وكالة هوندا واستنزاف جيوب الناس بغير حق

**ksakiller** · 18-08-2010, 11:41 AM

السلام عليكم
كيف حالكم ياأعز شباب ورمضان مبارك عليكم
سيارتي ماشيه 40000 وقلت جاء موعدها أوديها للصيانه ورحت وانا مسوي فيها:d
المهم قابلت المهندس قالي صيانة كم قلت 40000 قال اوكي وقمت أسولف وأسأل وهو شكله مو فاضيلي :d
بعدين قلتله كم بتكلف قال 1900 سلاماااااااااااااااااااااااااااات عسى ماشر ( أنا قالولي بتكلف صيانة 40000 تقريبا 500 ريال )

قلت 1900 على وشو ياأستاذ يامحترم قال بنغيرلك الفحمات الامامية والخلفيه وبنظف البخاخات وبنغير زي القير
( هذي الاشياء أنا طلبتها على بالي من ضمن الصيانه )

قلت أجل و500 ريال على ايش برضو قال هذي تغير زيت المكينه والفلتر وتشييك بس لا ياشيخ ( اللهم اني صايم بس )طيب أنا جبت لكم السيارة يو م خلصت 20000 وش سويتوا قال اصبر أشيكلك على الكمبيوتر قال غيرنا زيت المكينه مع الفلتر وسوينا فحص بس ( بس بكل برود ) وكلفتني 410
لاياشيخ تغير زيت المكينه والفلتر وشوية فحص تكفى هذي يسويها أي هندي والا أي يماني مايبغالها
بغيت أكسر المكتب فوق راسه ايش الضحك على العالم والناس أجل تغير زيت وشوية فحص بقرابة ال500 ريال
ماأقول الاحسبي الله عليك ياعبد الله هاشم وماتشرفنا انا جينا شرينا منك أنت وأمثالك

أدري اني طولت عليكم ياشباب لكني والله مقهووووووووور وأبغاكم تفيدوني وش الحل أما أنا خلاص الوكاله مارايح أجيها بعد اليوم حتى كرهوني في سيارتي قمت أفكر أبيعها مع أنها جديدة وودع شركة هوندا دام وكيلها عبدالله هاشم
( أفيدوني الله يرضى عليكم )

**Silver Aurion** · 18-08-2010, 11:43 AM

ويحك والله غالي

بسعر صيانة 100 الف للاوريون

الله يكون بعونك طيب جرب فرع ثاني اذا عندكم و اسألهم عن السعر

**AHN** · 18-08-2010, 11:46 AM

رح غير الفحمات واخرطها برا الوكاله .,

ورح للوكاله وغير زيت وفلتر (110 ريال)

ولا ترجع لهم الا وانت ماشئ 60 الف .,

< هذا الي سويته والحمدلله كل شئ تمام .,

وشسمه زيت القير يتغير اذا مشيت 60 الف

**AHN** · 18-08-2010, 11:48 AM

+
تلقاء الموضف عفوا قصدي المهندس <<:d

حاط لط تنضيف المكينه من الترسبات و تنضيف المكيف
وشغلات ثانيه غير ضروريه .

**الوهم الاخير** · 18-08-2010, 12:31 PM

شي غير مستغرب من وكالة هوندا

**المباشر** · 18-08-2010, 09:52 PM

اذا موقعك الدمام خذ القطع وسير على ورشة السعادة بالخضريه عند اقبال وبدل عنده اللي تبي والشغل فوق الممتاز ورقم جواله 0508931743 اذا ماتغير ... واذا من الرياض ولا غيره يعلمونك الشباب عن الورش المضبوطه

**ksakiller** · 19-08-2010, 12:12 AM

الله يعطيك العافيه أخوي المباشر بس أنا من جدة ياليت تفيدوني على ورشة شغلها تمام

**Silver Aurion** · 19-08-2010, 12:48 AM

طيب يا شباب في شغله محيرتني يعني لو اسوي صيانة خارج الوكاله في ميزة مهمة راح افقدها

اللي هي تغير القطع اللي فيها عيب مصنعي ع الضمان وهذه ما تسويها الا الوكاله

يعني خلاصة الموضوع لو حسيت ان في مشكله او عيب مصنعي مالك الا الصيانة بالوكاله

اما امورك طبيعيه والسيارة ما فيها الا العافية .. سوي الصيانة بأي مركز مختص خارج الوكاله

**ashraf rashid** · 19-08-2010, 02:46 AM

الوكالة لا هم لها سوى سرقة أموال العملاء ( الزبائن )

والله أنه أغلب الأصلاحات خارج الوكالة أفضل منهم

أصلا من زين الكادر اللي عندهم

والله تحصل الصبيان اللي في الورش أفضل منهم

**خالد ksa** · 19-08-2010, 02:58 AM

ياخووي انا مثلك في صيانة 20000 قال لي السعر حول 1200 تقريبا
في شي اسمه تنظيف المكينه اسمه انجري مدري وشو ... خدمة اضافيه يقولك تحافظ على السياره قلت لهم مابيها بس سو لي تشيك قال لي تشيك وتغير الخلفي ب 679 ريال تقريبا

**foooos** · 19-08-2010, 03:59 AM

والله اني انغبنت من هالوكاله

دافع 750 ريال لصيانة 20 الف هل هذا معقول ؟؟

410 حق الصيانه والباقي حق الفحمات الخلفيه وخرط الهوبات الاماميه فقط

والزيت خارجي والله خرط الهوب بـ 135 لاحول ولاقوة الا بالله

ما اقول الا الله يعيننا على النصب بس

تحياتي

والسياره فيها حذفه وقالوا بيصلحوها وماصلحوها وغطاء فتح الشنطه والبنزين الغطاء اللي جنبه حق المفتاح طايح من يوم ماشريتها ولا صلحوه

**المباشر** · 19-08-2010, 04:20 AM

المشاركة الأصلية كتبت بواسطة Silver Aurion

طيب يا شباب في شغله محيرتني يعني لو اسوي صيانة خارج الوكاله في ميزة مهمة راح افقدها

اللي هي تغير القطع اللي فيها عيب مصنعي ع الضمان وهذه ما تسويها الا الوكاله

يعني خلاصة الموضوع لو حسيت ان في مشكله او عيب مصنعي مالك الا الصيانة بالوكاله

ابدآ طال عمرك اخوك المباشر مسحب بالصيانات مره اوديها ومرات مطنش < مش العضو خوينا :d

المهم وفي صيانه الستين نهاية الضمان سويت بلاوي على الضمان

ووصل الموتر 90 الف ووديته للوكالة وتغيير لي الدركسون والكراسي ثلاثة كلها على الضمان

وانت وشطارتك وترى كثير من الاعضاء والمشرفين اللي الوكالة ماشافتهم الا مرة وحده واتوقع نص السيارة تغير على الضمان :d

الحين الوكيل طلع بشغلة جديدة اللي هي ماتلتزم ينلغي الضمان وبرضوا انت وشطارتك

**امبراطور الاكورد** · 19-08-2010, 06:50 AM

انا ماسويت الا صيانة 40 الف واي قطعه ابغيرها الله يخلي الورش

**كوكو2009** · 19-08-2010, 07:39 AM

الحمد لله من طلعت سيارتي دخلت صيانه ...ع 1000-5000-25000..بس..والحين وصلت 80 الف .كل شي اغيره برا زيت مكينه .زيت القير ...ومشاء الله السياره زي الفل... الوكاله نصب في نصب

**هيموالمسعودي** · 19-08-2010, 07:15 PM

احمد شوف هالرابط

http://www.hondaarabia.com/club/showthread.php?t=23772

**ksakiller** · 20-08-2010, 03:05 AM

الله يعطيك العافية أبو ريمان شكرا على الرابط

**بركات** · 20-08-2010, 03:27 AM

طيب إذا ماوديتها يروح الضمان ؟؟
وبعدين كيف أعرف الأشياء اللي لازم أغيرها ؟؟

**Accordmaker** · 20-08-2010, 06:02 AM

^^^^^^^نفس السوال اللي فوق^^^^^^^

**azooz291** · 20-08-2010, 10:28 AM

الله لايبارك فيهم

دخلت سيارتي صيانة 90 في صيانة خريص وجلست السيارة 3 ايام وكان عليها ملاحظات(صوت في مكينة القزاز حق السائق)
ولا عملوا شئ حتى تغيير الزيت.اللي صار تهاوشنا واطلع السيارة لأنها ما كملت الـ90

فحسبي الله عليهم داقها مشوار من الجنوب للرياض واخرتها تيتي تيتي مثل ما رحتي جيتي.

**اكورد وبس 2007** · 20-08-2010, 08:25 PM

هههههههههههههههههههههه يارجل يازين اليماني

قبل فتره رحت للوكاله ابي اغير الفلتر حق القير الخارجي قالي 94 ريال قلت حلو طيب مهو غالي

قالي لا عادي سعر مناسب ماطول عليكم قالي كم ماشيه سيارتك قتله 150 قالي تعال بضمان 160 الف افظل

والله يستر قاعد امسك فيها خطوط بشوف وش حيسوون وفنهايه اعرف يازين اليماني شبيه ياسر القحطاني وسويها عنده

فنهايه نصاااااااااااااااااااابين درجه اولى

في اشياء عاديه غيرها بي بنشر منها زيت الدركسون ترى مره سهل كلها صره تحت يفتحها ونتهينا

ولكم كل الود لاتغير السياره مره ممتازه لاتغيرها منصحك افظل من النصاب عبداللطيف

**بلال العلمي** · 21-08-2010, 03:48 AM

اهم الصيانات

1- صيانة اول 1000 كيلو

2- صيانة 10000 كيلو

3- صيانة 60000 كيلو يتغير فيها الزيت حق القير وفلتر الهواء

4-صيانة 80000 كيلو يتغير فيها فلتر البنزين وفلتر الهواء حق المكينة وبالنسبة لموديلات 2007 وتحت يتغير فيها بواجي

5- صيانة 100000 كيلو قيمة الصيانة لموديلات 2007 وتحت 4 سلندر 745 ولا ادري عن موديلات 2008 وفوق بس هنا يتغير بلف الحرارة ويتسوى وزن بلوف اذا يحتاج ويتغير فيها طرمبة الموية والسيور والستة سلندر ايضا نفس الشي اضافة الى تغيير زيت التايمن

غير الصيانات المذكورة منت مجبر تحضرها وتحط صيانة عليها

انا صيانة 1000

وصيانة 10000 كيلو لاجل الملاحظات

وبعدها وديتها الوكالة على 50000 لاجل اغير زيت القير

وبعدها صيانة 80000 كيلو والان صيانة 100000 كيلو

**بركات** · 21-08-2010, 06:03 AM

أكرر السؤال

يعني إذا ما وديتها الصيانة يروح الضمان ولا لا ؟؟
وكيف أعرف الأشياء اللي المفروض أغيرها ؟؟

**بلال العلمي** · 21-08-2010, 06:10 AM

المشاركة الأصلية كتبت بواسطة بركات

أكرر السؤال

يعني إذا ما وديتها الصيانة يروح الضمان ولا لا ؟؟
وكيف أعرف الأشياء اللي المفروض أغيرها ؟؟

الضمان موجود الى صيانة 100000 كيلو وديتها او لا بس بشطارتك مثل ما قال اخوي المباشر

يعني راح تلقى مماطلات احيانا وترى الوكالة ما ينلامون لان المصنع هو اللي يدفع والمصنع واللجنة اليابانية تاخذ قطع العيوب المصنعية وتختبرها في مختبراتها في اليابان وبالتالي الدفع مؤجل الين صدور التقرير من المصنع

**جناب السفير** · 21-08-2010, 06:45 AM

والله اهون من عبداللطيف

**آلـفيصـل ~** · 21-08-2010, 07:40 AM

معروفه اسعار وكالة هوندا ,,

بس يااخي فيها ميزه بان القطعه اللي تركبها تنساها مو مثل باقي السيارات ..

الصيانه افضل انك تسوي بالوكاله كل بعد 10000 كيلو اما الخمسه آلأف ماهي مهمه ,,