مطلللللللوب فزعه اهل الرياض

[اكورد9919]

مساكم الله بالخير
سؤال سريع حبيت اعرف وين حي الخنشليله(حي الغبيره -شارع الستين)
علما باني في شرق الرياض
احتمال تكون بعض الاسماء فيها خطا كلمني يماني وتعرفون الكلمات كيف
الرجاء الرد باسرع وقت ممكن وذلك للظروره
وشكورين:o

[اكورد9919]

مع العلم انا من الشرقيه ولا ادري وش الطبخه

[محتارهوندا]

هلا بك أخوي
خنشليلة اسم شعبي قديم لحي الفيصلية لم يعد الحي يعرف بهذا الاسم
وحي الفيصلية أو ( خنشليلة ) حي عشوائي قديم وتكثر به الجرائم وسكانه 100% أجانب مخلط وشارع الستين المذكور قرب شارع غبيرا وأقرب مكان له الصناعية الأولى أو تجيه من الدائري الجنوبي طريق الخرج شمال ثم من أسفل الكوبري وأول إشارة تروح يسار .
وإذا بتجي حياك الله راسلني وأبشر بالفطور وأوديك مجانا بس تآمر عزيزي

[اكورد9919]

تسلم اخوي مشكور وما قصرت
بس ابي اعرف اروح مع مخرج 18 ولا كيف
ومشكور على معلومه تاريخ الحي
خويك اعليمي مايدري وش دايري جنوبي وغيره حدي الملك عبدالله والدايري الشمالي (خط الشرقيه):d

[محتارهوندا]

إذا تبي الشارع لغرض يخص السيارة آمر تدلل وأدلك على أفضل من هالشارع الكئيب
وإذا لك مشوار خاص . أشور عليك لا تروح بسيارتك لسببين 1- الموقع بعيد عن الدائري الشمالي 2- زحمة شديدة جدا خاصة في الليل وهناك البقاء للأقوى يعني موترك جديدلاتروح , خذ ليموزين

[اكورد9919]

إذا تبي الشارع لغرض يخص السيارة آمر تدلل وأدلك على أفضل من هالشارع الكئيب
وإذا لك مشوار خاص . أشور عليك لا تروح بسيارتك لسببين 1- الموقع بعيد عن الدائري الشمالي 2- زحمة شديدة جدا خاصة في الليل وهناك البقاء للأقوى يعني موترك جديدلاتروح , خذ ليموزين

والله حيرتني كيف يعني بروح لمحل شحن وصلني غرض لازم استلمه اليوم فيه طريق سهل على الدايري الشرقي ولالا 18:(

[محتارهوندا]

خلاص رح مع 18 وأنت جاي من الدائري الشرقي مع 18 يمين وابتل حتى تصل تقاطع على ابن ابي طالب ثم رح يسار وأول إشارة يمين هذا هو شارع الستين

[اكورد9919]

خلاص رح مع 18 وأنت جاي من الدائري الشرقي مع 18 يمين وابتل حتى تصل تقاطع على ابن ابي طالب ثم رح يسار وأول إشارة يمين هذا هو شارع الستين

مشكور وما قصرت احس انها اقفلت معاكلازم تتحمل شوي:d

[B 5ob3aH]

محل الشحن اللي بنخشليله اكيد انه الزاجل :d

هذا قبل مخرج 20
مخرج 20 اللي هو مخرج حي خنشليله

[EBrA]

هههه مانصحك تروح هناك
زحمه وكله عمال واجانب
رح على تاكسي اضمن لك

[الـمـسـافـر]

انا ابي اعرف وش دخل خنشليله بحي الفيصليه

شركه زاجل للشحن تجي مع الدائري الشرقي على الجنوبي واذا جاك مخرج 20 (معن بن زائده) تلقاه قبل المخرج بـ 500 متر على يمينك

[Doabil]

و الله تكسي
أقلها راح تحس انك مبسوط كل ما واحد حد على التاكسي و انت دافه ٢٠ ريال
لأن هناك اذا ما كان عندك همر لا تروح :d

[اكورد9919]

مشكورين ع الردود وراح اخذ سياره البيت
جراند مركيز تنفع ولالا (بركب صدامات دوريه ورا وقدام)وباخذ رشاش معي................:p