وين أحصل ؟؟

**ASEM** · 22-08-2010, 05:39 AM

السلام عليكم ورحمة الله وبركاته ..
صباحكم خير ،،
أقول حبايب قلبي عندي عدة أسئلة أتمنى ألقى لها أجوبة منكم ان شاء الله ..
بعد العروض اللي شفتها من الوكالة خصم 5000 بديت أفكر بالأكورد والصراحة معي الحين كامري 2010
ومتحير والله أبيعها وأزيد عليها وأشري أكورد والا أكمل على الكامري ..
لكن عندي سؤال فيه أحد يعرف معارض تبيع أكورد لإني ماحصلت الا بالوكالة والفلاح ..
وماأدري قلت ان شاء الله عندكم العلم .. وأتمنى لاهنتم اللي يحط المعرض يحط رقم المعرض اذا كان موجود
سؤال أخير .. أسعار أكورد سياحي lx في المعارض كم تاصل اللي عنده العلم لايبخل الله يخليكم ..
شاااااااكر ومقدر ..

**حبيب هنادي** · 22-08-2010, 05:43 AM

آخووووي خلك ع كآمريتك آذآ آنــت في بآلك آكورد سيآحيه

لآنـ الاكورد يآتجي فـــل ولآآ بلأإأإأإشئ آكوووورد

**ASEM** · 22-08-2010, 05:46 AM

مشكور أخوي على مروركـ ..
والله يكتب اللي فيه الخير

**memories** · 22-08-2010, 02:05 PM

وعليكم السلام ورحمة الله وبركاته

ليش طيب تبي تغير موترك وتوه جديد!!!

اكرفه عالأقل 5 سنين وبعدين فكر في التغيير

لو بعته الحين بتخسر مبلغ جامد

ويمكن لو بعته بعد سنتين بيجبلك نفس السعر الحين

وبعدين فيه مثل يقول (أرضى بقردك ليجيك أقرد منه)

**just 4 u** · 22-08-2010, 05:53 PM

أخوي asem ..
راح تـحصل في بعض المعارض الكبار عندهم سيارات جديدة ( زيرو )
وعـندك معرض السبر وهو موزع معتمد لـ هوندا , وعند العمودي على الدائري الشرقي إشارة مخرج 11
لكن تبي الرأي خلك على الفلاح لأن في الغالب هو الأقل سعر وأطلب خصم إذا انت جاهز بالكاش
وراح تحصل في المكتب صاحب المعرض متعاون جداً

**salamify** · 22-08-2010, 07:19 PM

والله يا غالي الأفضل تخليك على سيارتك خصوصا إنها جديدة وموديلها 2010.. لأنك لو بعتها راح تخسر جزء من قيمتها وفي نفس الوقت بتزود مبلغ وهذا بيخسرك بعد.. إستخدم سيارتك وبعد ما تحللها بعها وإشتري اللي خاطرك فيه..