صح لسانك وربي انك ما قلت غير الصدق
تحياتي
بسم الله الرحمن الرحيم
السلام عليكم ورحمه الله وبركاته اعضاء منتدانا الكرام ، ،
مبارك عليكم الشهر اخواني الغالين ، ،
كيفكم جميع اتمنى ان تكونوا بالف صحه وسلامه ، ،
المهم انا لا احب بعادتي ان اطيل في المقدمات ، ،
بدخل في الموضوع مباشره ، ،
هوندا في السنوات السابقه تميزت عن التويوتا والهونداي والفورد اما الان
انني الاحظ ويلاحظ الجميع عدم التقدم نحو الافضل لشركتنا المفضله هوندا
للاسف الهونداي تطورت الالنترا والسونانا والازيراء والجنيسس تقدمت على الهوندا
وبا اسعار جدا روعه سوناتا فل كامل شاشه نفيقشين سقف بانوراما جنوط 18 مدخل AUX و usb ipod
الهوندا للاسف اكورد 2010 فل كامل 6 سرندل لم يميزوها عن الفل 4 سرندل اللهم زينون فقط ؟ ؟ ؟
وعلى كم 122 الف ؟ ؟ ؟
كروزتار السياره الخياليه دخليت اكورد ودركسون سيفك وخلفيه اقل مايقال عنها انها عبيطه ؟ ؟
انظروا الا الكوري الجنيسس السينتال الازيراء الخ......
الالنترا بــ 42 الف ريال اذا اتينا لنرى السيفك نرها بــ 70 الف ريال ؟ ؟ ؟
ازيرا نص فل 2011 71 ومواصفات افضل من السيفك ؟ ؟
لماذا هوندا لا تراعي العملاء بالاسعار ياليت ان يوجد مواصفات لا يوجد للاسف ؟ ؟
دعونا نرى الاكورد 2011 فل كامل ماذا حصل لها من تغير فقط الشبك ؟ ؟ ؟
انظروا الي افالووووون 2011 بصراحه انها كنق السيارات لهذا العام انظروا الى الشكل الجوهري والمواصفات
اما هوندا جيده بالاسعار المرتفعه وليس هناك مواصفات ترضي الزبووووووووووووون
ارجو من هوندا معشوقتي ان تحاول ان تتقدم للافضل حرام الفورد وتويوتا ونيسان والهونداي الكوري
يتقدمون الا الهوندا الهوندا مافيه الاسياره جيده الي هي الاكورد فقط لكن للاسف لم تتقدم . .
ولا احد يزعل من كلامي لكن من القهر الي فيني اروح تو الوكالات القى انواع السيارات المميزه
الا الهوندا لا يوجد بها شي
الكوروستار الجديده 136 الف مثل سعر الافالون ليمتد نفيقيشن ؟ ؟ ؟ ؟
المهم ياشباب هذا عتبي على شركتي المفضل الهوندا
واتمنى لها التقدم
ودمتم بحفظ من الله ورعايته
والنقاش مهما احتد لا يفسد في الود قضيه
تحياتي
صح لسانك وربي انك ما قلت غير الصدق
تحياتي
هلا اخووي أنت تتكلم عن اليباني أو هوندا خاصه مثل ما تشوف انت هيونداي والسيارات الكوريه عامه اسعارها رخيصه ومميزات روعه لكن اليباني عامه اسعاره غاليه عندك الكامري ما فيها مواصفات ابد وسعرها نفس السوناتا والسوناتا افضل بكثير عندك التيما 6 سلندر 116 ألف وما تستاهل سعرها والأفالون بصراحه ما تستاهل سعرها وبقوووه كمان يعني بالله أيش تفرق عن الأكورد تبيرد مراتب ودخول ذكي وتشغيل ذكي وشاشة ابو كلب تبع أبو جميل 136 الف معليش أخووي غاليه وبقووه ألي حبيت أوضحه ان اليباني اسعاره غاليه والكوري اسعاره حلووه لكن ما ندري عن الجوده عندك منتدى السيارات الكوريه شوف عيوبهم أكثرهم موضبين قيورهم ومكاينهم يعني مواصفات وشكل بدوون جوده وفي الأخير هوندا أسعارها غاليه سواء أكورد أو سيفيك لكن أسمحلي لا تقارن ألنترا بسيفيك السيفيك مواصفات روووعه لكن مبالغ في سعرها بقوووه وكذلك الكورولا مبالغ في سعرها اسعارها فل كامل 77 ألف بختصار اليباني اسعاره ناااار والكوري رخيص..
المقارنة بين ياباني وكوري وأمريكي ما أعتقد إنها صحيحة طيب سألت عن قطع غيارهم غالي بالحيل ولا تستاهل هالقيمة
أما الأفالون فا قيمتها مبالغ فيها وش عليه هالقيمة على لا شيء حتى قطع الغيار ناار
والكامري صناعة أستراليه ما هي يمهن.
كلامك على العين والراس
بس في مبالغة شوي
طبعا من خبرتي بالسياره لاحظت نقطه مبالغ فيها مبالغة مرره
7
7
تقول انت اللهم زينون فقط
الفرق بين الـ 4 سلندر والـ 6 سلندر هو 20 الف تقريبا .
وبالنسبه للزنون فقط هذا غلط
الفرق طبعا غير المكينه والاغراض الدخليه
انا راح اكلمك عن الاكسسوارت والاضافات الخارجيه
زنون + مويه للانوار الاماميه + شكمانين + وصله للاصطب 2010 + الاضافات البسيطه داخل السياره (مثل:المركا الخلفي للراكب يوجد به غطاء للاكواب لـ 6 سلندر ) + 7 سماعات
هذا على اللي اعرفه واذا كان فيه شي ناسيه فل يدونه احد اذا ما عليه كلافه
وبالنسبه للسعـر 122.000 بشكل عام مبالغ ..
اما انك تقول لم يمزينها عن الـ 4 الا الزنون وعلى 122.000 هذا فيه مبالغه
وانا وضحلتك ..
وبالنسبه للسعر الـ 6 سلندر 2010 الحالي (119,500 ريال )
واشكرك على الطرح
ومعليش اذا طولتها عليك .. بس حبيت نكون على بينه :o
يعطيك العافية . والله انك صادق
لكن ما باليد حيلة
الياباني هذي اسعاره
واخوي انت جرحتني يوم قارنة السيفيك مع النترا:(
السيفيك سيارة متوسطة سبورت
النترا سيارة صغيرة سيدان
حتى الافالون مبالغ في سعرها
اجل ادفع في سيارة 136الف بشاشه ملفقه؟؟؟!!!
باختصار هالاياام مافي سيارة تستاهل قيمتها
الاكورد>مبالغ فيها
ونفس الكلام
الافالون والمكسيما والاوريون والكورلا والالتيما والسيفيك و و و و
الهونداي والكوري بشكل عام حاطين موصفات عشان تغطي على الجوده الضعيفه>>وهذه تنفع للي يهتم بالمظهر وماهمه السيارة تكرف ولا
السلام عليكم ..
الحمدلله انا توني ماخذ اكورد 2010 مواصفات نص .. وقبلها كنت عن وكالة تيوتا قالولي كامري 2011 فل بدون شاشة .. نفس سعر الاكورد
استخرت وسألت وان شاء الله ان الخيرة في اللي اخترته
صحيح مافي رفاهية بالاكورد نفس السيارات الثانية .. لكن المهم الاساسيات وهي موجودة .. راحة وهداوة بالطريق .. وداخلية واسعة ورحبة ..
وبيني وبينك .. الحين حنا نختار الافضل
لكن بشكل عام .. كل السيارات في الوقت الحالي تستخدم اسلوب الاقتصادية في التصنيع على حساب العميل .. واسلوب تغطية العيوب بالشكل الخارجي وانواع الرفاهية ..
وبالتوفيق
اخي الكريم
الافالون الجديد صفة مختلفة عن الاكورد لاتقارنها الى بالهوندا ليجند
الاكورد مع الماكسيما والسوناتا وهذولا كلهم غيروا جيلهم بجيل جديد والاكورد تنافسهم ان شاء الله بالجيل الجديد اللي بيجي عام 2013
فلا تتسرع
اما بالنسبة للذي تقوله ليس انا او اعضاء المنتدى فقط اللي يشترون الهوندا
حتى في امريكا مبيعات هوندا ارتفعت بنسبة خيالية السنة هذه
مع ان المواصفات هي نفسها مواصفاتهم
طيب ليش؟
تويوتا دعاياتها مليانة الدنيا يعني تناظر ام بي سي اكشن ويقطعون عليك فلم لاجل دعاية تويوتا وفي النهاية عيوب مصنعية وصلت الجزيرة والعربية وجريدة الرياض والصحافة الروسية واعلان الكونغرس بوضع عقوبات على تويوتا
نيسان محارب قوي ولا اقول الا انها كانت خاسرة وانقذها الله بفضل عربي من جنسنا اسمه كارلوس غصن من اصول شامية اعاد لنيسان هيبتها
الهيونداي ايضا في صعود
لكن مثل ما قلت لك اخي اصبر على الجيل القادم من الهوندا وسوف ترى ان شاء الله
قريبا اكيورا فخر صناعة هوندا الامريكية على هوندا العربية
اكيورا RLX 2013
والله يالغالي
صدق الهوندا ينقصها بعض المواصفات
بس تتفوق بالجوده
بعطيك مثال
عندك الفورد مافيه لامواصفات ولاشي ومن موديل 98 الى 2010 نفش الشكل الهما تغير بسيط جدا جدا
والناس تشتريهـ الى يومك وبسعره تشتري ازيرا ولا سوناتا الي فيها مواصفات وشغلات حلوهـ احس منه
بس ليه راعي الفرود اختاره عن باقي هالسيارات ليه ماقال كل سنه نفس الشكل ماتغير شي ؟؟
تاكد ماشراه الا على شان الجوده تكرف كرف ليل لنهار يعيش معاك
وهالكلام ماجبته من راسي جايبه عن تجربه عندنا فورد2001 ومجربهـ ماشي حول 500 الف
مشاء الله تقول جديد
زبدة الكلام
فيه سيارات اسعارها حلوهـ وفيها مواصفات والجوده فيها ماهي بذاك الزود
وفيه سيارات المواصفات فيها ماهيب بذاك الزود بس الجودهـ ممتازهـ لك ولزمن
وبالاخير
زي ماقلت اخوي
النقاش مهما احتد لا يفسد في الود قضيه
واسف على الاطالهـ
تحياتي
شكرآ لك ولكن ياليت تنزل القزازة إذا مر من عندك ليموزين النترا أو سوناتا وتسمع المسيقى والأصوات وإسأل
شركات الليموزنات عن مشاكل هونداي بشكل خاص . الكامري رغم الكلام إللي عليها عن جودتها السيئة ومشاكلها
إلا أنها سيارة أكثر من إعتمادية و عملية عن سائقي الأجرة و سألت أكثر من شخص و إتضح لي من كلامه إنه يفهم
وأفاد بأن الهونداي ليست سيارة تخيل المسجل ما كمل 24 ساعة و العزل أسوء من السئ و أصوات الرمان موديل 2009
و 2010 بالله هذي سيارات .
أخوي كلنا نعرف بأن الاكورد تفتقر المواصفات التكميلة والترفيهية ولكن جودتها تتربع على عرش السيارات .
شكرآ لك مره أخرى
طيب الي مزعلك السعر و المواصفات
تقارن هونداي بهوندا ؟ وهذا اكبر غلط
من متي كانت هونداي عندها سيارات مثل الاوادم ، هونداي من يوم يومها تسرق من تصاميم السيارات و تحط عندها ، السيارات بمواصفات خيال بس اول مانزلت الهونداي السوناتا كان عيوبها واجد منها
1 - لما تفك العالي المسجل يطفي
2 - فتحت السقف ما تنقفل
3 - السقف تشطب عند واحد صاحبي مع الشمس فقط
4 - الفرشة تبع السقف نزلت
ولا تنسي السيارة العبيطة هذه ( سوناتا ) هي بالاول و الاخر سيارة مهجنة
فمثلا التصميم كامل مسروق من فوكس واجن باسات و المرايات تبع لكسزس و الحركة تبع التقفيل اول من نزل فيها هي الاودي
الداخلية :
منسوخة طبقا من الباسات في كل شي ؟ مع فروقات خفيفة
هذا بالنسبة للشكل
.........
السعر :
انت ما اخذت بالاعتبار الحاجات التالية
1 - التصاميم : طبعا مثل ما انت عارف التصاميم تكلف الملايين ( من مخطط علي ورق الين تطلع سيارة كاملة ) ، هذه لحالها ميزانيه يتم توزيعها علي عدد السيارات الي تنصنع ، لكن في شركة هونداي العريقة ( لا ننسي كيا ) التصاميم مسروقة تما من كل السارات ( من كل بحر قطرة )
2 - تكلفة اليد العاملة : بحياتك لا تحاول تخلط بيها ، بمعني ان سعر الاجر اليومي للعامل الياباني توصل ( مثلا ) 40 ريال للساعة ، و الامريكي بحد ادني ( 17 دولار للساعة ) تعال للكوري ولا الصيني ( كويس ان وصل في اليوم 5 دولار ولا 8 دولار )
هذه عاملين من عوامل فشل اقصد السعر المتدني للهونداي فكر فيها و بتعرف انك غلطان لما قارنت الهوندا ( ياباني - امريكي ) مع الكوري و الاسترالي
لا يضحكوا عليك بالمواصفات الي حاطينها فمثلا : الشاشة و المقاعد و غيرها ترا هذه حاجات بديهية و تعتبر اساسية في السيارات الامريكية ، لاحظ عبداللطيف جميل تلاقي الاكسسوارات مو طابقة علي الديكور ، فمثلا تلاقي المسجل اسود ابو كلب و طايح جوة الديكور ، او التخشيبة منت عارف كيف جاية او او او وانت ماشي لانه كله عبارة عن ( اتحاد كيلو 2 مع مصنع عبداللطيف بالخمرة بجدة ) كله شغل توليف و اي شي لاحظ المسجلات لما تطلع تلاقي مكتوب عليها ( الباين ) ؟! لا تقول من باب تقلليل التكلفة و مدري ايش ! ترا الموضوع فيه لعبة حتي لاحظ الكتالوج و لاحظ مواصفات السيارة ( الصور )
الافلون : سيارة حلوه و فخمة و كل شي ممتاز بس لا تفكر تقارنها بالاكورد لان الاكورد فخامتها اقل منها ، تعال قارن بال HONDA LEGEND ( اسطورة هوندا ) ، و بعدين الافلون الجديدة و الكامري كلهم صاروا كانهم كوريلا منفخة !
..........
و انت لما تتكلم عن الهوندا لاحظ الشركة وش اعطتك :
1 - الكفرات الاربعة تفرش مع السرعات العالية من باب الامان
2 - محركات I-VITC وهي تتمثل في ابسط صورة لها وهي بوابة دخول الهواء ( ثروتل بدي )
3 - رساوة السيارة و انظمة الامان لدرجة ان السيارات من الاستاندر الي الفل كامل تتشابه فيها
4 - كل ماعلي السيارة من صنع اليابان حتي الكلبسات الي تشوفها اول ماتفتح الكبوت .
5 - السيارات قريبة من بعضها بالمواصفات فمثلا :
أ : الميكانيا : للاكورد لو تلاحظ انه كلها متشابهه في المكانيكا و التجهيزات الكهربائية و يعني فك و ركب و انتهينا .
ب - الكماليات : ماتلاقي بالهوندا مثل التويوتا مثلا XLI يفرق عن النوع الي بعدة بجناح او كشاف ! رغم ان هوندا في اخر كل سنة تعمل عرض تعال اشتري و اختار الاكسسوارات الي تعجبك !
ولا تنسي الهوندا اول شركة طلعت بنظام SH - AWD بمعني super handling all wheels drive يعني وانت ماشي بالطريق انسي تماما موضوع ان السيارة راح تحوص في يوم او غيرة . وهذا هو النظام و موجود بالاكيورا من 04 او 05 و اخذت علية براءة اختراع
( اعمل بنفسك بحث باليوتويب و شوف النظام لانه انا داخل من الايبود و الروابط تختلف )
و غير كذا شركة هوندا هدفها هو التطوير مثلا تخيل سيارة تمشي علي الثلج كانها ماشية علي ازفلت مع نظام السوبر هاندلنق ، بحيث ان السيارات من اودي و غيرها تورطوا و سياراتهم حاصت علي الثلج
بعكس شركة TOYOTA الي هدفها البيع و الدليل المصيبة الاخيرة ( الدواسة )
.........
ما ابغي اوجع راسك بالهوندا و غيرها بس فكر مرة ثانية و فكر بالهوندا الي تعطيك الامان قبل المواصفات ( خلي البانوراما يفيدك لما يوقفك عامود ولا شجرة )
HONDA. The power of dream
اي والله انك صاادق
يعني الهوندا من افضل السيارات عندي
بس سعرها الصراحة نااار
وياليت بس على السعر يعني قطع غياار
يعني سعرها ناار وقط غيارها نار
ويعني امانة الحين الكورلا القديمة فيها حساسات والاكورد الجديدة مافيها حساسات هذا مايعقل
يعني مفروض على سعرها يكون فيها مميزات
زي السوناتا الفل كامل فتحتة بنوراما ودلع ومواصفات خيالية
زي الجنسس مواصفات لكزس ls
والحين لاتنسى الهونداي اكثر شعبية من الهوندا والتايوتا وكل السيارات
بس الهوندا للأسف غالية وقطع غيارها غالي على هذا لا موصفات ولا اي شي
بإختصار و ما ازيد على اللي فوقي
مهما وصل الكوري من تقنيات و مواصفات مستحيل يوصل لجودة الياباني
و بنفس الوقت شغله مهمة .. لا تقارن الجيل الجديد للهونداي و الكيا بالجيل القديم ( الحالي ) للهوند و التويوتا
انتظر الجيل الجديد للياباني
لمن تقارن الهوندا والهيونداي كانك بتقارن بين ماجد عبدالله ووليد الجيزاني
فرق السماء عن الارض ياحبيبي
^^^^
محشش الآآآخ :d
طبعــاً حضرتكـ ظنيت أن المنتدى مصنع هوندا وكتبت كل امآآلك فيه
انا كان معــاي هوندا اكورد 2006 وكل الاجـازات تقريبــاً بكون في جده وبتعب كثير مع الحفر الكثير اللي في جده وصارلي اكثر من موقف مع السياره آثر على كهربــاء السياره
تخيل طفت العدادات والمكيف قلب حــار مرتين يمكن في اقل من ثلاث ايام وصارت مشكله في كهربــاء السياره هذا غير قســـــــاوه السياره مع الحفر والمطــاب
اظطريت ابيعهــا
ووفر الوالد لي - يعطيه العافيه مبلغ حلو عليهــا
واحترت بين السوناتــا 2011 او الازيــرا 2011 نص فل
استشرت اكثر من شخص قال لي السوناتــا القديمه 2010 أفضل بمرآآحل من الجديده لا من مناحيه الرساوه او الجوده او غيرهــا .
لاكن كتقنيه وتصميم وداخليه الجديده تتفوق
وقررت على الازيــرا
وشــار علي شخــص قريــب اشتري بي ام دبليــو مستعمــل
ولقيت بي ام 760li نظيــف وسعره حلــو وماقصــر الوالد معــاي وشريتــه
بعــرف انه مشاكله كثير وتكاليف تصليحه عاليه جــداً بس الوالد متكفل بكل شيء فيه وبعدين السيارات هذي ماتعاني من اي عيوب تصنيعيه او مشاكل
اللي بقولــه لك
هونــدا يعجبكـ فيهــا اهتمامهــا بكل سياره من سياراتهــا لاكن من الصعب تقــارن السوناتـا الجيل الجديد مع الاكورد الجيل الحالي
من المفترض تتقارن السوناتــا مع الجيل الجديد للاكورد اللي بينزل 2013 علشان نكون عادلين
لكل شركــه سياسه معينــه
يعني هوندا ممكن تخطط لتزويد الاكورد باكسسوارات وتجهيزات للجيل الجديد وليس الحالي وماتبي تلخبط اوراقهــا وتربك مهندسيهــا
وغالبــاً هوندا حذره جــداً في تقديم اي تجهيزات في جيل في منتصف عمره
بعدين انت مثــلاً تعشق مــاركه معينــه او سياره معينه اشترهــا
مو لازم تتقيد بسياره تكون ذي اعتماديه عاليه وقليله خرابات وماعرف ايش
الي نفسك فيه خذه
واللي ماتبيه لاتجبــر نفسك عليه
وانا ابدي اعجــابي بشركه هوندا لاكــن سياستهــا غريبه بعض الشيء ولابد تكون اكثر تفاعــل من كذآ
كلامك فيه من الصحّه الكثير ..
لكنّي أخالفك في بعض المقارنآت .. ~
صحيح لو معي 120 الف ما فكّرت بالأكورد بالشكل الحآلي .. ~
لانهآ متأخره شوي .. لكن لمآ ينزل الجيل الجديد منهآ أكيد انها رآح تدخل بالمنافسه .. ~
مآكسيما تفوّقت كثيرآ .. أوريون السبورت أكثر من رائعه ..
مآ أقول الا بآنتظآر وحش هوندآ الأكورد الجيل الجديد .. متأكد بتدخل بالمنافسه وبقوّه .. |
بختصار ( اي سيارة ياباني ) أصلي
اعرف ان سعرها غالي أمـــــا بسعر السيارة جديده أو قطع الغيار
........................
وبعدين الهونداي انــــا معك بالازيرا فقط لـــــــكـــــــــن رح اسأل عن قطع الغيار ؟؟؟
بغض النظر عن اسعار قطع الغيار
يعني انت ماراح تغيير الاقمشة كل شهر او ٢ ؟ بالراحة اذا انت انسان رايق بسواقتك بتمشيك اقل شي سنة كاملة ... اما اذا انت مطامر بتغيير الاقمشة كل ٥٠٠٠ كيلو
منت ملزم تسوي الصيانات الكبيرة في الوكالة بمبلغ ٢٠٠٠ و شوي و احتمال اكثر ، ممكن تستغني عن هل ( منظرة ) الفاضية و تاخذ القطع و تسويها برا بتكلفة توصل ل ٧٠٠ ريال ( قطع - اجور تركيب )
و بعدين الي يتكلم عن القطع و يقول غالية مقارنة بالكراسيدا و مدري ايش ، صاحبي عندة التيما ٢٠١٠ تصدق سوا صيانة ٥٠٠٠ قبل فترة ب ٥٠٠ ريال + الوكالة جلست تربط السيارة لانها تفككت رغم انه الولد من برا جدة يعني المنطقة الي هو فيها مافيها حفر كثير
و عن العيوب المصنعية ... مافي سيارة خالية من العيوب و المشاكل .. و الحل الوحيد علشان تريح راسك من العيوب و المشاكل .. بيع الاكورد و استلف من البنك ( ٢ مليون ريال ) و روح اشتري ماي باخ صدقني راح تحس انك جالس بغرفة النوم و فوق سريرك بعد
كل شركة لها استراتجية بالتصنيع فمثلا
كامري : سيارة للمدينة و مشاوير بسيطة لكن لا تفكر تمسك خط لانه ممكن تطير مع السافي
الاكورد : مشكلتها بوكيلها لكن السيارة ماشاء الله لا يعلي عليها
التيما : حلوة و مواصفات لبكرة الظهر و السيارة مرة مرة قوية ، لكن الرساوة ٠٪ ( علي كلام مجرب (
الكوري بصفة عامة : منظرة و شكل ، لكن تخيل السيارة تخرب لوحدها وانت ماشي بالطريق
و الي يمدح بالكوري و يذم بالاكورد و الوكالة بقول له روح شوف وكالة هونداي كيف يعاملو الناس كانهم عبيد ، شوف بالاخص فرع الاتو مول - جدة
و للمرة الاخيرة علي التوالي ، ماجازت لك الاكورد من ناحية مواصفات او قطع غيار او صيانة
ترا الكرسيدا يمدحوها
رخيصة و قطع غيارها في كل مكان يعني وانت داخل تاخذ بيبسي من البقالة ، خذ بالنص ريال الباقي شمعة ولا اسطب جديدة*
يعطيك العافية عالموضوع وكلامك صحيح 100 بالـ 100..
يا أخي والله تعبنا من اللي يقولك الياباني والياباني وفي الاخر أسعار نار وعيوب مصنعية لا يتم الإعتراف بها أو تصليحها..
أولا: أسعار سيارات هوندا مبالغ فيها بشكل غير طبيعي في كافة سياراتها مقارنة بالمميزات الموجودة فيها..
مثلا مقارنة بين سيارتين يابانيتين عشان لا أحد يجينا مطفي نوره ويقول مقارن كوري بياباني:
الأكورد ستة سلندر فل كامل بالمكسيما فل كامل والله فرق بين السماء والأرض من حيث المواصفات والشكل والسعر..
وسعر المكسيما 126 ألف وسعر الأكورد تعدى الـ 122 ألف وتفتقر لنصف مواصفات المكسيما اذا مو أكثر من كذا ومع ذلك فرق السعر بسيط جدا جدا..
بس مشكلتنا الأزلية هي التعصب .. يعتني الواحد لما ينتقد شركة معينة مثل هوندا يجيك واحد يتكلم عليك ويغلط ويشكك فيك كأن الشركة شركة أبوه أو كأنك غلطان على أحد والدينه.. يا ناس يا فاهمة يا متعلمة الواحد ينتقد مو يكره الشركة وأنا كمنتقد أحب شركة هوندا ولكن ودي تواكب التطور وبأسعار معقولة مو يزود 5 الاف ريال بين كل موديل بدون أي تغيير يذكر..
ثانيا: العيوب المصنعية اللي أتعبت جيوب الخلق مثل تهريب الزيت أو علبة الدركسون في موديلات 2003-2007 واللي قيمة تصلحيها عالية جدا وقال ايش اذا سيارتك تعدت الـ 120 ألف كيلو ما نصلحها.. يا ناس هذا عيب مصنعي مو تصليح عالضمان يعني لو السيارة ماشية 200 ألف تصلحها الله لا يهينك..
وعندنا في السيفيك كرسي المكينة الأيمن يعتبر عيب مصنعي يتصلح عالضمان للسيارات اللي ما عدت الكيلوات ولكن السيارات خارج الضمان ما يصلحونها رغم ان 99% من مستخدمي سيفيك 2006+ يشتكون من هالمشكلة..
ثالثا: قيمة قطع الغيار واللي كل يوم والثاني زايدين في سعرها بدون سبب مقنع وأصغرها لمبات الطبلون شريتها قبل فترة بمبلغ وتفاجأت بإرتفاع سعرها بعد مدة بسيطة وبدون سبب ووكالة عبدالله هاشم الموقرة محتكرة الشغلة للأسف..
أخيرا وبالنسبة للسيفيك بما إني من أحد ملاكها.. سعرها لموديل 2010 هو 89500 ريال وكرسي السائق بتحكم يدوي؟! لا تعليق والا سيارة صغيرة يوصل سعرها لهالسعر فمن جد لا تعليق علما بأن سعرها لموديل 2006 هو 66 ألف وموديل 2007 68 ألف وموديل 2008 72 ألف وموديل 2009 84500 ريال وموديل 2010 89500 ريال..
شوفوا الأسعار وإحكمو بالإرتفاع الغير مبرر أبدا والحلو إن الفرق بين موديلي 2009 و2010 5 الاف ريال وبدون أي تغيير في السيارة..
واللي يتكلم عن الكوري أقول والله إنه متميز وفي تطور مستمر بحكم التجربة عند أخوي أزيرا 2007 فل كامل ما شاء الله عليها ودوامه يوميا 150 كيلو وماشية 150 ألف كيلو وما إشتكت من شيء ولله الحمد ولا تفككت ولا تهربدت مثل ما يقول البعض واللي بعضهم يقول رأيه وهو ما جرب السيارات الكورية وقوتها ممتازة ومواصفاتها جدا حلوة وتفتقر الهوندا لكثير منها..
هالنقطة لتوضيح كيف كانت شركة هونداي في الماضي وكيف تطورت بسرعة البرق بتقديم مواصفات رائعة وأسعار معقولة..
الواحد يحكم عقله ويفكر بمدى أكبر دون التعصب لشركة معينة لأن هالشيء في مصلحتنا كمستهلكين واللي دائما نسعى للأفضل واسف عالإطالة..
اشكرك على مشاركتك الطيبه ، ،
والمشكله الهوندا اول سياره غاليه ديكور القير يطلع صوت مزعج
والشنظه لا ريوست تطلع اصوات
وغاليه
يا جماعه شوفوا السيارات الثانيه وقارنوها بالاكورد صدقوني راح تتفاجون بالهوندا
مكسيما لا يوجد بينها وبين الهوندا اي مقارنه والازيراء والخ . . . .
الهوندا للاسف في تراااااااااااجع
واشكر جميع الي ردو وهذي وجهة نظرهم احترمها
واكن لها كل احترام وتقدير
الله يعطيكم الف عافيه
مواقع النشر (المفضلة)