سعر الكارتير من الوكاله 900 بعد الخصم
وانتبهوا ياشباب اذا غيرتواالزيت عند غشيم والافضل تغيرونه والسياره بارده
كلفني الموتر حدود 1500
السلام عليكم ورحمة الله وبركاته
اخواني لاهنتووووا بكم سعر الكارتير
اكورد 2009
خربه حق غيار الزيوت
وشكرا
سعر الكارتير من الوكاله 900 بعد الخصم
وانتبهوا ياشباب اذا غيرتواالزيت عند غشيم والافضل تغيرونه والسياره بارده
كلفني الموتر حدود 1500
يا رجال خلها على ربك نص اللي يغيرون زيوت غشمان انا حصلي نفس وضعك بالضبط صار فيه تهريب ولا غيرته اللهم سويت له لحام وباقي عال العال ودائمآ انا انزل مع حق الزيوت اذا صار يغير لأنه اذا عرف ان فيه واحد فوق راسه بيشتغل عدل لكن اذا صار لحاله بالطقاق السياره مو سيارته والفلوس مو من جيبه
والله انا كرشته كرش وبغيت اجيب له الشرطه لكن رمضان قلت اجل ادفع خذيت منه 300 وقيمة السطحه و علب الزيت والسيفون
والباقي دفعته وواحد من الشباب قال بقط معك 200 عنه
والحمد لله
وديتها عند ورشة بام الحمام متخصصين هوندا قالي لا عاد تغير الزيت الا عندي واي شي يصير انا اصلحه على حسابي اهم شي جب زيتك
وودي اعرف سر انهم مخلين هالقطعه الحساسه ضعيفه بهالشكل يعني لو تضرب حصات او اي شي ولا انتبهت للتسريب عز الله راحت عليك المكينه
ما اقول الا حسبنا الله ونعم الوكيل
لازم يااخوان اي احد بيغير زيت
لا يروح للاستراحة ويشرب شاي
ويلهي نفسه لا ياحبيبي قبل ماتتروش
روح للبنشري وانزل معه الحفرة خله يشك في نفسه
واذا شفته ماسوى شغله تمام وانتا تحت اصفقه على راسه لين
ينتبه ويسير يشتغل بانتباهـ وفي بعض الاحيان السرة مايقفلها لك
ويحطها مشي حالك شوي الا والمكينة ماتت
الله يعينك وهذي نصيحة مني لك لازم تفتح عينك على اي احد
بيسوي لك شي في السيارة
والله يوفق الجميع
الله يكون بعونكـ
وش حادكـ على البناشر او ابو يمن
ودها الوكالة وكلها 110 ريال زيت وفلتر + يشيكـ ع السوائل وانت حاط رجل على رجل
وضمان يـ 3 اشهر ولا 10.000 كم
تحياتي لكـ
الوكاله مشكله مشوره وزحمه ليتها قريبه عندي وانا انسان مشغول
والا اذا فضيت ما اغير الا عند الوكاله والرياض انتم عارفينها يروح يومك كله عشان تخلص مشوار
ياعزيزي
روح للاقرب مخرطة يظبطون لك الكارتير
وما اعتد انه بياخذ اكثر من 30 ريال
طيب نورونا وش مشكلة الاكورد مع البناشر ،،، البعض يقول انزل الحفره طيب نزلت وش عرفني شغله جيد ولا لا
وبعدين الرجال راح عليه الكرتير بسبب البنشري طيب ممكن نعرف كييييييييف اذا كان السبب واضح ليه انا اتحمل غلطه البنشري مافيه حكومه في البلد
هي المشكلة لما يشد على المسمار حقت الصرة
لها وزنية معينة لما تقفلها بحيث لا تشد كثير ولا ترخي كثير يعني تقفل باللي يكفي انه يسد الزيت وايضا يحافظ على الكارتير
اما ليش هي ضعيفة في الواقع الكارتير مو ضعيف اللي ضعيف هو السنن الصغيرة اللي على الكارتير لانها مجرد ملميترات وايضا كل السيارات في الدنيا كذا وحتى المحرك لما تغير البواجي لها وزنية اقفال بحيث انك ما تاذي السنن اللي تمسك البواجي لان السنن مجرد مليمترات
كونك حطيتها عند بنشري عادي فهذه معناها بتروح عليك في الغالب
الوكالة افضل او مراكز بترومين اكسبرس ايضا جيدة
قريبا اكيورا فخر صناعة هوندا الامريكية على هوندا العربية
اكيورا RLX 2013
مثل كلام بلال بعض المرات يشد على الصره وتروح عليك السنن وبعض المرات يكون التركيب
غلط وبشكل مائل وتروح عليك السنن والكارتير يعني الافضل يربطها باليد وبعدين يستخدم المفك
نفس الفكره في الجنوط لما يجيك يربط الصواميل بالمسدس لازم يربطها باليد وبعدين يستخدم الجهاز عشان مايكون التركيب بشكل مائل وتروح السنن
لازم تنبهوا العامل لهذي النقاط
ذكرتوني بسالفة واحد من الشباب شغال بصيانة تويوتا ،،، يقول جاهم فريق يابانيين تقريبا 7 اشخاص عشان خلل مصنعي ظهر في حوالي 300 جيب ربع (مو صيانه هاشم عبده هاشم) ياخذ معهم الجيب الواحد من اول مايبدون فيه حتى ينتهون 13 دقيقه يحلف ويقسم خويي على ذلك بما في ذلك فك الدفرنش الامامي !!! .... الشاهد من السالفه ان طريقتهم لتركيب الكفر وشد الصواميل هي يالجهاز العادي زي اللي عند البناشر لكن الفرق انه يحتوي على ساعه عشان ماتشد اكثر من اللازم
انا صارت لي المشكلة وانا ما اغير الا فالوكالة وقاموا يبون يلزقونها فيني و نشبت فحلوقهم وصورت السيارة وهي ع الرافعة وصورت كل شيء لان الكارتير انطق ولما شافوني ناوي لهم قاموا ولزقوها فالعامل الضعيف وخصموها منه
المهم رجعت الصيانة اللي بعدها وقالوا لي العمال انهم اخذوا دورة ع الصرة وكيف تشدها....هههههههههههه
وقلت كيف قالوا تركبها حتى تنشد شوي وتوقف ما عاد تبذل جهد فوق ال 16 جول او نيوتن ما اذكر بالضبط
المهم ضحكت ع الدورة (( الصرة وكيفية التعامل معها)) ههههههههههه
دورتهم في وكالة هوندا رائعة يعطونهم مهندسين من مصنع اليابان وهم لما يحضرون بعضهم يطنش ويكمل وبعضهم يحب الشغلة ويبي يفهم ويتعلم اكثر
قريبا اكيورا فخر صناعة هوندا الامريكية على هوندا العربية
اكيورا RLX 2013
ودها اقرب مخرطة ششغل تمام ويضبطها لك ..
بعدها تبي تغير عند بنشري عند الوكاله ماعندك مشاكل ..
طبعا يلحم لك ويركب مسمار يفكه ويغير الزيت ويركبه لو يشد عليه اخر شي مايخرب عليك ..
انا مسويها عندي بالسيارة لها تقريبا اكثر من 4 شهور والحمدالله تمام ولا فيه اي تهريب ..
موفق
الكارتير مصنوع من الالمونيوم وليس مثل السيارات الأخرى حديد , لذا ينبغى عند تغيير الزيت شفطه من الأعلى وليس فك الصره ,, لأن كثرة الفك والربط على صرة الكرتير المصنوع من الالمنيوم تخلي السنن تتاكل .. ولكن يجب فك الصره كل أربعين ألف كيلو فقط مع الحذر الشديد ... عشان المواد المترسبه وبرادة الحديد تنزل مع هذه التغييره ..
تحياتي ...
الي تقول اشفط الزيت بدال انك تفك الصره انا اليوم مغير زيت شفط والسبب كنت مسافر والموتر تركته معى اخوي وغير زيت عند بنشري ووجاب العيد يوم جيت اغير زيت بعده قالي البنشري ترى الصره راحت فيها تلف هواء يعني ما تفك معاك ولوفكيتها لك معاد تركب صح يجي فيها تهريب مالكم بطويله انا كنت مستعجل ورايه رحله قلت قفلها بس الي ما تهرب ولا رجعت شفتلها صرفه وجيت اغير الزيت واول مره اشفطه المهم يقول باقي علبه كامله ما انشفطة لان مكينتك ماهي حقت شفط وترى باقي زيت ورواسب واسفين على الاطاله وانا بروح للمخرطه اشوف سالفته وكم كلفت واعطيكم خبر
مواقع النشر (المفضلة)