الهوندا القديمه افضل ... !! صج ولا مو صج

**راعي اربعه سلندر** · 16-08-2010, 06:43 AM

اول شي سلام عليكم ..... و مبروك عليكم الشهر يا الغالين

بصراحه انا اول مشاركه لي في هل المنتدى الغالي انا من زمان كنت ادخل بين الحين و الاخر المنتدى
بس ما كنت اشارك

بس اليوم حبيت اطرح موضوع يا شباب و لا اتلوموني مو مني من القهر لي فيني

الوكالة عبد الله هاشم يا خي وربي شي يقهر قبلها ليش كتبت اسم الموضوع لنا جد هذا الي حسيته كانت عندي هوندا قديمه موديل 2000 و ماشيه لحد الحين موجوده عندي بس حبيت التجديد و اخدت هوندا 2009

طبعا اول ما طلعتها من وكالة كانت فيها حذفه جهة يسار خفيفه المهم كملت عليها ولا كنت مهتم لنا ما كن عندي وقت اوديها الوكالة المهم يوم مشت حوالي عشره الاف قررت اوديها لنا كان عندي صوت مثل الطقطقه قدام خصوصا لما امسك بريك صوت عور مخي جاب لي الهم

لدرجه كل من يركب وياي و يسمع الصوت ايقول وش هل الصوت صرت ارفع على المسجل عشان لا احد يسمع الصوت و غير صوت لي من ورا مثل صوت الصرصره

المهم وديتها الوكالة :o و دخلت قالي المهندس كل شي راح يتعدل من حيث صوت الي قدام و الي ورا و قلت ليه الحذفه ... قالي لو جبتها و هي ماشيه الف كان ما عليه لكن الحين ما اقدر غير اخد عليك 260 ريال قيمة وزان

قلت ليه وش اتقول انت قالي هذا النظام قلت ليه لا تصلحها هم شي الي قلت ليك عليه المهم قالي السيارة راح اظل يومين

قلت له عادي اهم شي اخد سيارة تمام قالي لا ما عليك

اخدت السيارة بعد يومين ولا كأني قلت شي الاصوات نسها نفسها و الحين مو عارف وش اسوي ارجعها لهم و اظاهر هذا الي بصير و غير كذا صابر على المكيف الحار والله ان مكيف الاكورد القديمه ابرد من اكوردتي دي الجديده و سألته قالي لا هو كذا مكيف الاكورد يا جماعه ترا انا محبط نسيا و افكر ابيع السيارة بعد كله من هل الوكالة الخايسه و هل المشوار والله حبيت انقل ليكم قصتي و اسألكم وش هل الصوت لي يطلع قدام من جهة الكفرات طقطقه و تقوى الطقطقه لما امسك بريك و المهندس يقول ما فيها شي سيارة ... و اسمحو لي على الاطالة بس حبيت انقل ليكم قصتي و اشارك معاكم

**lonly style** · 16-08-2010, 01:41 PM

حبيبي سيارتك انشالله مافيها الا العافيه ومكيفك مافيه الا كل خير

المكيف محلول انشالله تاقاه الفلتر يبغ له تنظيف او تبديل ..

الصوت هدا وديها الوكاله وخليهم يصلحو اي صوت ولا تستلمها الا بعد بحث وتمحيص شديدين وانشالله امورك كلها ماشيه وكل المشاكل بسيطه ترى لا تشغل بالك ولو احتجت اي شي راسلني على الخاص تعرف خبرتي الطويله السياره عندي من سنتين هههههه

**lonly style** · 16-08-2010, 01:44 PM

على فكره ما يخفى عليك مكيف الاكورد القديمه ابرد من الجديده ترى مكيف الجديده احسه طربات ...

موديل 2002 احسه بارد واجد .

**عبـدالعزيز** · 16-08-2010, 03:32 PM

و الله اللي انا اشوفه القديمه افضل بكثير انا معاي 2002 ولله الحمد مع ان فيها خرابات شوي

ناوي اصلحها , بس راضي جدآ على ادائها و كل شيء فيها ..

مثل ما قالو الشباب روح لـ الوكاله و انشب فيهم لا يطلع الموتر الا بعد ما تتأكد أن كل شيء تمام

و خلهم يعبون لك فريون جديد مع تنضيف فلتر و شوف ان ششاء الله يتغير الحال

و بالتوفيق

**Pink Dream** · 16-08-2010, 03:51 PM

ياشباب كل واحد يمدح موديل سيارته !!!

انا اشوف وانت تشوف !!!

الحذفه دي غلطتك لانك ماوديتها من صيانة الالف ...

انا وديتها وسوها ع الضمان ع طول ,,,

صوت مع الفرامل دا اكيد من الفحمات والهوبات ,,,

اصوات طقطقه المفروض الضمان يسويها لك ,,

افضل حل ترجع للوكاله وتكلمهم ولا تسكت ع حقك ,,

**فـــيـــصـــل..607..** · 16-08-2010, 07:11 PM

اقسم بالله الموضوع ذا على بالـي

ولو حطينـا استفتـاء وش الموديلات إلي بالأكورد اقل في الخرابات والتكلفـه بغض النظر عن الشكل ولو إن الأشكال مقبوله مره

من 2005 وتحت و 2006 و 07 و 2008 إلي 2011 ونشوف وش يطلع عليـه

انا من نظري إن 2005 وتحت

اقل خرابات واقوى عزم وثبااات

وكلام راعي الموضوع صحيح في مسألة التكييف

**راعي اربعه سلندر** · 20-08-2010, 10:33 AM

مرحبا يا جماعه و مشكورين على الردود

وديت السيارة الوكالة و قالي المهندس بشيك عليها ... و اتخلص بكرا

رحت له استلم السيارة يقول لي لا ماكو الا الخير و السيارة تمام التمام وما كان فيها شي ابد شحمناها من تحت و كل شي اوكي طلعت بسيارة تمام وصلت البيت و بعد يومين رجع الصوت

مع العلم اني اكدت على المهندس ان ما فيها شي و الحل يعني احرق السيارة اولع فيها