الموضوع: إستفساراتي بسيطة وإن شاء الله ماتقصرو <<ادري امون هع :d

سلام عليكم ورحمة الله تعالى وبركاته

طبعا الكل دحين ماهو فايقلي يستنى المغرب بس يأدن
عشان يبرد الريق بشربة هنيه من موية زمزم في زبديه :o
ولا ديكا السوبيا الباااااردة اللي تثلج الصدر
ولا الشربة والسمبوسه المفروم وشوية ليمون وشُربة حب تمسك البطن بعد الجوع الاليم << اقول والله لو ماتروق بتنشات من المنتدى(((تنـشات ولا تنـمسنجر :d
_______________________________________

المهم حبايبي انا عندي كم استفسار ارجو الرد عليها واشفاء غليلي <<الله اكبر يا غليلي

والصراحة ماني عارف هيا اشياء صيانه ولا الكترونيات ولا اكسسورز فقلت بس ارزعه فيذا وان شاء الله القى اهم شي الاجوبة الطيبه من الوجيه الطيبه

بسم الله :ـ (( سيارتي اكورد 2005 لولي ))
:o:o ستة إستفسارات :o:o

1/ الاسطب اللي قدام يوم اني اوقف قدام السياره واخلي السياره في وجهي والنور حق الاسطب على الناعس الاحظ اليمين اضعف من اليسار مع ملاحظة انو اليسار فيه زي البهتان او الغبار بينما اليمين تحسه ماشاء الله قزازه نظيفه (( هل يا ترى اغير شمعة اليمين ولا افك الاسطب اليسار وأنظفه ولا ايش )) ؟

2/ البوري هو كم واحد لأنو لاحظت اليوم انو الصوت سار نحيف زي صوت الكامري كده مع انو أساسا زي الفوردات تقريبا صوت احلى من دحين

3/ من فترة واحد ركب معايا وقلي ماشاء الله سيارتك نظيفه ومن بعد مانزل يمين بالله سارت اللمبه اللي فوق في السقف من جهة السواق ( من جهتي ) مره تشتغل وعشره لأ .. طيب دحين تقريبا كملت شهرين بطلت مره تشتغل بكم سعرها وهل لو غيرتها يكون هيا اللي انحرقت ولا يكون التماس (( يعني عشان لا اروح اغير وتكون الهرجة هرجة التماس ومهما غيرت كل مره لاسمح الله تنحرق ))

4/ عندي الاسطب اليسار كمان اليسار .. اللي هو في نفس البدي مو في الشنطه :dان شاء الله تكونو عرفتوه .. عندي دحين لونو سار احمر فاااتح ((بههت)) طيب يكون الشمعه ضعفت اغيرها ولا على قول واحد من اصحابي لانه اسطب تجاري
**لأني أشتريتها مستخدمة فمدري هو غير الاسطب ولالا**

5/ والله ادري زودتها بس اني تقيل زي العسل على قلبكم <<ابو الثقه اللي كده
مممممممـ ابغا اعرف القلم حق التنقيط من فين الاقيه وبس

6/ ملاحظة (( ياريت الله يرضى عليكم تدولونا في مكة المكرمة عن أفضل ميكانيكي وكهربائي يفهم للأكوردات ))

____________________________________
وربي يسعدكم والله اني طولتها وهيا قصيره بس عاد عوااافي :o
وربنا يتقبل صيامكم ويعينكم على التراويح وصالح اعمال البر