوكاله يغيروها بفلوس ولا على الضمان ) ولا خارج الوكاله مع اني صيانة 20 الف بسويها في رمضان لحد الان ماسويتها

واذا خارج الوكاله وش احسن نوع فحمات ورخيص



ثاني شئ قبل اسبوع حذف علي راعي دينه وركبني رصيف
وحسيت انه في ميله حذفه بالطاره ميله خفيفه

وش موضوع هالميله وكيف اصلحها




والله ياجماعه في خلال شهر الكفريين الخليفيين لقيت بهم مسامير الصدام مخدوش مرتيين اكلت رصيف غير الفرامل غير مدري وش انرش على البدي حق السياره صار خشن وديته للتلميع قالي انرش على السياره شئ كامل السياره غير البطانه اللي تحت المكينه راحت فيها لكن الحمد لله على كل حال

اتمنى منكم الافاده وشكرا