استفسار عن ورش سمكره

**اكورد (2006)** · 18-08-2010, 06:53 AM

قدر الله علي وصار لي حادث بسيط والحمدالله على قضاء الله وقدره
سوالي ماهي افضل ورشة في الرياض وشغلهم زي الوكاله وهل من الممكن التعديل بدون رش
وهاذي الصور

..[/URL]

**برستيج** · 18-08-2010, 07:19 PM

الظاهر الصدام والرفرف يبيلها سمكره اما الكبوت سليم ..

انا مدخل موتري في ورشة المدار شغلهم قوي ماشاءالله اذا لك خاطر تعال وشف بعينك

الصناعيه القديمه - شارع بلقيس جنب العضيب اللي بـ الكورنر ..

**اكورد (2006)** · 19-08-2010, 04:33 AM

اخوي برستيج اخوياي نصحوني اوديها المزاحميه يقولون فيه واحد يعدل بدون رش يمكن يضبط التعديل بنسة 90% وفيه بعض التموجات في البويه اذا ماضبط التعديل ابغير الرفرف وصدام جديد ونصحوني بورشتين في الصناعيه القديمه الاولى ورشة وفاء والثانيه ورشة دريم كار وبشوف ورشة المدار ومشكور ياخوي برستيج
لو فيه اقتراحات وجهونا ياعضاء محبي هوندا

**Accord F15** · 19-08-2010, 04:41 AM

الله يجعلها اخر المصايب اخوي ولكن للأسف انا بجده ياليت كنت اقدر اخدمك لكن الشباب ما بيقصرون المنتدى كله من الرياض : )

**أكورد خليجي** · 19-08-2010, 04:43 AM

الحمدلله على السلامه
عندك ورشه الوفا شغلهم لايعلى عليه بس الله يعينك ارخ ريالك غاليه بالحيييييييييييييييييييييييييييييييييييييييييييييي يييييييييييل

**الهنادي07** · 19-08-2010, 05:50 AM

اذا مايهمك الفلوس ويهمك الشغل وبس رح ورشة الوفا بالصناعيه القديمة شغلهم ممتاز ولايعلى عليه صراحة انا اشوفه زي الوكالة او احسن من الوكالة,وغالبية عمالتهم فلبينيين على شوية اتراك,انا رحتلهم مع خويي بناخذ موتره كرايزلر08,لقيت عندهم انواع المواتر الفخمة لكزس ,بي ام, بانوراماا ,اودي خالصة جا راعيها استلمها ومشى طبعا كل موديلاتهم 2008 2009 2010
وفيه ورشة اعتبرها منافسة لهم او يقاربهم بالشغل اسمها ارناج يمدحونه,انت رح شفهم والله يكتبلك اللي فيه الخير يارب^^

**اكورد (2006)** · 20-08-2010, 05:01 AM

اخوي الهنادي 07 كم تتوقع ورشة وفاء يرشون الرفرف والصدام طبعا كلها جديده وبغى موقعهم بضبط

**just 4 u** · 20-08-2010, 01:32 PM

أخوي أكورد (2006)

حسب ميزانيتك راح نوجهك .. الصناعية القديمة تقدر تصلح عندهم بالنسبة لسيارتك بحدود 2000 ريال وأكثر
وتقدر تصلح بـ 600 ريال مع القطع بعد , فأنت ورغبتك الأخوان رشحوا لك الوفاء ودريم كار وهم بكل صراحة
أفضل من كثير من الوكالات الآن ولعلمك أغلب العمالة كانت تشتغل في الوكالات الرسمية

وعن تجربة الورشة رائعة وانت اول ماتوصل بتشوف بعينك ماتحتاج لمدح . الوصف الصناعية القديمة
وانت جاي من الدائري الشرقي على طريق المدينة المنورة ( مخرج 17 ) باتجاه الغرب بعد النفق أول إشارة يسار
قبل نهاية الشارع على اليمين راح تشوف الورشة . بالنسبة لورش ثانية شغلهم رائع وأسعارهم أقل فيه أكثر من ورشة
خلف ترايستار وشلنجر ( ورش الأمير متعب ) على نفس الشارع على اليسار وفيهم ( أرناج - الفردوس - شداد - وغيرهم )