اقتباس المشاركة الأصلية كتبت بواسطة salamify مشاهدة المشاركة
يعطيك العافية عالموضوع وكلامك صحيح 100 بالـ 100..

يا أخي والله تعبنا من اللي يقولك الياباني والياباني وفي الاخر أسعار نار وعيوب مصنعية لا يتم الإعتراف بها أو تصليحها..

أولا: أسعار سيارات هوندا مبالغ فيها بشكل غير طبيعي في كافة سياراتها مقارنة بالمميزات الموجودة فيها..

مثلا مقارنة بين سيارتين يابانيتين عشان لا أحد يجينا مطفي نوره ويقول مقارن كوري بياباني:
الأكورد ستة سلندر فل كامل بالمكسيما فل كامل والله فرق بين السماء والأرض من حيث المواصفات والشكل والسعر..
وسعر المكسيما 126 ألف وسعر الأكورد تعدى الـ 122 ألف وتفتقر لنصف مواصفات المكسيما اذا مو أكثر من كذا ومع ذلك فرق السعر بسيط جدا جدا..

بس مشكلتنا الأزلية هي التعصب .. يعتني الواحد لما ينتقد شركة معينة مثل هوندا يجيك واحد يتكلم عليك ويغلط ويشكك فيك كأن الشركة شركة أبوه أو كأنك غلطان على أحد والدينه.. يا ناس يا فاهمة يا متعلمة الواحد ينتقد مو يكره الشركة وأنا كمنتقد أحب شركة هوندا ولكن ودي تواكب التطور وبأسعار معقولة مو يزود 5 الاف ريال بين كل موديل بدون أي تغيير يذكر..

ثانيا: العيوب المصنعية اللي أتعبت جيوب الخلق مثل تهريب الزيت أو علبة الدركسون في موديلات 2003-2007 واللي قيمة تصلحيها عالية جدا وقال ايش اذا سيارتك تعدت الـ 120 ألف كيلو ما نصلحها.. يا ناس هذا عيب مصنعي مو تصليح عالضمان يعني لو السيارة ماشية 200 ألف تصلحها الله لا يهينك..
وعندنا في السيفيك كرسي المكينة الأيمن يعتبر عيب مصنعي يتصلح عالضمان للسيارات اللي ما عدت الكيلوات ولكن السيارات خارج الضمان ما يصلحونها رغم ان 99% من مستخدمي سيفيك 2006+ يشتكون من هالمشكلة..

ثالثا: قيمة قطع الغيار واللي كل يوم والثاني زايدين في سعرها بدون سبب مقنع وأصغرها لمبات الطبلون شريتها قبل فترة بمبلغ وتفاجأت بإرتفاع سعرها بعد مدة بسيطة وبدون سبب ووكالة عبدالله هاشم الموقرة محتكرة الشغلة للأسف..

أخيرا وبالنسبة للسيفيك بما إني من أحد ملاكها.. سعرها لموديل 2010 هو 89500 ريال وكرسي السائق بتحكم يدوي؟! لا تعليق والا سيارة صغيرة يوصل سعرها لهالسعر فمن جد لا تعليق علما بأن سعرها لموديل 2006 هو 66 ألف وموديل 2007 68 ألف وموديل 2008 72 ألف وموديل 2009 84500 ريال وموديل 2010 89500 ريال..
شوفوا الأسعار وإحكمو بالإرتفاع الغير مبرر أبدا والحلو إن الفرق بين موديلي 2009 و2010 5 الاف ريال وبدون أي تغيير في السيارة..

واللي يتكلم عن الكوري أقول والله إنه متميز وفي تطور مستمر بحكم التجربة عند أخوي أزيرا 2007 فل كامل ما شاء الله عليها ودوامه يوميا 150 كيلو وماشية 150 ألف كيلو وما إشتكت من شيء ولله الحمد ولا تفككت ولا تهربدت مثل ما يقول البعض واللي بعضهم يقول رأيه وهو ما جرب السيارات الكورية وقوتها ممتازة ومواصفاتها جدا حلوة وتفتقر الهوندا لكثير منها..
هالنقطة لتوضيح كيف كانت شركة هونداي في الماضي وكيف تطورت بسرعة البرق بتقديم مواصفات رائعة وأسعار معقولة..

الواحد يحكم عقله ويفكر بمدى أكبر دون التعصب لشركة معينة لأن هالشيء في مصلحتنا كمستهلكين واللي دائما نسعى للأفضل واسف عالإطالة..
اشكرك على مشاركتك الطيبه ، ،

والمشكله الهوندا اول سياره غاليه ديكور القير يطلع صوت مزعج

والشنظه لا ريوست تطلع اصوات

وغاليه

يا جماعه شوفوا السيارات الثانيه وقارنوها بالاكورد صدقوني راح تتفاجون بالهوندا

مكسيما لا يوجد بينها وبين الهوندا اي مقارنه والازيراء والخ . . . .

الهوندا للاسف في تراااااااااااجع

واشكر جميع الي ردو وهذي وجهة نظرهم احترمها

واكن لها كل احترام وتقدير

الله يعطيكم الف عافيه