مشكلة جير الاكورد 2004 في التغير من الثاني ؟؟

[o0o snake o0o]

السلام عليكم ورحمة الله وبركاتة

عندي مشكلة بجير الاكورد موديل 2004 ظهرت من قبل 3 أسابيع التغير من الثاني إلى الثالث مدري الثالث الى الرابع فيها نتعه..

وطنشت إلى أن ظهرت لي مشكلة وأنا ماشي مارضيت تغير وعداد الظغط ارتفع واقدر اوصله الى 6

وقفت وطفيتها وشغلتها ومشيت الامور وديتها الى الوكالة وشيكوا عليها بالكمبيوتر وطلع حساس وطلبوه وغيروها

وغيروا معها زيت الجربوكس وبرضه نفس المشكلة التغير من الثاني الى الثالث فاصل ما يوصل تسمع عداد الظغط يرتفع ..

طبعا زيت الجربوكس اسود لمن غيره ويقول معاه زي القطع السوداء كمان

قال الفني لازم توضيب او تشيك على الجربوكس يمكن الكلتشات الوكاله في تبوك ما عندهم توضيب.

قريت موضوع الاخ متصفح الله يجزاه خير وبغير فلتر الجربوكس ان شاء الله اليوم الصباح.

ايش رأيكم وين المشكلة ؟

[بقايا حب]

يفيدونك الشباب ان شاء الله
بس شيك على حساس القير وعلى الفلتر حق القير طبعا القطعه تكون داخليه خليهم يكشفون لك عليها شوف يمكن منها

[o0o snake o0o]

مشكوور أخوي انا اليوم غيرت الفلتر الخارجي للجربوكس وبرضوه المشكله موجوده ..

ماادري افحص الجربوكس عند واحد متخصص ولا شلون التغيير نفسه الاول والثاني والثالث مايغيره..

ولا أغير الجربوكس من التشليح ؟؟؟؟

ومشكورين مقدما..

[متصفح]

انت غيرت الزيت ولقيته اسود وفيه شوائب شكلك ماشي عليه كثير

اكيد الفلتر الداخلي متسدد غير الزيت مره ثانيه بعد كم يوم وشوف وش يصير معك ...واصبر على الفلتر الخارجي كم يوم يفلتر الزيت ...

وممكن تتجه للحل السهل وتغير قير من التشليح لكن راح يكلفك

موفق ان شاء الله...ومبروك عليك الشهر

[o0o snake o0o]

مشكوور اخوي متصفح .. وكل عام وأنتم بخير.

بالنسبة للسيارة مشيت فيها اليوم نفس المشكلة اللهم انها صارت تغير الى الثالث بس مرات ومرات بكيفها الى درجة ان الريوس ما صار يرجع السيارة وكأنك حاطها n لمبة d بدت تولع اخضر باستمرار هذا يدل انو الحساسات فيها مشكلة مع اني مغيرها جديدة (الحساس الصغير) بفحصها بالكمبيوتر السبت ان شاء الله ونشوف ..

الفلتر الداخلي على حسب ماقريت انو ما يتغير الى اذا فكيت الجربوكس وهذا اخر الحلول عندي وما ابغى اوصله ..

اذا عندكم حل تكفون السيارة الى الاسوا..

[o0o snake o0o]

اليوم فحصت السيارة عند الوكاله كمبيوتر وطلع حساس الكلتشات الي في الجربكس طبعا قيمة 1300 ريال بالوكاله قولتكم اتوكل على الله ولا اشوف التشليح ايش رايكم؟؟؟ اشتري حق الوكاله اضمن؟؟؟

[هـ ط ب 0505]

هـلا ُ بكم ُ~

انا ع‘ـندي هوندا أكوردُ 2006 طلع ع‘ـندي نـفس ُ المشكله ُ منُ قبل اسسبوع ُ ~


اول ُ شىء ُ اللمبه الخظراء تاشر دايما ُ ~

سواء ُ حاطه بالـ p ولا بالـr

دايما تاشر ُ ~

اذا عشقت لـقدام او ريوس فيه طقه قوويه بالقير

اذا مشيت قدااااااام ماتعشق الا عند الـ80 و او 100

اذا حطيت الريوس ماكان به عزم لازم ادعس بنزين

والا الحين ماسويت شىء ُ بس اضفت زيت ُ القير ُ

شوفوا لي حل يالربع

~

[o0o snake o0o]

نقس الحالة اللي عندي تسمع صوت اول ماتعشق؟؟؟

مادري وش الحال مع التعشيقات؟؟

[فـــيـــصـــل..607..]

السلام عليكم ياشباب

انا مرت على نفس المشكله

سأطرح سؤال لصاحب الموضوع

المكان إلي فيه بتبوك تستخدم القير الثقيل واجد

تنزل لـدي 2 واجـد

يعني تتب القير ؟


انا صارت لي المشكله يوم سافرت الجنوب بالضبط إلي تقول عنهـا

غيرت زيت القيـر وكان فيه سواد بس الأحمر لونه هو الغالب

وغيرته ورجع كل شوي اوكيـه

بعد ثلاث ايام

يعني مو اول ماغيرت زيت القير..

ورجعت التعشقيات سلسه وهاديـه

موفق واتمنى تلاقي حل للمشكلة

[o0o snake o0o]

مشكوور اخوي فيصل وتبوك مافيها طلعات بس من زمان ماغيرت زيت الجير ..

وديت السيارة فحصتها كمبيوتر عند ورشة ثانية وماطلع اي شي في الكهرباء توكلت على الله ودخلت السيارة ورشة ترايستار قال تقريبا الكلتشات راح يفك الجربوكس ويشوف ايش المشكلة بالظبط ايش رايكم؟