هلا أخووي أول شي ثلاث علب كافيه ليش تزيد معروفه زيت القير ثلاث علب كامله ولا تزيد فيها شي ليش يروح يزيد وأنشاء الله ما فيه ألا العافيه أنت حلله وأمشي عليه 5 ألف وشيك عليه شوف فيه أو لا وانشاء الله ما فيه مشكله وبتوفيق أخوي.
السلام عليكم كيفك يا اعضاء
اليوم رحت ورشة في الصناعيه حقت الرياض عند ورشه معروفه اسمها هوندا و المدير حقه اسمه عبدالجبار على معتقد معروف مره
المهم جبت لهم ثلاث علب زيت وكالة و فلتر قير
بعد ما تم تغير فلتر القير وكل شي ركب الزيت ثلاث علب قالي الزيت ناقص قلت اوكي حط من عندك
جاب له زيت من نفس العلبه لاكن لونه يتخلف ما انتبهت له الا بعد ما صب منه قدر بيالة بس الزيت مو احمر
طبعا عصبت وكلمت المدير حقهم قلت هذا مو زيت قير قال عاتي مافيه مشكله هذا زيت دركسون ما يئثر لو ركبت منه شي بسيط كا زياده
وش رايكم انتو اغير الزيت ثاني مره ولا وش اسوي
رجااا الي ما عنده خلفيه لا يرد ويخربط علي
هلا أخووي أول شي ثلاث علب كافيه ليش تزيد معروفه زيت القير ثلاث علب كامله ولا تزيد فيها شي ليش يروح يزيد وأنشاء الله ما فيه ألا العافيه أنت حلله وأمشي عليه 5 ألف وشيك عليه شوف فيه أو لا وانشاء الله ما فيه مشكله وبتوفيق أخوي.
حبيبي كيف اشوف فيه او لا
انا ناوي اروح اغيره بعد شوي
هذه مايبيلها تحليل زيت , غير ومايضرك شيء بإذن لله
كلها 182 ريال بالوكالة , وانت واقف ماياخذ منك وقت
يعني تدفع 182 ريال ولا تغير قير كامل. !!
:(
اخي الكريم
المفروض يزيد لك زيت من نفس العلبة وبعدين الاخ اللي في ورشة هوندا هذه سيء وراح يدمر القير عندك
ميزانية الزيت بالنسبة للقير تختلف القراءة وهي حارة عن وهي باردة
1- في الصبح وقبل اي تشغيل لازم يكون الزيت واصل للنقطة الثانية
2- اذا تم تسخين المحرك في الصباح الين ترتفع الحرارة الى الحرارة الطبيعية وتطفيها وتنتظر دقيقة وتفحص الزيت راح تلقاه بين النقطتين وهذا طبيعي لازم الزيت دخل داخل مسارات الزيت وداخل الطنجرة وتوزع داخل القير
3-اذا سخنت السيارة بعد ما مشت مشاوير واجد وهذه اهم نقطة راح تلقى الزيت وصل للمؤشر الثاني
الشخص اللي يعمل في ورشة في الصناعية هذا سوى خطأين مدمرين
الاول : انه غير لك الزيت وقال لك ناقص والمفروض ينتبه للثلاث نقاط اللي انا قلتهم فوق ويوزن بعد التاكد من حرارة السيارة
الثاني: انه عبى لك زيت من نوع مختلف في الكثافة طبعا صحيح زيت القير هو نفسه زيت الدركسون لكن في هوندا الوضع يختلف
زيت الدركسون كمادة كيميائية ما تقدر تتصرف ولا تتحمل ضغط او حرارة مثل زيت القير الاصلي حق هوندا لذلك اخي المفروض انه يقول لك جيب علبة زيادة
نصيحة لك روح الوكالة وبدل الزيت قيمة التبديل 182 ريال وخلي الفني يوزن العيار مثل ما قلت لك
1- اذا باردة الصبح ما تحركت نهائيا المفروض الزيت على المؤشر الثاني
2-اذا تم تسخين المحرك لمدة خمس دقايق وتم اطفاء المحرك راح تلقى الزيت بين النقطتين
3-اذا سخنت السيارة بعد مشاوير كثيرة جدا المفروض تلقى الزيت على النقطة الثانية
قريبا اكيورا فخر صناعة هوندا الامريكية على هوندا العربية
اكيورا RLX 2013
يعطيك العافيه اخوي
رحت الوكاله اليوم و ظبطوه لي ثلاث علب فقط
هل فيه شي اسويه بعد كذا
الحمد لله أنك وديتها الوكاله لكن انا ابغى أعرف ليش يقول لك الزيت ناقص المعروف عند الوكاله أنه ثلاث علب كامله وشفت انت بنفسك الوكاله حطت لك ثلاث علب كامله
لكن الحمد لله على السلامه وما حصل الا خير.
^^
حبيبي شكلك ما فهمتني
انا غير الفلتر و الزيت انا جايب معي ثلاث علب ركبها كلها قال ناقص شي خفيف صب فيه يمكن فنجال او بياله من الزيت من عنده
مواقع النشر (المفضلة)