يا شباب فزعتكم سيارتي أكورد (2005)
يا شباب أنا توني شاري أكورد 2005 ما شية 200ألف يعني لي تقريباً شهرين شاريها
لكن أبي فزعتكم في بعض الأشياء خاصة أني سمعت أن الهوندا حساسة و تبي دلللللللللللللللللع
و المشكلة أنها جت بعد سيارتي الحبيبة الصابرة كورولا .:(
استفساراتي يا شياب :
1- أول ما شريت السيارة غيرت السير و زيت القير و فلتر الهواء و البواجي ؟ فيه شي غيرها يحتاج تغيير ؟
2- وين أحصل مكان للصيانة كويس ودي أشيك على السيارة من الصدام للصدام ؟ وكم تكلفته تقريباً ؟
3- أسمع صوت إذا مشيت فوق ال 100 زي الصفير الخفيف هل ممكن أنه من الهوبات خاصة أن الفرامل كنها تقول غيرني :d؟ و لا من المكيف هذا الصوت ؟
4- طيب إذا بغيت أغير الفحمات وين أحصل ورشة متخصصة في هوندا في الرياض ودي تعطوني وصف لها ؟
آسف أني طولت عليكم و غثيتكم
محبكم أبو حمودي
إول شيء الف مبروك السيارهـ و الله يعطيك خيرها و يكفيك شرها ..
بالنسبه إذا تبي ورشه متخصصه لـ هوندا فيه بالصناعيه القديمه
الوصف و إنت نازل من الدائري الشرقي متجه لـ الصناعيه
تعد الاشارهـ الاولى بيجيك الكبري الحديدي روح معه اول ما تنزل بيجيك
جسر مشاه إول ملف بعد الجسر ادخل يمين تحصل ورشه على اليسار
بأسم الجنوب وآضحه و متخصصه في هوندا فقط ..
إنا مسوي عندهم الفرامل كامل بسعر حلو و رخيصص و يشيكون لك على
السياره كامله ..
و إن ششاء الله ما يخيبون الظن , و الله يوفقك
مشكوووووور أخوي عبدالعزيز على الرد
طيب استفسار ثاني البنزين وش أحسن للسيارة 91 أو 95
انصحك بالبنزين 95 افضل للسيارة من ناحية الحفاظ على عزم السيارة
واذا على التشييك اذا انت حاسس انه في خربات و واصوات افضلك انك تروح تفحصها في الوكاله ب 250 فحص ميكانيكا شامل
افضل من شغل التجارب ويمكن يزبط ويمكن لا بعد ما تطلعلك النتيجه صلح لعى راحتك وعشان مايجيك ابو يمن يتفلسف عليك.
ابو حمودي انا برضني اشتريت حقتي زيك بس انو قبل 5 شهور .. ومن يوم استلمتها السياره تتشاهد تقول لجل الله عبيني بنزين :>
مدري صاحبها كم كان يعبيها بس انا باعبيها 91 الفل اظن اظن كده 26-27 وماشاء الله تمام وحسب الدعس يخلص .. انا من نظري 91
مشكووووووووووور أخوي
معسل
و أكورد مودي
على الرد
ضوابط المشاركة
رد مع اقتباس
مواقع النشر (المفضلة)