دخيلكم فيدوني الله يرضالي عليكم
سلام عليكم ورحمة الله تعالى وبركاته
____________________________________
حبايبي انا عندي كم استفسار ارجو الرد عليها واشفاء غليلي <<الله اكبر يا غليلي
والصراحة ماني عارف هيا اشياء صيانه ولا الكترونيات ولا اكسسورز فقلت بس ارزعه فيذا وان شاء الله القى اهم شي الاجوبة الطيبه من الوجيه الطيبه
بسم الله :ـ (( سيارتي اكورد 2005 لولي ))
:o:o ستة إستفسارات :o:o
1/ الاسطب اللي قدام يوم اني اوقف قدام السياره واخلي السياره في وجهي والنور حق الاسطب على الناعس الاحظ اليمين اضعف من اليسار مع ملاحظة انو اليسار فيه زي البهتان او الغبار بينما اليمين تحسه ماشاء الله قزازه نظيفه (( هل يا ترى اغير شمعة اليمين ولا افك الاسطب اليسار وأنظفه ولا ايش )) ؟
2/ البوري هو كم واحد لأنو لاحظت اليوم انو الصوت سار نحيف زي صوت الكامري كده مع انو أساسا زي الفوردات تقريبا صوت احلى من دحين
3/ اللمبة حقت السقف مره تشتغل وعشره لأ .. طيب دحين تقريبا كملت شهرين بطلت مره تشتغل بكم سعرها (( يعني عشان لا اروح اغير وتكون الهرجة هرجة التماس ومهما غيرت كل مره لاسمح الله تنحرق ))
4/ عندي الاسطب اليسار اللي هو في نفس البدي مو في الشنطه :dان شاء الله تكونو عرفتوه .. عندي دحين لونو سار احمر فاااتح ((بههت)) طيب يكون الشمعه ضعفت اغيرها ولا على قول واحد من اصحابي لانه اسطب تجاري
**لأني أشتريتها مستخدمة فمدري هو غير الاسطب ولالا**
5/ ابغا اعرف القلم حق التنقيط من فين الاقيه ؟
6/ ملاحظة (( ياريت الله يرضى عليكم تدولونا في مكة المكرمة عن أفضل ميكانيكي وكهربائي يفهم للأكوردات أو جدة ))
____________________________________
وربي يسعدكم والله اني طولتها وهيا قصيره بس عاد عوااافي:o
هلا أخووي أول شي هذي ما تعتبر مشاكل تبغى تريح مخك خذلك خذلك 50 ريالا وروح أقرب كهربائي وقوله غير لمبات الأسطب والشمعات الأماميه السكن ولمبه السقف ب 5 ريالا وكل الي فيها مشاكل واتوقع كلها اشياء بسيطه واي كهربائي يعرف لها وأنشاء الله ما تزيد عن 50 ريالا وبتوفيق أخووي.
وعليكم السلام
ج1/ سوي تلميع للشمعه المبهته وان شاء الله ترجع جديدة مثل اختها واحتمال تكون اللمبة تحتاج تغير حقت السكن
ج2/ عددها 2 فكها واغسلها بماء واطلع على محل تغير الزيت وانفخها بالهواء وترجع مثل اول<<شكلك مسكت خط وامتلت تراب
ج3/ ابحث في المنتدى وراح تحصل اكثر من موضوع تكلموا فيه الشباب عن هذه المشكلة
ج4/ ما ادري يفيدوك فيها الشباب
ج5&6/ يفيدوك اهل مكة ان شاء الله
عاشق السيفيك يعطيك الف عافيه .. بس قولتك نور اللكزس حق اللوحه يكلفني اقل من 10 كمان ؟
اكورد .. بالنسبه للبوري اخاف الصراحه افكو واجيب العيد ويخرج الايرباق ما ينفع اي ورشه لانو اظن البوري التاني راح يباله تغير .. لانو حصل قبل كده ورجع ودحين رجع مره مايشتغل ؟؟
لا لا البوري اللي بتفكه
هو اللي خلف الشبك الامامي للسيارة
شكلة دائري وطالع منه مخرج مثل شكل البوق <<<توهق ما عرف يوصف
المهم مكانه امام الرديتر وخلف الشبك
قريب من هذا الشكل
هههههههههههههههههههههههههههههههههههههه .. بالله ماحسيت اني بغيت اجيب العيب من بدري
طيب الله يسعدك ماتعرف ناس فاهمين للاكورد في مكه (( ميكانيكا وكهربائيا وكلووو ))
لقيت لك صورة توضح لك مكان البوري
بالتوفيق
يا راااجل البوري مافي اسهل منو ابدا :d
فك الصواميل حقت البوري و فك السلك ( سحب ) زي الكبس
وانتهى الموضوع :d
و لو اني بمكة من عيوني والله اصير لك كهربائي و ميكانيكي و غسال و طباخ :o < جاب العيد خخخخخ
ضوابط المشاركة
رد مع اقتباس
مواقع النشر (المفضلة)