السلام عليكم أنا السيارة جلد وأبغى أحافظ عليها
المهم الاكياس بيني وبينكم ماتصلح مع الحر أول شي ثاني شي والله ماترتاح في السواقه مع الاكياس
فجاتني فكرة جهنميه رحت محلات القماش ( لأني ماحصلت في محلات التنجيد قماش ناسبني ) وأدقلك بذاك القماش الشتوي يستخدمونه لتفصيل الثياب:d أخذت لفه كامله قالي راعي المحل وش تبغى فيه بتفصل ثياب قلت لا بلبسبه السيارة قالي مجنون أنت:d ماينفع وروح عند محل التنجيد ونفس الكلام قالولي أنت مريض ماينفع ( وش أسوي محلات التنجيد أقمشتهم زي وجيههم ) واخر شي قلت ياحبيبي أنت فصل وركب سيارتي والا سيارتك والله واشتغل وهو معصب مني يقول ذا مو صاحي ويوم خلص ماشاء الله
طلع على كيف كيفك واللون أسود لاني ناوي أخلي السيارة من داخل سبورت وركبوا معي الشباب ماصدقوا من داخل انها أكورد
اسف على الاطاله وهذا أنا أشوف انه أفضل شي لتنجيد المقاعد والمحافظه عليها والحمد لله لايمص القماش حرارة ولاشي وان شاء الله أنزل صور للتنجيدة قريب
وشكرا