المشاركة الأصلية كتبت بواسطة سامر الليل
السلام عليكم و رحمة الله
سيارتي :تويوتا أوريون - جراندي
موديلها : 2008
العداد :+ 47 الف
المده من الشراء : سنتين و يوم واحد
----------------
قبل لا أشتري الاوريون كنت بامووووت من الحيره مع " أكورد " لأنها رسمية أكثر من " أوريون " اللى يغلب عليها الطابع الرياضي
المهم , كان الفيصل بين السيارتين ( المحرك )
و الحقيقه كان صعب أدفع فوق 100 الف ريال لمحرك 4 سلندر لأني كنت أملك سيارة 4 سلندر !! فكانت " أوريون "
طبعا واجهت بعض المشكلات المعروفه في ( أوريون / كامري ) مثل صوت الديكور , بس حليتها بنفسي و في دقائق
المهم , لما تجي تقارن بين أكورد - أوريون من ناحية " بعض " العيوب الفنية البسيطة , ترى ما فيه فرق كبير
- العزل في سيارتي " جيد " و ما أشوفه سئ , لكن أعتقد أنه أفضل في " أكورد "
- العزم ما تقدر تقارن مع 6 سلندر , بس الشباب يقولو مستواها مثل الكامري , طيب الكامري على أنه 157 حصان لكني جربت أقوم مع كامري , و الله من الصفر انه يمشي جنبي الين الـ 60 , بعدها اتقدم عليه بشكل تدريجي
يعني انا صراحة تفاجأت من مستوى الكامري , و اذا كان مستوى أكورد مثل كامري , فالحقيقه مستوى جبار لسيارة 4 سلندر
- الفرامل موديلات 2007 و 2008 في أوريون معظمها كان فيها رجة مع الفرامل
تصدق أنا خرطت الهوبات و السيارة ماشية 9700 كلم ( تسعه الاف و سبع مائة كيلو !! )
لكن , للأن و الفرامل ممتازة ( شوف الممشى فوق )
با ختصار ياعزيزي
كل السيارات في السوق فيها سلبيات تقريبا متشابهه , لا تضيق صدرك , فيمكن تبيع و تاخذ غيرها و تطلع لك نفس السلبيات
و أقسم لك بربي , كنت راح أبيع سيارتي و اشتري " أكورد " بس بعد البحث عرفت أني ما راح أوصل لمفهوم " السيارة الكاملة " لأنها خرافة
البعض يقول المرسيدس ما فيه أصوات , أقولهم سوقو المرسيدس في شوارع " جده " و اسمع أحلى " السمفونيات " الالمانية , طبعا موكل المرسيدس , زي انها مو مثل كل التويوتا !!
أقنع بسيارتك و أصبر , و ستتعود عليها مع الوقت
samir
رد مع اقتباس
مواقع النشر (المفضلة)