وش أفضل مساعدات أمامية وخلفية

[rnkb2004]

يا شباب أنا عندي أكورد 2007 وفحصتها في العضيب لقيت المساعدات الامامية خربانة

فياليت تقولولي وش افضل نوع من ناحية السعر والجودة ؟

ويعطيكم العافية

[الـمـسـافـر]

ركب مساعدات وكاله وريح بالك

[المـــــلكـ اكـــــورد]

سعر المساعد الواحد 600 ريال تقريبا

والله يعينك

[rnkb2004]

طيب مافيه بديل أرخص

[الـمـسـافـر]

فيه مساعدات ياباني على 150 ريال

[D.H.o.O.o.M]

نصيحتي لكـ مثل ها الاشياء مساعد او مفقص او عكس ....الخ لاتركب غير قطع غيار اصلية وان كان السعر غالي او مبالغ فيه

اضمن وعمر اطول

[ابشر طال عمرك]

يرجال ركب يباني وتوكل على الله لا اصلي ولا هم يحزنون صاحي تركب مساعد ب 600 والله لو انها بي ام

دام فيه بديل انحش عن قطع عبد الله هاشم لايغرك الي يقول (فلوس اكثر عمر اطول) مسوين دعايه ماربح عبد الله هاشم الا هم تبي نصيحتي ركب يباني واسئل اي مكانيكي عنه يصبر معك 3 سنوات هذي مافيها كلام اذا انت رجال راكد

[SAND]

فيه مساعدات ياباني على 150 ريال

والله انا افكر اركبها
حصلتها 150
اربعه600 سعر واحد اصلي
بس والله الاصلي راحه للبال
والله متردد بين الاصلي
والياباني ابو150

[الـمـسـافـر]

طيب خذ اصلي من التشليح

بس يبيلك واحد يعرف المساعد هل هو نظيف ولا لا

[أ م س 2007]

تبي نصيحة مجرب ..
خذ وكاله وريح عمرك ..

انا ركبت مساعد يمين من التشليح وكاله من سياره مصدومه من خلف ..
وخرب علي المساعد الثاني اليسار

وكل ما جيت مهندس قال لي ركب يمين ويسار مع بعض ولا ترى يخرب عليك الثاني اذا ركبت احدهم ..

المهم ركبت بعدها ياباني ثنين يمين ويسار 3 أشهر بالظبط خرب واحد ولحقه الثاني بعد اسبوع

بعد كذا نصحن واحد جزاه الله خير قال ركب وكاله وريح عمرك 3 سنوات بإذن الله وركب يمين ويسار من الوكاله اصلي سعر الواحد 873 ريال قبل الخصم والخصم 10%

[اكورد (2006)]

نصيحه لوجه الله قبل سنه توجهت لميزان العضيب ابغير فحمات اماميه المهم يوم غيرتها قلت شيك على المساعدات قال عند مساعد يمين فيه تهريب والي على اليسار قالي على وشك قلتله ابغيرها بعدين بعدها بسبوع توجهت الوكاله وخليتهم يسون صيانة تسعين الف وقلتلهم شيكو على المساعدات والسياره كامله يوم خلصت السياره قالولي المساعدات سليمه 100% تاكد من المساعدات قبل ماتغيرها توجهه اكثر من ورشه وخلهم يشيكون عليها

[محمد عمر]

في شركتين ممتازة وحده منهم هي kyb يابانية ممتازة والثانيةmonoro صيني برضوا ممتازه وخذ اللي يعجبك منها , وللمعلومية الصيني مضمونه سنه .

[البراك]

ياخوي اذا بتغى راحة بال خذ المساعدات من الوكالة و التركيب برا الوكالة ( عند اقرب محل تهبيط يركبها لك بـ 50 رياال الاثنين )

بالنسبة للاسعار : سعر المساعد اليسار حول 750 الي 770 على كشف الوكالة اخر مره اخذت منهم كيف

و اذا انت راعي مطامر و سباقات ولا تفرق معاك الحفر ... خذ كت كامل ( مساعدات - يايات - كراسي ) و صدقني راح تاخذ شي رياضي بس راحة صفر <<< و غالي


وعلى فكرة مساعد الاكورد ما يخرب بسرعة فيه ناس تجلس بالـ 5 سنوات ماعندهم مشاكل ، و فوق كذا حتي لو لقيت المساعد مندي ( مزيت ) ترا عادي مساعد الاكورد تلاقية مزيت من يوم ما تطلعها من الوكالة

مو كل من مسك مفك معلم

[hrabie]

انا من رايي اخوي انك تفحص بورشه محترمة وتتأكد انه المساعدات فيها مشكلة ولا لأ وثاني شي انت الي تسوق السيارة وتعرف اذا فيها شي متعطل او لأ.

انا هذا رايي واحترامي لراي الاخرين

[ACCORD FOR EVER]

خذلك وكاله واتوكل على الله نصيحة مجرب, الاصلي ب 580 درهم الواحده انا مركبها من يومين

[بلال العلمي]

خذ لك المساعد فقط بدون اليايات قيمة الواحد 600 ريال ويعيش معك باذن الله 5 سنوات مع الكرف والسواقة المرهقة

انت معك 2007 وفيه ناس معهم 2004 وعمرهم ما غيروها بس السواقة او نوع الطريق يحكم مثلا لو الطرق سيئة مثل اللي موجودة في جدة لكن معروف الاصلي يظل اصلي

[متصفح]

اذا سيارتك سواقتها حلوه بالخط يعني مو شرط المساعدات فيها مشكلة ويمكن سيارتك مافيها شي

لازم يطلع كمية زيت بسيطه من المساعدات مع الوقت وهذا مو معناه المساعد خربان لانه لو يخرب عليك بتكره سيارتك من السواقة

مشكلة الورش من يوم يشوف نقطة زيت على المساعد يقولك غيره ....

[mmm800]

وانا بعد عندي المساعد فيه مشكلة كل ماجيت مطب ولا حفرة صغيرة تحس الكفر بيخرج من محله ..

[م ج رد حلم]

اذا يحتاااج تغيير لاتغيره الا وكالة

هذه الاشيا مافيها لعب
مقصات عكوس هوبات ومساعدات

هذه لاتركب الا اصلي

وانت براحتك

بالتوفيق

[THE SILVER ACCORD]

أهم شي حاول تتجنب الحفر والمطبات

أو امش على المطبات شوي شوي

لا تاخذها سفري :d " لا تاكل المطب وانت مسرع "

كذا بتطيل عمرها سواءا كانت أصلي أو ياباني

* لا تغيرها إلا بعد ما تتأكد مليون بالمية أنها خربانة

[TheDreamer]

انا غيرت kyb ياباني الامامي يسار وما كمل معاي اربعه شهور
وشكلي بشتري اصلي
بس احب اسال عن مونورو هل كويس ويمشي سنتين

[جاكي2]

السلام عليكم
شيك على جلد المقصات بالأول ومن ثم فكر بتغيير المساعدات
لان في ورش اهم شي عنده فك وركب
ودمتم سالمين

[mydesign]

جلد المقصات ماتجي الا مع المقص كامل ( الاصلي )

[Silver Aurion]

طيب سؤال للجميع

كيف اعرف ان المساعد سليم ولا لا

بغض النظر اني اكشفها عند واحد مختص .. يعني اقدر احس فيها و انا امشي ؟ :d

[K H A @ L I D]

طيب سؤال للجميع

كيف اعرف ان المساعد سليم ولا لا

بغض النظر اني اكشفها عند واحد مختص .. يعني اقدر احس فيها و انا امشي ؟ :d

اكيد تحصل نفسك راكب سيارة موديل 80 معا المطب سيارتك تنقز هع

وعادى افحص في الوكالة وشوف ايش يطلعولك من عيوب

ان شاء الله اكون افتدك بشئ لو بسيط